Fréttablaðið - 07.10.2007, Side 80

Ólafur Jóhannesson var
að vonum sáttur við að bæta
loksins VISA-bikarnum í bikara-
safnið hjá FH eftir góð ár í
Hafnarfirði og taldi FH vel að
sigrinum komið.
„Þetta var fínn leikur. Við vorum
sterkari í fyrri hálfleik og réðum
leiknum en vorum slakir í seinni
hálfleik og hleyptum þeim inn í
leikinn. Mér fannst við bara vera
farnir að bíða eftir því að dómarinn
flautaði leikinn af og það er alltaf
hættulegt þegar það gerist,“ sagði
Ólafur sem taldi FH-inga alls ekki
hafa vanmetið mótherja sína. „Lið
sem spila úrslitaleik eru yfirleitt
góð og Fjölnisliðið er engin
undantekning þar á. Þeir spiluðu
það vel að við urðum að rífa okkur
upp í framlengingunni og sem
betur fer gerðum við það og getum
því verið mjög sáttir,“ sagði
Ólafur.
Ásmundur Arnarsson, þjálfari
Fjölnis, var svekktur með tapið en
sagði þó að Fjölnismenn gætu
borið höfuðið hátt eftir leikinn og
þeir væru bjartsýnir á fram-
haldið.
„Við byrjuðum leikinn kannski
frekar illa og bárum allt of mikla
virðingu fyrir þeim og gáfum þeim
mikið svæði á miðjunni, en eftir
hálftímaleik náðum við betri tökum
á leiknum. Við fórum yfir málin í
hálfleik og það var allt annað að sjá
til Fjölnisliðsins í seinni hálfleik,
þar sem menn mættu grimmari til
leiks og yfirvegaðri og við vorum
bara hársbreidd frá því að klára
dæmið,“ sagði Ásmundur.
37.900 kr.
Fer›askrifstofa í eigu Iceland Express
www.expressferdir.is
ENSKI BOLTINN
Arsenal – Slavia Prag
Meistaradeild Evrópu
23.–24. október
Nánar á www.expressferdir.is
eða í síma 5 900 100
49.900 kr.
West Ham – Tottenham
24.–26. nóvember
Verð á mann í tvíbýli
74.900 kr.
Liverpool – Bolton
30. nóv.–02. des.
Verð á mann í tvíbýli
TILBOÐ!
Flug og miði á leik
FH vann Fjölni 2-1 í
framlengdum úrslitaleik VISA-
bikars karla á Laugardalsvelli í
gærdag, en staðan var 1-1 eftir
venjulegan leiktíma. Matthías
Guðmundsson skoraði bæði mörk
FH-inga en Gunnar Már
Guðmundsson skoraði mark
Fjölnismanna úr vítaspyrnu.
Leikurinn fór fremur rólega af
stað en FH-ingar voru þó meira
með boltann. Fjölnismenn voru
varkárir og reyndu fyrst og fremst
að einbeita sér að varnarleiknum.
Þeir sváfu þó illilega á verðinum
eftir stundarfjórðung þegar Davíð
Þór Viðarsson átti góða sendingu
upp kantinn vinstra megin á
Tryggvi Guðmundsson sem sendi
fyrir markið. Þar rétt missti Arnar
Gunnlaugsson af boltanum en
Matthías Guðmundsson var hins
vegar mættur á fjærstöngina og
skoraði af miklu öryggi. 1-0 fyrir
FH og þar við sat í fyrri hálfleik.
Fjölnismenn mættu grimmir til
leiks í síðari hálfleik og virkuðu
yfirvegaðir og skipulagðir í
aðgerðum sínum. Framan af náðu
þeir þó ekki að skapa sér nógu góð
sóknarfæri til að jafna metin.
Fjölnismenn gáfust hins vegar
aldrei upp og voru verðlaunaðir
fyrir baráttu sína á lokamínútunum
þegar vítaspyrna var dæmd er
FH-ingurinn Sverrir Garðarsson
braut á Davíð Þór Rúnarssyni
Fjölnismanni. Gunnar Már
Guðmundsson skoraði af öryggi
úr vítinu og leikurinn fór því í
framlengingu.
Í framlengingunni var FH
sterkari aðilinn og kom sigurmark
leiksins á síðustu andartökum
fyrri hálfleiks framlengingar.
Matthías Guðmundsson var þar
enn og aftur mættur á fjærstöng
eftir sendingu Tryggva Guð-
mundssonar og í þetta skiptið
skoraði Matthías með skalla og
nægði það til að tryggja FH VISA-
bikarmeistaratitilinn árið 2007.
„Það var frábært að vinna
loksins þennan bikar. Þó svo að við
hefðum kannski viljað gera það á
meira sannfærandi hátt þá var
þetta samt góður sigur. Bikarinn
var mjög góð sárabót fyrir okkur
eftir að hafa misst af deildar-
titlinum,“ sagði Davíð Þór Viðars-
son, leikmaður FH, kátur í
leikslok.
Fjölnismenn sýndu þó og
sönnuðu af hverju þeir voru
komnir alla leið í úrslitaleikinn í
bikarnum og af hverju þeir spila í
efstu deild að ári.
FH vann 2-1 sigur á Fjölni í úrslitaleik VISA-bikars karla í fótbolta í gær. Matthías
Guðmundsson skoraði bæði mörk FH og kom sigurmarkið í framlengingu.
Engin léleg lið í úrslitaleikjum
Tryggvi röflar í mér að mæta á fjærstöng