Fréttablaðið - 18.08.2007, Blaðsíða 83

Nemendur á þriðja ári hönn-
unardeildar Listaháskóla
Íslands verða með aðsetur
í Gallerí Sellerí á menning-
arnótt og verður þar mikið
húllumhæ í gangi.
Nemendur í vöruhönnun munu
selja margrómaðan blóðbergs-
drykk sem vakti mikla lukku á
sýningu í Matarsetrinu í byrjun
árs. „Við munum selja blóðbergs-
drykkinn sem við Sindri Páll Sig-
urðsson gerðum í sérstökum mat-
arhönnunarkúrsi síðasta vetur,“
segir Hafsteinn Júlíusson, nem-
andi í vöruhönnun.
„Ætlunin er að blanda hátt í tólf
hundruð drykki og við höfum feng-
ið um fjögur hundruð lítra af gosi í
styrk frá Ölgerðinni. Í þetta sinn
notum við aðstöðuna í skólanum í
eldamennskuna en síðast þurftum
við að blanda þetta heima hjá mér
og það var fáránlegt. Allt úti um
allt. Drykkurinn er meðal annars
samsettur af blóðbergstei, sóda-
vatni og bláberjaþykkni sem við
fáum frá Heilsuhúsinu,“ segir Haf-
steinn en hann seldi drykkinn áður
á sýningunni sem haldin var í lok
matarkúrssins. „Þá vorum við með
einhverjar hundrað flöskur sem
seldust upp á tuttugu mínútum en
sýningin stóð í fimm tíma svo við
vorum ekki með neitt til sölu í rúma
fjóra tíma. Þess vegna fannst okkur
við verða að gera þetta aftur og
hyggjumst selja drykkinn á fimm
hundruð kall. Einnig verðum við
með eins konar kebab-klaka á staðn-
um, frystan drykk sem við sköfum
af og gefum fólki að smakka.“
Auk hins séríslenska blóðbergs-
drykks verða aðrir nemendur
skólans með boli og plaköt til sölu.
„Það verða þarna einhverjir úr
fatahönnun og grafískri hönnun
að þrykkja á boli á staðnum. Við
verðum svo öll með sýningu á
verkum okkar í galleríinu og tón-
listarmaðurinn Johnny Sexual
leikur fyrir gesti. Það verður því
mikið glens hjá okkur þarna í
Gallerí Sellerí á menningarnótt
frá klukkan tólf til átta og allir
eru velkomnir.“
Útvarpsstöðin Reykjavík FM
ætlar ekki að láta sitt eftir liggja í
hátíðarhöldunum á menningarnótt
og hefur ákveðið að blása til stór-
tónleika í bakgarði skemmtistað-
arins Dillon á laugardag. „Við
erum búnir að standa fyrir nokkr-
um grillveislum með „live“ músík
á Dillon í sumar og ætlum að klára
þetta með stæl,“ segir Franz Gunn-
arsson, framkvæmdastjóri
Reykjavík FM.
Tónleikarnir hefjast kl. 15 og
standa yfir fram á kvöld en segja
má að þeir séu í raun tvískiptir.
Fram til kl. 18 munu ungar og upp-
rennandi hljómsveitir fá að
spreyta sig en frá kl. 19 munu
stóru nöfnin stíga á sviðið í bak-
garðinum og bjóða upp á „ókeypis
rokk og ról af bestu gerð“ eins og
Franz orðar það. Jeff Who?, Lights
on the highway og Mínus eru á
meðal þeirra sveita sem stíga á
stokk.
Í millitíðinni fer síðan fram
fyrsta Íslandsmótið í pylsuáti en
undankeppnir hafa verið haldnar
hjá útvarpsstöðinni út vikuna. Þeir
sem sköruðu fram úr þar munu
etja kappi á Dillon og reyna að
torga sem flestum pylsum á 12
mínútum. „Það er vel við hæfi að
þetta mót skuli fara fram á menn-
ingarnótt því pylsur skipa stóran
menningarlegan sess á meðal
þjóðarinnar,“ segir Franz. Þess má
geta að heimsmetið í pylsuáti eru
66 pylsur á 12 mínútum. „Það er
náttúrulega bara rugl en menn
munu eflaust gera heiðarlega til-
raun til að slá það met,“ segir
Franz.
Rokkveisla og pylsuát á Dillon
Nú er til sölu á eBay heil paradís-
areyja á besta stað í Kyrrahafinu
sem fengið hefur heitið „Bláa lóns
eyjan“ vegna þess einstaka lóns
sem umlykur eyjuna sjálfa. Verð-
ið er 25 milljónir evra, eða rúmir
2,2 milljarðar íslenskra króna.
