Fréttablaðið - 07.10.2007, Blaðsíða 77
Kominn er út hjá sænsku BIS-
útgáfunni diskur með tónverkum
eftir Hauk Tómasson. Þar er að
finna tvo flautukonserta auk
verksins Skímu sem samið er
fyrir tvo kontrabassa og hljóm-
sveit.
Sinfóníuhljómsveit Íslands leik-
ur í öllum verkunum undir stjórn
Bernharðs Wilkinsonar og
einleikarar eru flautuleikarinn
Sharon Bezaly og bassaleikararn-
ir Hávarður Tryggvason og Valur
Pálsson. Upptökur fóru fram í
Háskólabíói sumarið 2003.
Flautukonsert frá árinu 1997
var frumfluttur af Áshildi Har-
aldsdóttur á Íslandi 1999 og hefur
upptaka með flutningi hennar
verið leikin í um þrjátíu þjóðlönd-
um undanfarin ár. „Í þessum kons-
ert er ég að reyna að skapa nýjan
hljóðheim fyrir sinfóníuhljóm-
sveitina. Mig langaði til að magna
upp viss hljóðfæri sem maður
heyrir almennt frekar lítið í á tón-
leikum hérlendis. Aðaláherslan í
konsertinum er að sjálfsögðu á
þverflautuna, sem er mjög áber-
andi allt verkið, en einnig heyrist
talsvert í hörpu og kontraböss-
um,“ segir Haukur.
Flautukonsert nr. 2 frá 2001 var
samin fyrir Sharon Bezaly og
hefur flutningur hennar fengið
sérstakt lof í ýmsum tónlistar-
ritum. Haukur kveðst hafa fengið
hugmyndina að konsertinum í
læknisskoðun.
„Fyrir nokkrum árum fylgdi ég
konunni minni í sónarskoðun. Þar
fengum við að heyra hjartslátt
barnsins og minnti hann mig á
gong-hljóðfæri. Út frá því fór ég
að vinna með púls í tónlist minni
og er þessi flautukonsert, sem
samanstendur af fimm sjálfstæð-
um köflum, afraksturinn af því.“
Þriðja tónsmíðin á disknum er
Skíma sem er einn af fáum kons-
ertum fyrir tvo kontrabassa og
var frumfluttur á tónleikum sin-
fóníuhljómsveitarinnar árið 2003.
„Hávarður og Valur bassaleik-
arar hafa lengi verið félagar mínir
og ég hafði í mörg ár haft í hyggju
að semja verk fyrir þá,“ segir
Haukur. „Upphaflega átti þetta
verk að vera fyrir tvo kontrabassa
og klarinett, en svo bættust fleiri
hljóðfæri við. Ég hef þó gefið
öðrum bassahljóðfærum frí í
þessum konsert svo að kontra-
bassarnir njóti sín til fullnustu.
Þetta er frekar svarthvítt verk,
fyrri hluti þess er afar þungur og
dökkur en svo ríkir von og birta í
seinni kaflanum.“
BIS hefur áður gefið út tvo
diska með tónlist Hauks, annars
vegar óperuna Fjórði söngur Guð-
rúnar og hins vegar Fiðlukonsert
og fleiri verk flutt af CAPUT-
hópnum.
Nýr hljóðheimur
Lögreglan í Glasgow í
Skotlandi sagði frá því á
föstudag að hún hefði end-
urheimt 500 ára gamalt
málverk eftir Leonardo
da Vinci sem stolið var
fyrir fjórum árum. Voru
fjórir handteknir vegna
málsins.
Í ágúst árið 2003 voru
listaverkaþjófarnir með í
hópi ferðamanna sem
fengu leiðsögn um skoska
kastalann Drumlanrig, en kastalinn
er í eigu hertogans af Buccleuch.
Þjófarnir báru leiðsögumanninn
ofurliði, gripu málverkið af vegg
kastalans og flúðu út um eldhús-
glugga. Málverkið hafði
þá verið í eigu fjölskyldu
hertogans í meira en 200
ár.
Umfangsmikil leit að
verkinu hefur staðið allt
frá því það var numið á
brott, en fjölskylda her-
togans og aðrir aðdáend-
ur da Vincis voru orðin
vondaufir um að verkið
fyndist nokkurn tímann.
Verðmæti verksins,
sem kallast Guðsmóðirin með
hesputré og sýnir Maríu mey og
Jesús, er metið á rúmlega þrjá
milljarða íslenskra króna. Það er
talið hafa verið málað árið 1501.
Leonardo da Vinci
kom í leitirnar
Icelandair efnir til námskeiðs fyrir fólk sem vill takast
á við flugfælni.
Kenndar verða aðferðir til að vinna bug á kvíða og fælni
og farið yfir þætti sem tengjast flugvélinni og fluginu sjálfu.
Námskeiðinu lýkur með flugferð til eins af áfangastöðum
Icelandair í Evrópu.
Leiðbeinendur: Álfheiður Steinþórsdóttir sálfræðingur
og Páll Stefánsson flugstjóri.
VERÐ: 30.000 kr.
UPPLÝSINGAR OG SKRÁNING: eline@icelandair.is
SÍMI: 50 50 300
+ Umsóknir þurfa að berast eigi síðar
en 11. október 2007.
NJÓTIÐ ÞESS AÐ FLJÚGA
NÁMSKEIÐ GEGN FLUGFÆLNI – 15. OKTÓBER N.K.
ÍS
L
E
N
S
K
A
S
IA
.I
S
I
C
E
3
94
09
1
0/
07