Fréttablaðið - 07.10.2007, Síða 76

Það er víst kominn
tími til að sætta sig
við það að haustið er
komið, og vel það.
Það hefur varla sést
til sólar síðan ein-
hvern tímann í ágúst
og september hefur
aldrei mælst eins
úrkomusamur. Og já, áður en lengra
er haldið þá veit ég að það er mjög
klisjukennt að tala um árstíðirnar
og veðrið og að nú er ég steríótýpu-
Íslendingur eins og þeir gerast
verstir. Það er nú samt bara þannig
að þetta veður hefur heilmikil áhrif
á allt okkar líf og þess vegna eru
umræður um það ósköp eðlilegar.
Nú er til dæmis kominn október,
sem þýðir að hálf þjóðin leggst í
kvef – vegna veðurs. Ég er ein af
þeim. Síðasta vetur bjó ég í aðeins
hlýrra landi og fékk aldrei svo mikið
sem hósta eða hnerra. Svo er ekki
einu sinni kominn vetur hérna og
maður er samt strax orðinn veikur.
Haustið hefur þó líka kosti. Eftir
sumarfríið finnst manni yfirleitt
ágætt að komast aftur í rútínur,
gamlar eða nýjar. Hjá mér, eins og
fleirum, fylgir það oft haustinu að
gera plön. Oft á tíðum eru það óraun-
hæf plön sem ég veit innst inni að ég
á aldrei eftir að standa við. En ég
held samt alltaf í vonina og þykist
ætla að byrja í næstu viku. Í vetur
var planið til dæmis að taka daginn
snemma og fara í líkamsrækt á
morgnana. Nú er kominn október og
ég hef ekki enn farið – ég hef ekki
einu sinni keypt mér kort til þess að
geta farið. Hvað þá að ég hafi vakn-
að svo snemma að það væri einu
sinni möguleiki í stöðunni.
Ég ætlaði líka að eyða peningum í
skynsamlegri hluti en að borða úti í
hverju hádegi – það skyldi vera
smurt nesti! Svo ætlaði ég auðvitað
að vera mjög umhverfisvæn (og
sparsöm) og hjóla eða taka strætó.
Og þetta er bara brot af plönunum
mínum, sem bíða þess enn að verða
að veruleika.
En ég hef fundið lausn. Ég er farin
til útlanda til að komast í betra
veður og losna við kvefið. Þá verður
auðveldara að takast á við kuldann
og myrkið sem er fram undan. Svo
byrja ég auðvitað á þessu öllu í
næstu viku ...
Vi
nn
in
ga
r v
er
ða
a
fh
en
di
r h
já
B
T
Sm
ár
al
in
d.
K
óp
av
og
i.
M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
9
9
kr
/s
ke
yt
ið
.
V
SMS
LEIKUR
9. HVER
VINNUR!
SENDU SMS JA GLF
Á 1900 OG ÞÚ GÆTIR
UNNIÐ BÍÓMIÐA!
VINNINGAR ERU BÍÓMIÐAR,
DVD MYNDIR, TÖLVULEIKIR
OG MARGT FLEIRA!
Frumsýnd 12. október
Dane Cook Jessica Alba Dan Fogler