Fréttablaðið - 28.07.2007, Blaðsíða 6

„Niðurstaða ríkis-
stjórnar var sú að það yrði horfið
frá jarðgangahugmynd milli lands
og eyja og þau áform lögð á hill-
una,“ sagði Kristján Möller sam-
gönguráðherra á blaðamanna-
fundi í ráðuneyti sínu í gær.
Þess í stað verður ný höfn tekin
í notkun í Bakkafjöru, vestan
Markarfljóts í Landeyjasandi, árið
2010.
Höfnin mun þjóna nýrri ferju
milli lands og Vestmannaeyja, sem
kemur til með að fara sex til sjö
ferðir daglega. Ferðin mun taka
um þrjátíu mínútur, eða svipað og
akstur um jarðgöng hefði tekið, að
sögn Kristjáns.
Kostnaður vegna nýs tengiveg-
ar við þjóðveginn, nýrrar ferju og
hafnargerðar er áætlaður 5,6
milljarðar króna.
Herjólfur mun sigla fimmtán
aukaferðir árlega þar til Bakka-
fjöruhöfn verður tekin í gagnið og
var gengið frá samkomulagi um
það á símafundi forstjóra Eim-
skips, fjármálaráðherra og sam-
gönguráðherra í gær.
Hin nýja ferja verður minni en
Herjólfur og kemur til með að
rýma 50 bíla og 250 farþega. Ferð-
um verður á móti fjölgað umtals-
vert. Þær eru nú 720 á ári, utan
fimmtán væntanlegra aukaferða,
en verða á bilinu 2.190 til 2.555 á
ári.
Ráðherrann sagði þetta gert í
ljósi mikils kostnaðar við ganga-
gerð og óvissu vegna jarðfræði-
legra aðstæðna.
Samkvæmt skýrslu Verkfræði-
stofu Sigurðar Thoroddsen hefði
kostnaður við jarðgöng verið á bil-
inu 52 til 80 milljarðar króna.
Einnig segir í skýrslunni að áhöld
séu um hvort réttlætanlegt sé að
grafa göng á svo jarðfræðilega
virku svæði.
Ný höfn byggð fyrir
Vestmannaeyinga
Horfið frá áformum um jarðgöng. Bakkafjöruhöfn og ný ferja tekin í notkun
árið 2010. Farnar verða allt að 2.555 ferðir árlega. Áætlaður kostnaður er 5,6
milljarðar. „Til einskis að berja höfðinu við stein“ segir bæjarstjórinn í Eyjum.
Hefur þér þótt framhaldssagan
um hundinn Lúkas áhugaverð?
Á skólafólk að fá frítt í strætó
frekar en aðrir hópar?
Óprúttnir aðilar hafa
undanfarið gengið í hús og sagst
vera að safna peningum á vegum
Blindrafélagsins. Félaginu hafa
undanfarið borist fyrirspurnir um
hvort söfnun standi yfir á vegum
þess. „Þetta eru nokkur símtöl og
það er auðvitað hörmulegt þegar
svona kemur upp,“ segir Halldór
Sævar Guðbergsson, formaður
Blindrafélagsins. Hann man eftir
örfáum tilvikum þar sem svipuð mál
hafa komið upp og vonast til þess að
um einangrað dæmi sé að ræða.
Lögreglan á höfuðborgarsvæð-
inu hefur ekki fengið neinar til-
kynningar um þessa fölsku söfn-
un. Allt of algengt sé að fólk loki
bara hurðinni á
svona fólk og
sleppi því að til-
kynna um atvikið.
Fólk verði einnig
meyrt vegna þessa
góða málstaðar og
óprúttnir aðilar
notfæri sér það.
„Það er um að gera
að skora á fólk að láta ekki blekkj-
ast,“ segir Halldór.
„Söfnunarfólk á okkar vegum er
alltaf merkt. Annars fer megnið af
okkar söfnunum fram í gegnum
síma og póstdreifingu, við erum
mjög lítið að ganga í hús,“ segir
Halldór að lokum.
Engin ákvörðun
hefur enn verið tekin um hvort eða
hvenær íröskum flóttamönnum
verði boðið að leita skjóls á
Íslandi.
Utanríkisráðherra, Ingibjörg Sól-
rún Gísladóttir, ljáði upphaflega
máls á þessum möguleika í heim-
sókn sinni til Mið-Austurlanda. „Það
er ekkert víst að það verði alveg á
næstunni. Það verður bara tekið á
þessum málum ef og þegar þau
koma upp,“ sagði Ingibjörg að lokn-
um ríkisstjórnarfundi í gærdag.
Mannréttindasamtökin Amnesty
International telja að um fjórar
milljónir Íraka séu á vergangi.
Óvíst um komu
„Það er undarlegt
ef umhverfisráðherra getur með
einu pennastriki fellt umhverfis-
mat úr gildi. Til hvers er þá verið
að setja framkvæmdir í umhverf-
ismat?“ segir Gunnlaugur Péturs-
son verkfræðingur en hann hefur
ásamt landeigendum, Náttúru-
verndarsamtökum Íslands og
Fuglaverndarfélagi Íslands ákveð-
ið að höfða mál gegn fyrrverandi
umhverfisráðherra sem sam-
þykkti í janúar síðastliðnum lagn-
ingu vegar um Teigsskóg sem
Skipulagsstofnun hafði lagst
gegn.
Vegurinn er liður í endurbótum
Vestfjarðavegar um sunnanverða
Vestfirði. Gunnlaugur segir að
allir sem hafi kannað umhverfis-
áhrif framkvæmdarinnar mæli
gegn henni en svæðið þykir ein-
stakt fyrir náttúrulegan birkiskóg,
fuglalíf og fornminjar.
„Tillaga Vegagerðarinnar um
veg um Hjallaháls er mun vænni.
Sá vegur er ódýrari og umhverf-
isáhrifin mun minni. Mér reikn-
ast svo til að það væri jafnvel
hægt að gera jarðgöng undir háls-
inn fyrir sömu upphæð og kostar
að leggja veginn um Teigsskóg,“
segir Gunnlaugur sem telur að
ráðherra hafi orðið fyrir pólitísk-
um þrýstingi frá Vesturbyggð.
Fái úrskurður umhverfisráð-
herra að standa má búast við að
framkvæmdir verði boðnar út á
næsta ári.