Fréttablaðið - 21.07.2007, Blaðsíða 51

Kl. 14.00
Hljómsveitin Hraun heldur tónleika í
Sólheimakirkju. Tónlist sveitarinnar
fjallar um mannlega bresti og sorgir,
en einnig um vonina um betri tíma.
Þá hefur það alltaf verið aðferð
sveitarinnar að hefja tónleika sína á
lágstemmdum nótum og smám
saman keyra upp gleðina og láta
birta yfir hjörtum viðstaddra.
Aðgangur er ókeypis og allir hjartan-
lega velkomnir, en tónleikarnir eru
hluti af tónleikaröð Menningarveislu
Sólheima.
Þórdís Björnsdóttir hefur
gefið út þriðju ljóðabók
sína. Fyrsta skáldsaga
hennar er svo væntanleg
fyrir jólin.
„Í bókinni er margt ósagt. Það er
ýjað að mörgu og í ljóðunum er
ákveðinn undirliggjandi óhugnað-
ur. Nafn bókarinnar kemur úr
þessum þætti hennar, þessari
dulúð,“ segir Þórdís Björnsdóttir
sem sendi í vikunni frá sér ljóða-
bókina Í felum bakvið gluggatjöld-
in. Þótt Þórdís sé ung að árum er
þetta þriðja bók hennar, en hún
hefur áður sent frá sér bækurnar
Vera & Linus (2006) og Ást og app-
elsínur (2004) sem báðar hlutu lof
gagnrýnenda.
„Fyrsta bókin mín var ljóða-
bálkur en í þessari nýju bók eru
ljóðin sjálfstæð,“ segir Þórdís.
„Keimlíkt andrúmsloft er það eina
sem bindur þau saman, að öðru
leyti er enginn þráður í gegnum
bókina.“
Fyrsta skáldsaga Þórdísar, Saga
af bláu sumri, er auk þess væntan-
leg og kemur út fyrir næstu jól hjá
bókaútgáfunni Bjarti. „Bókin fjall-
ar um njósnir. Ung stúlka kemur í
lítið þorp sem hún þekkir vel. Þar
sér hún aðra stúlku sem hún verð-
ur hugfangin af. Hún fer að njósna
um hana en þorir ekki að hitta
hana. Svo færast njósnirnar í auk-
ana eftir því sem líður á bókina.“
Þórdís hefur skrifað ljóð og
sögur frá unga aldri. Hún segir
það hafa komið sér á óvart hversu
mikil vinna fari í að koma sér á
framfæri, en tvær bóka sinna
hefur hún gefið út sjálf. „Að vera
ljóðskáld á Íslandi er mikið hark,
sérstaklega þegar kemur að því að
kynna sig og koma sér á framfæri.
Það kom mér á óvart. Ég er búin
að ætla mér að verða rithöfundur
síðan ég var krakki. Þá hélt maður
að verkinu væri lokið þegar maður
væri búinn að skrifa bókina. En
það er í raun minnsta verkefnið,
allt púlið er eftir þótt bókin sjálf
sé tilbúin.“ Þórdísi hefur engu að
síður tekist að lifa af ljóðlistinni,
sem er hennar aðalstarf í augna-
blikinu. „Ég fékk ritlaun og er
búin að nota þau núna yfir sumar-
tímann. Annars er ég búin að vera
í námi í bókmenntafræði við
Háskóla Íslands. Það er auðvitað
draumurinn að geta haldið áfram
að lifa af ritstörfunum.“
Stórtónleikar í Borgarneskirkju
Brúðkaups-
veislur
Önnumst alla
þætti veislunnar