Fréttablaðið - 19.06.2007, Qupperneq 28

19. JÚNÍ 2007 ÞRIÐJUDAGUR4 fréttablaðið hola í höggi
Golfklúbburinn Keilir heldur úti
öflugu barna- og unglingastarfi.
„Við erum með sumarnám-
skeið í samstarfi við Hafnarfjarð-
arbæ. Það eru um tuttugu krakk-
ar á hverju námskeiði á aldrinum
sjö til þrettán ára,“ segir Hörður
Arnarson, yfirgolfkennari í Keili.
Hann segir þessi námskeið vera
fyrir byrjendur og séu kynning á
íþróttinni. „Við erum með sérlega
góða aðstöðu hér til þess að taka á
móti krökkunum, bæði inni og úti,
svo veðrið skiptir orðið litlu máli
fyrir okkur.“
Að auki er í Keili hópur barna
og unglinga sem æfir innan félags-
ins að staðaldri. Hörður segir það
vera um 85 krakka á aldrinum átta
til átján ára. Þau séu á skipulögð-
um æfingum tvisvar til þrisvar í
viku og auk þess æfi þau sig sjálf
þess á milli.
Að sögn Harðar eru flestir
stærstu golfklúbbarnir með sum-
arnámskeið fyrir börn í samstarfi
við viðkomandi bæjarfélög.
Golfnámskeið fyrir börn
Hvaleyrarvöllur
Systkinin Lúðvík og Þórdís
Geirsbörn fara fagmannlega
með púttkylfurnar á Hvaleyr-
arvellinum í Hafnarfirði.
„Þórdís er búin að læra svo mikið
síðan ég kenndi henni á sínum
tíma að ég á engan séns í hana
lengur. Nýfermd var hún farin að
slá fram úr mér, var í landsliðinu
um tíma og hefur náð nokkrum
Íslandsmeistaratitlum. Við hjón-
in erum reyndar að fara að sinna
golfinu af alvöru þannig að það er
aldrei að vita nema ég nái henni
aftur,“ segir Lúðvík glettinn þegar
þau systkinin eru spurð hvort
rígur sé á milli þeirra á vellinum.
Lúðvík og Þórdís ólust upp á
Hvaleyrarholtinu og segja golf-
völlinn hafa verið þeirra leik-
svæði. „Ég byrjaði að koma hing-
að sem krakki þegar völlurinn
var nýr, kringum 67-68 og eign-
aðist fljótlega kylfur. Svo var ég
að draga fyrir karlana, ganga um
fjöruna og finna bolta,“ rifjar Lúð-
vík upp. „Tvíburasysturnar Þór-
dís og Ásdís eru sex árum yngri en
ég og voru rétt byrjaðar að standa
í fæturna þegar ég fór að draga
þær hingað niður eftir. Þórdís fór
aldrei heim aftur. Hún er búin að
vera hér í fjörutíu ár!“
Hvað skyldi hafa orðið til þess
að Þórdís ílentist í golfinu en ekki
hin systkinin?
„Það var rosalega góður hópur
á svipuðum aldri og ég sem stund-
aði golfið á þessum tíma,“ svarar
hún. „Ég var reyndar eina stelp-
an en varð fljótt jafnvíg strákun-
um og gaf þeim því ekki kost á
að skilja mig útundan. Ég byrjaði
líka eins og Lúlli á að draga fyrir
meistaraflokksfólk og fljótlega
fór ég að læra reglur golfsins og
hvernig á að haga sér. Það er hluti
af íþróttinni. Umgengnisreglurn-
ar eru þroskandi og byggja meðal
annars á snyrtimennsku og hátt-
vísi.“
Það var fyrir fjörutíu árum sem
golfklúbburinn Keilir var stofn-
aður og völlurinn lagður á Hval-
eyrarholtinu. „Hér voru bújarðir
og fyrsta klúbbhúsið var gamalt
býli. Eflaust væri hér íbúðar- eða
iðnaðarsvæði ef menn hefðu ekki
haft þá forsjálni að koma þessum
velli á. Hann hefur síðan stækkað
og út í hraunið,“ segir bæjarstjór-
inn og er ekki í vafa um gildi vall-
arins fyrir Hafnarfjörð.
„Völlurinn hefur mikla þýð-
ingu, fyrst og fremst sem útivist-
arsvæði því hann er eins og vin í
bænum. Í öðru lagi er golfið orð-
inn stór þáttur í ferðaþjónustu í
Hafnarfirði. Það er víst bara hér
og á Hawaii sem golfvellir eru í
hrauni og hingað kemur fólk bæði
frá öðrum stöðum á Íslandi og
utan úr heimi til að slá kúlu. Hér
hafa verið haldin stór alþjóðleg
mót og margir þekktustu kylfing-
ar heims hafa spilað hér á undan-
förnum árum. Ekki má svo gleyma
því að hér er unnið mikið uppeld-
is- og æskulýðsstarf sem er mjög
mikilvægt.“
Þórdís er sama sinnis. „Þegar
ég var að byrja um 12 ára aldur-
inn þá var ég með þeim yngstu á
svæðinu,“ segir hún. „Við fórum á
völlinn með nesti og vorum fram
á kvöld en þá voru engar skipu-
lagðar æfingar fyrir krakka. Nú
eru fimm til sex ára börn byrjuð á
námskeiðum og það er æðislegt.“
Sjálf hefur hún miklu að miðla í
íþróttinni. Skyldi hún stundum
taka bróður sinn í tíma?
„Það er regla í golfinu að menn
segi ekki hver öðrum til nema
þeir biðji um það en Lúlli er ekk-
ert feiminn að spyrja mig ráða
ef hann vill laga eitthvað.“ Nú
finnst bæjarstjóranum ástæða til
að minna á upphafið. „Þegar fólk
hefur orð á því við mig hversu
góður kylfingur systir mín sé þá
segi ég auðvitað. „Já, það var ég
sem kenndi henni!“ Því neitar Þór-
dís ekki. „Ég stal að minnsta kosti
kylfunum hans,“ segir hún glað-
lega. gun@frettabladid.is
Ólust upp á Hvaleyrarvelli
Þórdís og Lúðvík æfa púttið. Þau segjast þó fara alltof sjaldan saman á völlinn núorðið. FRÉTTABLAÐIÐ/VALLI
sportvision
w w w. p l u s m i n u s . i s
Suðurlandsbraut 4 l sími 517 0317
Ástríða | Stíll | Reisn