Fréttablaðið - 07.10.2007, Blaðsíða 4
Um 150 nágrannar lóðarinnar við Ástún 6 í
Kópavogi skrifuðu undir mótmæli við breytingu á
deili- og aðalskipulagi á lóðinni sem afhent voru
bæjaryfirvöldum í vikunni. Til stendur að rífa
bóndabýlið sem gatan er nefnd eftir og stendur við
Ástún 6, og byggja 12 íbúða blokk á reitnum.
Íbúar eru ósáttir við að umferð aukist og að enn
aukist við bílastæðavandann, segir Ásrún Lára
Jóhannsdóttir, íbúi í Ástúni 8. Einnig óttast þeir að
skerðing á útsýni geti minnkað verðmæti einhverra
íbúða. Ásrún segir íbúa einnig ósátta við að upplýs-
ingar um breytingarnar hafi borist í dreifibréfi;
fjölmargir hafi ekki fengið bréfið. Réttara hefði því
verið að senda merkt bréf á eigendur íbúða.
Í húsinu við Ástún 6 hefur verið rekið skóladag-
heimili og síðar sérkennsla. Ásrún segir að missir
verði að húsinu, auk þess sem börnin missi vinsælan
leikvang á lóðinni.
Þrír af átta nýjum
sviðs- og deildarstjórum hjá
ákærusviði lögreglunnar á
höfuðborgarsvæðinu koma ekki úr
röðum fyrrum starfsfólks
lögreglunnar. Þetta eru hæstarétt-
arlögmaðurinn Björgvin Jónsson,
sem stýrir ofbeldisbrotadeild,
Sigríður Hjaltested, sem var
settur héraðsdómari sem stýrir
kynferðisbrotadeild og Þorsteinn
Davíðsson, fyrrum aðstoðarmaður
dómsmálaráðherra, sem stýrir
almennri deild.
Stöðurnar átta voru auglýstar
fyrir hálfum öðrum mánuði og
bárust alls um 20 umsóknir.
Lögreglustjóri réð í stöðurnar.
Þrír nýir til
lögreglunnar
Stjórn Reykjavík Energy
Invest (REI) ákvað á fundi sínum í
gær að að falla frá því að veita ell-
efu útvöldum starfsmönnum REI
og Orkuveitunnar (OR) rétt til að
kaupa tugmilljónahluti í félaginu.
Þeir fá nú aðeins að kaupa fyrir 300
þúsund krónur að nafnvirði, eins
og allir aðrir starfsmenn fyrirtækj-
anna tveggja. Stjórnin vildi með
þessu friða samfélagið eftir harða
gagnrýni undanfarna daga á fyrra
fyrirkomulag.
Bjarni Ármannsson, stjórnarfor-
maður REI, og Jón Diðrik Jónsson,
sem starfar sem ráðgjafi hjá REI,
halda hins vegar sínum hlut.
Bjarni segir það vera vegna þess
að kaupin höfðu þegar gengið í
gegn áður en samruni fyrirtækj-
anna tveggja, REI og Geysis Green
Energy, kom yfirleitt til tals. Of
seint sé að hætta við þau kaup nú.
„Það eru takmörk fyrir því hvað er
hægt að taka upp af ákvörðunum,“
segir hann.
Jón Diðrik keypti fyrir 30 millj-
ónir og Bjarni hefur keypt fyrir
einn og hálfan milljarð og á nú 2,5
prósent í félaginu.
Ákvörðun stjórnarinnar kemur í
kjölfar óskar Vilhjálms Þ. Vil-
hjálmssonar borgarstjóra í sömu
veru. Bjarni segir að eðlilega sé til-
lit tekið til óska hluthafa. „REI er
hluthafavænt félag. Ef það koma
fram óskir frá leiðandi eða stærstu
hluthöfum um meðferð eða málefni
félagsins þá er það að sjálfsögðu
rætt.“
Tíu lykilstarfsmönnum REI og
OR bauðst áður að kaupa bréf á tíu
milljónir hver, og Guðmundi Þór-
oddssyni, forstjóra REI, fyrir 30
milljónir. Eftir ákvörðun gærdags-
ins getur hann einungis keypt fyrir
eitt prósent þeirrar upphæðar.
Aðspurður hvort hann telji
umræðu undanfarinna daga hafa
skaðað félagið segir Bjarni: „Ég
held að hún hafi klárlega ekki haft
jákvæðar afleiðingar fyrir fyrir-
tækið. Það er svo okkar að vinna úr
þessari stöðu.“
Í stjórn REI sitja Bjarni
Ármannsson, Haukur Leósson og
Björn Ingi Hrafnsson, sem tók þátt
í fundinum í gegnum fjarfundar-
búnað frá Kína.
Útvaldir fá ekki að
kaupa á sérkjörum
Ellefu útvaldir starfsmenn REI og Orkuveitunnar fá ekki að kaupa stóra hluti í
REI á sérkjörum. Kaup Bjarna Ármannssonar stjórnarformanns og ráðgjafans
Jóns Diðriks Jónssonar eru hins vegar frágengin og verða ekki bakfærð.
Konur eru nú forsetar í
sjö af tólf deildum Háskóla Íslands
og er þetta í fyrsta sinn sem fleiri
konur en karlar eru forsetar.
Konurnar eru Elín Soffía
Ólafsdóttir við lyfjafræðideild,
Inga B. Árnadóttir við
tannlæknadeild, Oddný
Sverrisdóttir við hugvísindadeild,
Ebba Þóra Hvannberg við
verkfræðideild, Sóley S. Bender
við hjúkrunarfræðideild og Björg
Thorarensen í lagadeild.
Karlar í forsetastól eru Stefán
B. Sigurðsson við læknadeild,
Hjalti Hugason við guðfræðideild,
Lárus Thorlacius við raunvísinda-
deild, Ingjaldur Hannibalsson við
viðskipta- og hagfræðideild og
Ólafur Þ. Harðarson við
félagsvísindadeild.
Kvenforsetar í
meirihluta
Kínversk stjórnvöld
hvetja sjónvarpsstöðvar og
kvikmyndaframleiðendur til þess
að forðast
„óþörf og
löng“ atriði
þar sem fólk
sést reykja í
kjölfar
mikilla
kvartana
vegna
reykinga í
vinsælum
sjónvarps-
þáttum.
Hvatning-
in kemur frá
opinberri stofnun sem hefur
eftirlit með útvarpi, kvikmyndum
og sjónvarpi (SARFT). Stofnunin
vildi þó ekki leggja til bann við
reykingaatriðum því að „sem
stendur eru engin lög eða reglur
sem banna reykingar“.
Milljón Kínverjar deyja árlega
af völdum reykinga.
Forðist óþörf
reykingaatriði
Leiðtogar tólf
fyrrverandi sovétlýðvelda komu á
föstudag saman í höfuðborg
Tadjíkistans til að ræða leiðir til að
hleypa nýju lífi í samtök þeirra,
Samveldi sjálfstæðra ríkja.
Á fundinum var samþykkt að
gera samstarf ríkjanna nánara.
Forseti Georgíu var á öndverðum
meiði og kvartaði yfir að aðild að
samtökunum hefði ekki gagnast
ríkinu í deilu þess við Rússland
Leita leiða til
eflds samstarfs
Þú færð afmæliskortið
á næstu Olís-stöð.
Frosin læsing?
Náðu þér í lása„sprey“
með afmæliskorti Olís