Fréttablaðið - 20.09.2007, Blaðsíða 36

20. SEPTEMBER 2007 FIMMTUDAGUR6 fréttablaðið nýir bílar
Brimborg frumsýnir á næst-
unni nýjan Ford Mondeo
sem er kominn í glænýjan og
betri búning. Hann er með
stórbættan öryggisbúnað
og skemmtilegar nýjungar í
aukabúnaði.
„Nýjasti Ford Mondeo árgerð 2008
er nýkominn og verður frumsýnd-
ur fyrstu helgina í október. Þá
tjöldum við öllu sem til er og verð-
um með stórsýningu í Brimborg
Reykjavík og á Akureyri,“ segir
Gísli Jón Bjarnason, sölustjóri
Ford hjá Brimborg Reykjavík.
Nýjasta útgáfan af Ford
Mondeo er gjörbreytt frá fyrir-
rennara sínum og að sögn Gísla
Jóns er nafnið eiginlega það eina
sem þeir Ford-félagarnir eiga
sameiginlegt í dag.
„Nýi Ford Mondeo-inn er stærri
og með vandaðri frágang að öllu
leyti, ásamt því að allur öryggis-
búnaður er mun betri og þróaðri,“
segir Gísli Jón og bætir við: „Það
eru sex öryggispúðar í bílnum,
sem er mikil nýjung. Þeir eru
eins og venjulega í framsætinu en
einnig á hliðum og fyrir hné öku-
manns enda verða hnén oft fyrir
hnjaski ef óhapp verður. Síðan
eru sérstakar öryggisgardínur
sem falla niður við hliðarárekstur
og verja farþega í fram- og aftur-
sæti.“
Annar nýr aukabúnaður sem
Gísli Jón nefnir er nálægða- og
hraðaskynjarar bæði að fram-
an og aftan. Þeir vekja athygli á
bílum sem nálgast og geta dregið
úr hraða ef ökumaður til dæmis
nálgast aðra bifreið sem keyrir
hægar.
Einnig eru halógen-aðalljós
sem beygja með bílnum, lykla-
laust aðgengi með starthnappi
þar sem nóg er fyrir ökumann
að vera með lykil í vasanum
til að ræsa bílinn, útdraganleg
gólf í farangursrými á skutbíls-
útfærslunni. Þá má nefna Sony-
hljómtæki fyrir sex diska,
sólarvörn og regnskynjara í
framrúðu, kælingu í hanskahólfi
og ofnæmisprófuð áklæði, ásamt
stillanlegri fjöðrun eftir aksturs-
aðstæðum.
Ford Mondeo er mikill fjöl-
skyldubíll en að sögn Gísla Jóns er
bílinn orðinn sportlegri og hópur-
inn sem velur bílinn að yngj-
ast. „Flestir vilja forvitnast um
mengunarvarnir og eyðslu á elds-
neyti þessa dagana. Þess vegna
er einstaklega gaman að geta
þess að bílinn stóð sig sig frábær-
lega í stóra kappakstrinum sem
fór fram á dögunum í tilefni Sam-
gönguvikunnar. Síðan eru líka er-
lend bílablöð farin að bera hann
saman við mun dýrari bíla í lúxus-
bílaflokki. Þar hefur hann verið
að keppa við Mercedes Benz og
staðið sig mjög vel,“ segir Gísli
Jón og nefnir í því samhengi nafn-
togaðan smekkmann sem ferðað-
ist um á bílnum í Evrópu ekki alls
fyrir löngu.
„Daniel Craig keyrði á Ford
Mondeo sem James Bond í nýj-
ustu myndinni Casino Royale,
á leið frá flugvellinum. Í tilefni
myndarinnar varð einum erlend-
um blaðamanni að orði að bíllinn
væri svo fallegur að hann hefði
fengið að leika í James Bond. Það
er ansi gott,“ segir Gísli Jón hlæj-
andi. rh@frettabladid.is
Hentar jafnt fyrir njósnara sem fjölskyldur
Nýjasti Ford Mondeo er með skemmtilegar nýjungar sem verða frumsýndar fyrstu helgina í október. FRÉTTABLAÐIÐ/GVA
Gísla Jóni Bjarnasyni sölustjóra Brimborg-
ar finnst ekki verra að sjá Bond á Ford.
gaman að Ford sérblað nýjir bílar