Fréttablaðið - 19.09.2007, Blaðsíða 14

„Það verða alltaf til
skemmtanaglaðir Íslendingar og
það eru fjölmargir skemmtistaðir
utan miðbæjarins sem ganga vel,“
segir Stefán Eiríksson, lögreglu-
stjóri höfuðborgarsvæðisins.
Á miðborgarþingi fjallaði Stef-
án um aðgerðir lögreglu í mið-
borginni um helgar. Hann fjallaði
um níu atriði sem snúa að því
hvernig auka megi eftirlit og bæta
þannig umgengni gesta miðbæjar-
ins og öryggi borgaranna. Meðal
atriðanna voru aukinn sýnileiki
lögreglu, götueftirlit með sölu og
neyslu fíkniefna og forvarnastarf.
En Stefán telur þessa möguleika
ekki leysa vandamálið. „Móta þarf
skýra stefnu um miðborgina.
Hversu lengi staðir eiga að vera
opnir, hverrar gerðar þeir eiga að
vera og hversu margir.“
Á þinginu lagði hann til að opn-
unartími skemmtistaða í miðborg-
inni yrði færður fram til klukkan
tvö um helgar og að staðir með
lengri opnunartíma yrðu færðir út
fyrir miðbæinn og braust út mikið
lófaklapp meðal gesta þingsins.
„Ef menn vilja halda áfram að
blanda saman atvinnustarfsemi,
íbúabyggð og skemmtanalífi mun
eitthvað láta undan að lokum,“
segir Stefán.
Takmarkaður stuðningur
við tillögur lögreglustjóra
Lögreglustjóri höfuðborgarsvæðisins segir að eitthvað muni undan láta ef skemmtanalífi miðbæjarins verður
áfram blandað við íbúabyggð. Tillögur hans að úrbótum hljóta ekki hljómgrunn hjá stjórnmálamönnum og
hagsmunaaðilum. Allir eru þó sammála um að sýnileg löggæsla hefði gefist vel og henni eigi að halda áfram.
„Rjúpurnar telja sig best
settar hjá verksmiðjumönnum
enda erum við afar heiðvirðir
menn,“ segir Jón Sigurðsson,
vefstjóri síðunnar vopnafjordur.is
og starfsmaður í fiskimjölsverk-
smiðju HB Granda á Vopnafirði.
Við verksmiðjuna hefur fjöldi
rjúpna vanið komur sínar og
virðast þær treysta starfsmönn-
um þar vel. „Við erum reyndar
alræmdir fyrir veiðidellu, ég hef
meira að segja fengið viðurnefnið
Jón morðingi vegna þess,“ segir
hann og skellir upp úr. „Ég get
samt ekki skotið þessar,“ bætir
hann við. „Þær eru afskaplega
fallegar og alveg ótrúlega gæfar,
ég gat meira að segja klappað
einni,“ segir Jón en á síðu hans
má sjá fjölda fallegra mynda af
fuglunum við verksmiðjuna.
Rjúpur bræða
veiðimann
Íslendingar hafa að
undanförnu fengið hótunarbréf í
tölvupósti sem virðist vera frá
leigumorðingja þar sem viðtak-
anda er hótað lífláti greiði hann
ekki háa upphæð á bankareikning
erlendis. Ríkislögreglustjóri hefur
sent frá sér viðvörun vegna
þessa.
Alríkislögreglan í Bandaríkjun-
um, FBI, og New Scotland Yard í
Bretlandi hafa fengið margar
kvartanir frá fólki vegna þessara
sendinga. Ekki hafa borist fregnir
af því að fólk hafi tapað peningum
á þessu eða að nokkrum hafi verið
unnið mein.
Svikahrapparnir beita ýmsum
brögðum og er nýleg aðferð þeirra
að senda tölvupóst í nafni erlendra
lögreglustofnana eins og FBI. Þar
kemur fram að nafn viðtakenda
hafi fundist í fórum handtekins
leigumorðingja sem myrt hafi ein-
staklinga í Bandaríkjunum og
Bretlandi sem hafi skorast undan
að borga féð sem krafist var fyrir
að þyrma lífi þeirra. Er viðtakandi
beðinn um að svara tölvupóstinum
til að hjálpa til við frekari rann-
sókn málsins. Svikahrapparnir
velja netföng af handahófi og
varar ríkislögreglustjóri fólk við
að svara bréfunum, ella geti hót-
anirnar haldið áfram.
Hóta viðtakendum lífláti
„Þeir villtust eitthvað
aðeins af leið með sjúklinginn og
fóru með hann á Akureyri en ekki
Ísafjörð,“ segir Hermann
Hermannsson, slökkviliðsmaður á
Ísafirði, um ófarir slökkviliðs-
manna á Akureyri í gær.
Akureyringarnir höfðu verið
sendir með flugi til Reykjavíkur
til að sækja sjúkling sem átti að
flytja til Ísafjarðar. Það orðspor
fer af norðanmönnum að þeir séu
heimakærir og það sannaðist ef
til vill á því að norðlensku
sjúkraflutningamennirnir drifu
sig heim aftur. Í aðfluginu áttaði
árvökull slökkviliðsmaður sig þó
á því að mistök hefðu átt sér stað.
Norðurland væri ekki réttur
áfangastaður. Hætt var við
lendingu og haldið með sjúkling-
inn til höfuðstaðar Vestfjarða.
„Flugið tafðist um hálftíma. En
sjúklingurinn var sem betur fer
hinn kátasti með þetta og varð
ekki meint af,“ segir Hermann.
Flugu óvart
heim aftur
Jon Erik Reinhard-
sen, sem er yfirmaður vaxtar-
verkefna Alcoa, fundar á
mánudag með forsvarsmönnum
Norðurþings og iðnaðarráðuneyt-
isins vegna vinnu við þriðja
áfanga hagkvæmniathugunar
fyrir álver á Bakka við Húsavík.
Unnið er að hagkvæmniathugun-
inni en tveimur áföngum af
þremur er þegar lokið.
Fundurinn er hefðbundinn
samráðsfundur, samkvæmt
upplýsingum upplýsingafulltrúa
Alcoa. Reinhardsen mætir til
fundarins til þess að heyra frá
fyrstu hendi viðhorf heimamanna
í Norðurþingi til verkefnisins.
Fundar með
heimamönnum