Fréttablaðið - 10.05.2007, Page 35

Skjöldur sér um útlit stjarnanna og skreppur í
söngtíma þess á milli.
Það er aldrei lognmolla í kringum hinn fjölhæfa
Skjöld Eyfjörð. Hann hefur alltaf í mörgu að snúast
og verkefnin fjölbreytt og skemmtileg.
„Ég er náttúrlega á skrilljón hér á hársnyrtistof-
unni Supernova og svo hef ég verið að hjálpa Hara-
píunum með stíliseringar. Í framhaldi af því fer
ég vonandi að vinna með Nylon,“ segir Skjöldur
og bætir því við að þegar hann sé ekki að vinna þá
reyni hann að mæta í söngtíma í söngskóla Sigurðar
Dementz. Spurður hvort hann komi kannski til með
að hætta að stílisera poppstjörnur til þess að ger-
ast poppstjarna sjálfur hlær hann og segist ekki
halda það. „Hér á Íslandi lifir enginn á poppinu
einu saman. Það þurfa allir að hafa aukavinnu með,
annars endar þetta bara í vitleysu,“ segir hann og
bendir á að nú sé Jónsi í Svörtum fötum farinn að
vinna við flug. „Sem sannar að allar íslenskar popp-
stjörnur þurfa að hafa aukavinnu.“
Þegar Skjöldur er inntur eftir því hvað honum
þyki skemmtilegast við starfið í hárgreiðslunni seg-
ist hann hafa mest gaman af því að breyta útliti fólks
til hins betra. „Ég hef lært að það þarf ekki skurð-
aðgerðir eða vesen til að láta fólk líta stórvel út og
mér finnst alltaf svo gaman þegar fólk er tilbúið að
gera breytingar á sér. Reyndar finnst mér fleiri og
fleiri vera til í slíkt. Fólk hugsar bara „fokkitt, þetta
er hár en ekki sálin í mér“ og lætur vaða á breyting-
arnar í kjölfarið, sem er alveg frábært,“ segir þessi
ástsæli útlitshönnuður að lokum.
Popparar þurfa aukavinnu
Brúðkaupsdagar