Bláa lóns eyjan er einstök og ein
af örfáum þeirra rúmlega þúsund
eyja í Pólýnesíu sem höfðu verið
ósnertar af mönnum þar til fyrir
nokkrum árum, þegar núverandi
eigendur hófu framkvæmdir á
henni. Hún er um 1,5 kílómetrar á
lengd og rúmir 500 metrar á
breidd. „Eyjan er ótrúleg og við
fullyrðum að hvergi annars staðar
í heiminum er aðra eins náttúru-
fegurð að finna,“ segja núverandi
eigendur eyjunnar, sem vilja ekki
koma fram undir nafni. Fram-
kvæmdir á sannkallaðri lúxus
aðstöðu fyrir 20 gesti eru langt
komnar á eyjunni og er hugmynd-
in að bjóða upp á einstaka heilsu-
paradís fyrir þá sem hafa næga
aura á milli handanna. Á eyjunni
verður lítill golfvöllur, dýfingar-
pallur, heitir pottar, vínkjallari og
allt sem þarf til að prýða full-
komna heilsulind.
Það sem gerir eyjuna svo sérstaka
er stórt rif sem umlykur hana alla
tæpum 100 metrum frá landi. Rifið
myndar hálfgert virki fyrir eyjuna
og verndar hana frá ýmsum tegund-
um veðra og vinda. Sjórinn í lóninu
er því nánast sléttur allt árið um
kring og er alltaf um 27 gráðu heitur.
Að auki er sjórinn kristaltær sem
gerir aðstæður til köfunar og ann-
arra vatnaíþrótta eins góðar og þær
geta orðið. Eins og áður segir er
hægt að gera tilboð í eyjuna á eBay
og vilja núverandi eigendur meina
að hún sé nánast á gjafaverði, miðað
við möguleikana sem eru fyrir hendi
á henni.
Paradísareyja til sölu á eBay
Íþrótta- og tómstundasvið Reykjavíkur, ÍTR, mun í haust
hefja starfsemi þriggja frístundaklúbba í borginni fyrir
fötluð börn og unglinga á aldrinum 10-16 ára. Meginmark-
mið með starfinu er að bjóða upp á fjölbreytt og spennandi
frístundatilboð þar sem uppeldisgildi frítímans eru höfð að
leiðarljósi. Stefnt er að því að tengja þetta starf þeim
tilboðum sem nú þegar standa þessum aldurshópi til boða
í hverfunum. Klúbbarnir verða staðsettir á þremur stöðum í
Reykjavík og verða opnir frá skólalokum til kl. 17.15 alla virka
daga.
Sótt er um fyrir börn í frístundaklúbb eftir staðsetningu
þess skóla sem þau sækja:
Sótt er um dvöl í frístundaklúbbi vegna skólaársins 2007-
2008 á rafrænu formi á vefslóðinni www.reykjavik.is. Hægt
verður að sækja um frá og með 20. ágúst 2007.
Þeir foreldrar sem geta ekki nýtt sér rafræna innritun eru velkomnir fyrir
hádegi á frístundamiðstöðvar ÍTR og á þjónustumiðstöðvar hverfanna. Þar
fá þeir aðstoð við skráningu. Ekki er hægt að skrá börn í frístundaklúbb í
gegnum síma. Þjónustumiðstöðvar, frístundamiðstöðvar og símaver
Reykjavíkurborgar sími 411-1111 geta leiðbeint símleiðis ef forráðamenn eru
við nettengda tölvu.
Frístundaklúbbar fyrir
fötluð börn og unglinga
á aldrinum 10-16 ára
Umsóknir fyrir skólaárið 2007-2008
Frístundaklúbburinn í Grafarvogi þjónustar börn og
unglinga í Grafarvogi. Upplýsingar veitir Frístunda-
miðstöðin Gufunesbær sími 520-2300
Frístundaklúbburinn í Breiðholti þjónustar börn og
unglinga í Grafarholti, Árbæ, Norðlingaholti og Breiðholti.
Upplýsingar veitir Frístundamiðstöðin Miðberg sími 411-5750
Frístundaklúbburinn í Langholtshverfi þjónustar börn og
unglinga vestan Elliðaár. Upplýsingar veitir Frístunda-
miðstöðin Tónabær sími 411-5400
Íþrótta- og tómstundasvið Reykjavíkur I Bæjarhálsi 1
Sími 411 5000 I Bréfsími 411 5009 I www.itr.is I itr@itr.is