Fréttablaðið - 07.10.2007, Síða 2

Sýningin er opin
alla daga frá 10–17
Aðalstræti 16
101 Reykjavík
www.reykjavik871.is
Lífið á
landnámsöld
Heimdallur, félag
ungra sjálfstæðismanna í
Reykjavík, telur óskiljanlegt að
Orkuveita Reykjavíkur standi í
útrás í gegnum fyrirtækið
Reykjavik Energy Invest, REI.
Félagið hvetur borgarfulltrúa
Sjálfstæðisflokksins til að selja
hlut Orkuveitunnar í REI. „Það er
ekki Sjálfstæðisflokknum
sæmandi að fulltrúar hans leiði
opinber fyrirtæki út í fjárfest-
ingarstarfsemi út um víða
veröld,“ segir í ályktun frá stjórn
Heimdallar.
Ekki sæmandi
að leiða útrás
Alls bárust 82 tillögur í
samkeppni um skjaldarmerki
Ísafjarðarbæjar frá 42 aðilum.
Skipuð hefur verið nefnd um val á
byggðamerkinu og er gert ráð fyrir
að hún hittist á morgun og fari yfir
tillögurnar með listfræðingi.
Í viðtali við vestfirska fjölmiðil-
inn Bæjarins besta segir Kristín
Völundardóttir, formaður nefndar-
innar, þó óvíst hvort hægt verði að
skera úr um úrslitin þá. Óskað var
eftir því að merkið hefði augljósa
skírskotun til eins eða fleiri af
eftirtöldum atriðum í tengslum við
svæðið: landslags, sögu, menn-
ingar, dýralífs, flóru og atvinnulífs.
Á níunda tug
tillagna bárust
Ellý, þarf einhverja galdraþulu
í þetta starf?
Skemmtibáturinn
Harpa, sem steytti á skeri á
Viðeyjarsundi í september 2005,
verður ekki boðinn upp á næsta
laugardag þrátt fyrir auglýsingu
þess efnis í dagblöðum í gær. Þetta
fullyrðir Jóhannes Rúnar Jóhanns-
son lögmaður aðstandenda þeirra
sem létust í slysinu. „Það er alveg
á hreinu,“ segir hann. Jónas seldi
bátinn úr landi í fyrra og er hann
ekki enn kominn í leitirnar.
Jónas hefur verið kærður fyrir
skilasvik fyrir að selja bátinn og
rannsakar lögregla nú málið. Hörð-
ur Jóhannesson aðstoðarlögreglu-
stjóri segir bátsins leitað. Að sögn
Jóhannesar er hann talinn vera í
Noregi.
Hörpu leitað en
auglýst á upp-
boð á laugardag
„Það er hópur með
í skoðun hvort byrja eigi að
bólusetja við veirunni sem veldur
leghálskrabbameini,“ segir
Þórólfur Guðnason sóttvarna-
læknir. Hann segir niðurstaðna
að vænta á næstunni.
Veiran, sem kölluð er HPV,
veldur kynfæravörtum, einum
algengasta kynsjúkdóma heims.
Tilfellum veirusýkingarinnar
hefur fjölgað mikið á undanförnum
árum, sérstaklega meðal 15 til 19
ára ungmenna og er talið að um
helmingur íslenskra kvenna smit-
ist af veirunni fyrir 25 ára aldur.
Alþjóðaheilbrigðisstofnunin
hefur vakið athygli á þörf fyrir
bólusetningu
gegn veirunni,
ríki í Banda-
ríkjunum hafa
þegar gert þær
lögbundnar og í
gær greindi
danska blaðið
Politiken frá
því að heil-
brigðisyfirvöld
þar í landi hefðu
tekið ákvörðun
um að tólf ára
stúlkur yrðu framvegis bólusettar
gegn veirunni.
Frumubreytingar í leghálsi og
leghálskrabbamein geta komið
fyrst fram mörgum áratugum
eftir smit.
Eftir að skipulögð leit var hafin
að leghálskrabbameini fyrir
fjörutíu árum hefur dauðsföllum
vegna þessa krabbameins fækkað
mjög.
Þórólfur segir kosti og galla
þessara bólusetninga í vandlegri
skoðun.
Taka verði tillit til þess að
bóluefnin sem nú eru í boði vinna
aðeins gegn um 70 prósentum
veira sem valda sýkingunni og
því yrði starf Leitarstöðvarinnar
enn nauðsynlegt þótt bólusetning
yrði hafin.
Kostir nýrrar bólusetningar kannaðir
Jóhanna Sigurðardóttir
félagsmálaráðherra ætlar að kalla
forsvarsmenn lífeyrissjóðanna á
sinn fund í vikunni og fara yfir
stöðu öryrkja gagnvart sjóðunum.
„Ég lít þessi mál alvarlegum
augum og tel brýnt að fá niður-
stöðu,“ segir Jóhanna.
Í ræðu á aðalfundi Öryrkja-
bandalagsins í gær sagði Jóhanna
að þótt hún gerði sér grein fyrir
því að staða ýmissa lífeyrissjóða
sem boðuðu skerðingu væri erfið
vegna mikilla örorkugreiðslna,
væri nauðsynlegt að leysa málið
með öðrum hætti en að skerða líf-
eyrisgreiðslur um það bil 1.700
öryrkja um allt að 70 þúsund krón-
ur á mánuði.
