Fréttablaðið - 19.09.2007, Blaðsíða 41

Eggert Magnússon hætti
í gær sem forstjóri hjá West Ham,
starfi sem hann lenti á kafi í án
þess að hafa ætlað sér það í byrj-
un. Álagið hefur verið mikið á
Eggert síðasta árið en nú hefur
hann fundið sér mann til að sjá um
daglegan rekstur West Ham og
einbeitir sér nú í staðinn að fót-
boltahliðinni hjá félaginu.
„Ég verða áfram stjórnarfor-
maður og verð á fullu í kringum
félagið þó að ég sé ekki í daglegri
stjórn á klúbbnum. Það fer yfir á
nýja forstjórann en auðvitað verð
ég áfram formaður stjórnar og
verð í því hlutverki sem stjórnar-
formenn eru yfir höfuð hér í Eng-
landi,“ segir Eggert sem er sáttur
við þessar breytingar.
„Ég er mjög ánægður. Ég hef
ekki getað andað og komst loksins
í vikufrí á dögunum. Ég ætlaði
mér aldrei að vera í starfi 24 tíma
og sjö daga vikunnar. Þetta er búið
að vera rosalegt ár. Þó að ég sé á
besta aldri og í betra líkamlegu
formi en flestir þá verður maður
aðeins að hugsa líka um lífið og til-
veruna. Minn maður er mjög
góður, hann er búinn að starfa með
mér í eitt ár og ég veit alveg hvar
hann stendur,“ segir Eggert.
Eggert segir það ekki hafa verið
ætlunina að taka svo mikla vinnu á
sig þegar hann kom inn í West
Ham.
„Þegar ég kom inn í West Ham
þá ætlaði ég mér aldrei að verða
formaður og forstjóri en viku eftir
að ég kom inn í félagið þá þurfti ég
að láta þann mann fara sem var
stjórnarformaður því hann var of
tengdur þeim sem voru að keppa
við okkur að yfirtaka félagið. Ég
labbaði beint inn í það hlutverk en
fékk með mér mann að nafni Scott
Duxbury sem varð aðstoðarstjórn-
arformaður. Hann er núna að taka
við. Það var allt upp í loft á síðasta
ári af ýmsum ástæðum og það
hefur ekki verið hægt að gera
þetta fyrr en núna. Við erum í
sjötta sæti, öll Tevez-mál eru búin
og ég held að klúbburinn sé í betra
ástandi núna en hann hefur verið
um árabil,“ segir Eggert en West
Ham hefur unnið tvo síðustu leiki
sína 3-0 gegn Reading og Middles-
brough og er taplaust frá því að
liðið lá fyrir Manchester City í
fyrsta leiknum. Eggert horfir
bjartsýnn fram á veginn.
„Við vorum í viðræðum um
Ólympíuleikvanginn sem gengu
ekki upp en borgarstjórinn í Lond-
on lofaði okkur í staðinn landi til
kaups sem myndi henta okkur vel.
Það land er núna klárt og nú erum
við að fara að horfa til þess að
byggja nýjan og stóran völl og
byggja upp íbúðabyggð í kringum
hann. Ef það gengur upp þá förum
við að byggja upp svæðið sem
völlurinn er á núna. Það er heilmik-
ið í kortunum hjá West Ham og
spennandi tímar fram undan,“
segir Eggert Magnússon en nú er
búist við að Björgólfur Guðmunds-
son, eigandi West Ham, fari meira
að skipta sér að rekstri félagsins
með beinum hætti.
Eggert Magnússon hefur minnkað við sig hjá West Ham og kemur ekki lengur að daglegum rekstri. Hann
verður áfram stjórnarformaður og er farinn á fullt að skipuleggja byggingu á nýjum og stórum heimavelli.Dómstóll ÍSÍ dæmdi á
föstudag hinn 18 ára gamla
dansara, Jón Eyþór Gottskálks-
son, í sex mánaða keppnisbann en
Jón Eyþór féll á lyfjaprófi sem
var tekið á landsmóti UMFÍ í
sumar. Honum er jafnframt
óheimilt að gegna trúnaðarstörf-
um fyrir ÍSÍ, sambandsaðila ÍSÍ
eða félög og deildir innan þeirra
til 31. janúar 2008.
Jón Eyþór ku vera fyrsti
dansarinn sem fellur á lyfjaprófi
á Íslandi eftir því sem Fréttablað-
ið kemst næst.
Jón Eyþór kom hreint fram í
málinu og játaði að hafa reykt
kannabis í fyrsta og eina skiptið
kvöldið fyrir keppni á Landsmót-
inu. Hann kom af hreinskilni
fram við félag sitt, sem er
dansfélagið Hvönn, og játaði að
loknu prófinu að möguleiki væri á
því að hann félli á því sökum
kannabisreykinganna.
Dansari féll
á lyfjaprófi
Sænska kvennalandsliðið
komst ekki í átta liða úrslitin á
HM í Kína þrátt fyrir 2-1 sigur á
Norður-Kóreu í lokaleik sínum í
riðlinum. Þetta eru mikil
vonbrigði fyrir sænska liðið sem
komst í úrslitaleikinn á síðasta
HM sem fram fór 2003.
Bandaríkin unnu riðilinn eftir
1-0 sigur á Nígeríu sem rak
lestina. Með þessu er ljóst að
Þýskaland mætir Norður-Kóreu
og Bandaríkin spila við England í
átta liða úrslitunum.
Þær sænsku
sátu eftir