Fréttablaðið - 07.10.2007, Blaðsíða 79

Órafmagnaðir MTV-tónleikar Nir-
vana frá árinu 1993 verða gefnir
út á DVD-mynddiski í fyrsta sinn
þann 19. nóvember. Á disknum
verða tvö lög sem var ekki
sjónvarpað frá tónleikunum, Oh
Me og Something in the Way. Þau
voru aftur á móti á vinsælli plötu
sem var gefin út með lögum frá
tónleikunum. Á meðal annarra
laga sem Nirvana flutti voru
About a Girl, The Man Who Sold
the World, Lake of Fire og Where
Did You Sleep Last Night.
Á mynddisknum verður einnig
heimildarmynd um það sem
gerðist á bak við tjöldin, viðtöl
við hljómsveitarmeðlimi og
myndir frá æfingum.
Órafmagnað
á mynddiski
Robert Plant, fyrrum söngvari
Led Zeppelin, gefur út plötuna
Raising Sand þann 20. október
ásamt söngkonunni og fiðluleikar-
anum Alison Krauss. Plant og
Krauss hittust fyrir nokkrum
árum á minningartónleikum til
heiðurs þjóðlaga- og blúsgoðsögn-
inni Leadbelly. Gagnkvæm
virðing og sameiginlegur áhugi á
blús- og þjóðlagatónlist varð til
þess að þau ákváðu að gera plötu
saman.
T Bone Burnett, sem þekkt-
astur er fyrir vinnu sína við
tónlistina í kvikmyndunum O
Brother, Where Art Thou?, Walk
The Line og Big Lebowski, tók
upp plötuna, sem þykir hafa
heppnast einstaklega vel.
Gefur út
með Krauss
Stafrænn Hákon
hefur í dag vikulangt
tónleikaferðalag sitt
um Bretland.
Ólafur Örn
Josephsson er mað-
urinn á bak við Staf-
rænan Hákon og
hefur hann fengið til
liðs við sig íslenska
tónlistarmenn
búsetta í Danmörku
til að leika undir.
Fyrstu tónleikarnir
eru í Brighton í
kvöld en eftir það
verður leikið í Lond-
on, Oxford, New-
castle, Edinborg,
Bristol og Leeds. Nánari upplýs-
ingar um tónleikaferðina má
finna á Shakon.com.
Stafrænn Hákon
byrjaði sem einsmanns-
hljómsveit Ólafs og sem
slíkur gaf hann út
nokkrar plötur, þær
fyrstu gaf hann út sjálf-
ur en síðar samdi hann
við útgáfufyrirtækið
Resonant. Nýlega kom
út platan Gummi þar
sem hann nýtur meðal
annars aðstoðar Birgis
Hilmarssonar, söngv-
ara Ampop. Platan fékk
góða umsögn hér í
Fréttablaðinu, þrjár
stjörnur af fimm. Staf-
rænn Hákon leikur á
Grand rokk á Airwaves-hátíðinni
síðar í mánuðinum.
Spilar í Englandi
SÝND Í REYKJAVÍK, AKUREYRI OG FJARÐABYGGÐ.
FRÁBÆR ÍSLENSK AFÞREYING / PÉTUR OG SVEPPI HAFA ALDREI VERIÐ FYNDNARI
SÚ SKEMMTILEGASTA SÍÐAN SÓDÓMA
LANG MEST SÓTTA MYNDIN Á ÍSLANDI YFIR 45.000 MANNS