Öryrkjabandalagið hefur falið
lögmanni sínum, Ragnari
Aðalsteinssyni, að höfða mál gegn
lífeyrissjóðunum. „Látið verður
reyna á réttarstöðu öryrkja sem
eru lífeyrisþegar hjá þeim lífeyr-
issjóðum sem hafa ákveðið að
skerða þann lífeyri sem öryrkj-
arnir hafa haft undanfarin ár og
áratugi,“ segir Ragnar en áætlað
er málið verði þingfest fyrir Hér-
aðsdómi Reykjavíkur á fimmtu-
daginn.
Á aðalfundi Öryrkjabandalags-
ins í gær fagnaði Sigursteinn Más-
son, formaður bandalagsins, yfir-
lýstri stefnu stjórnvalda um
umbætur í velferðarkerfinu. Lagði
hann áherslu á að eitt nýtt almanna-
tryggingakerfi yrði skipulagt og
hafnaði hugmyndum Alþýðusam-
bands Íslands (ASÍ) og Samtaka
atvinnulífsins (SA) um sérstakt
tryggingakerfi fyrir öryrkja.
Jóhanna segir fagnaðarefni að
ASÍ og SA komi með svo kröftug-
um hætti inn í umræðuna um
eflingu starfsendurhæfingar en
minnir á að slíkar veigamiklar
breytingar verði að ræða á opin-
berum vettvangi þar sem raddir
allra hagsmunahópa fái að heyr-
ast.
Nefnd á vegum forsætisráðu-
neytisins fjallar nú um málið og
eru tillögur ASÍ og SA til athugun-
ar þar. Samhliða er í félagsmála-
ráðuneytinu hafinn undirbúningur
að breytingu á almannatrygginga-
löggjöfinni og er von á fyrstu til-
lögum verkefnisstjórnar 1. desem-
ber. Vonast Jóhanna til að hægt
verði að koma þeim í framkvæmd
á næsta ári. „Að mínu viti felst í
því hrópandi óréttlæti að hluta
þess hóps sem sýnir fyrirhyggju á
yngri árum og leggur fyrir með
frjálsum sparnaði í lífeyrissjóð, sé
refsað með skerðingum á lífeyri
þegar kemur að því að nýta sparn-
aðinn,“ sagði Jóhanna í ræðu sinni.
Fulltrúar lífeyrissjóða
kallaðir til ráðherra
Félagsmálaráðherra ætlar að ræða við forsvarsmenn lífeyrissjóðanna um fyrir-
hugaða skerðingu á lífeyrisgreiðslum öryrkja. Stefnt er að þingfestingu dóms-
máls Öryrkjabandalagsins gegn sjóðunum vegna skerðinganna á fimmtudag.
Lögreglan í Kaupmannahöfn handtók í
gær rúmlega þrjú hundruð mótmælendur sem
reyndu að leggja undir sig hús sem þeir vilja að
komi í stað Ungdómshússins sem stóð á Norðurbrú
en var rifið í vor.
Lögregla áætlar að um þrjú þúsund manns hafi
tekið þátt í mótmælunum að þessu sinni en mótmæl-
endur halda því fram að þeir hafi verið helmingi
fleiri. Skemmst er að minnast þeirra miklu óláta
sem brutust út í mars þegar ákveðið var að rífa Ung-
dómshúsið.
Hópur fólks sem kallar sig G-13 stóð fyrir
mótmælunum í gær og gerði kröfu um að fá auð hús
sem standa við Grøndalsvænge Allé í norðvestur-
hluta Kaupmannahafnar.
Mótmælin voru auglýst á heimsíðu hópsins með
nokkrum fyrirvara og áttu að fara friðsamlega
fram. Tólf göngur fóru á stað frá stöðum víðs vegar
um borgina í átt að húsnæðinu sem átti að koma í
staðinn fyrir Ungdómshúsið. Þegar þangað var
komið brutust út átök milli mótmælanda og lög-
reglu.
Von er á ævisögu Guðna
Ágústssonar, formanns framsókn-
arflokksins, í
næsta mánuði. Í
bókinni segir
Guðni meðal
annars frá
samskiptum
sínum við
Halldór
Ásgrímsson,
fyrrverandi
formann
flokksins „og
dregur ekkert undan í þeim
lýsingum,“ að sögn Sigmundar
Ernis Rúnarssonar, höfundar
bókarinnar.
Sigmundur segir Guðna hafa
leitað til sín með verkefnið. „Ég
gat svo ekki sleppt því að skrifa
bók um jafn skemmtilegan
mann,“ segir Sigmundur.
Ýmsar óbirtar heimildir um
Guðna verða birtar í bókinni auk
þess sem einkalífi þingmannsins
verða gerð skil.
Opinskátt upp-
gjör við Halldór
Jón Snædal
öldrunarlæknir
var í gær kosinn
forseti Alþjóða-
samtaka lækna
á fundi í
Kaupmanna-
höfn.
Jón er 58.
forseti samtak-
anna og fyrsti
Íslendingurinn til
að gegna starfinu.
Jón hefur verið varaformaður
Læknafélags Íslands, formaður
norræna læknaráðsins sem og
formaður siðanefndar Alþjóða-
samtaka lækna.
Jón verður for-
seti læknanna