Fréttablaðið - 29.10.2007, Side 2

„Þótt við séum bjartsýn
eftir orð Dags er björninn ekki
unninn,“ segir Gunnar Hákonar-
son, framkvæmdastjóri Kola-
portsins. „Við vitum í raun ekkert
hver framtíðin verður og allir sem
eru hér inni með rekstur eru í
óvissu og hættir að gera plön fram
í tímann.“
Dagur B. Eggertsson borgar-
stjóri sagði í blaðinu um síðustu
helgi að hann vildi að Kolaportið
fengi að vera áfram á sínum stað.
Honum finnst „galin hugmynd“ að
það víki fyrir bílastæðum.
Gunnar hefur ekki heyrt að
Dagur hafi rætt þetta við ríkið, „og
vandamálið er auðvitað það að
borgin á ekki húsið,“ segir hann.
Hann óttast að tollstjóri fái sig
jafnvel fullsaddan af Kolaportinu
og segi upp samningum. „Og borgin
gæti ekkert gert í því. Þeir segja
þá bara upp húsaleigunni og
markaðurinn er dauður.“ Hann
vonar þó að „menn fari ekki að taka
þetta eftir tilfinningalegum rökum
hjá ríkinu“.
Borgarstjóri hefur reifað þá hug-
mynd að tollstjóraembættið fái
pláss undir bíla í 1.300 bílastæða
kjallara sem rís nú í næsta nágrenni
Tollhúss.
Einnig kemur til greina að falla
frá kröfu um lágmarksbílastæða-
fjölda, sem fylgir fyrirhugaðri
stækkun á Tollhúsinu.
Samkvæmt upplýsingum úr fjár-
málaráðuneyti, sem er eigandi Toll-
hússins, hefur afstaða nýs borgar-
stjóra ekki verið rædd.
„Það var komin ákveðin lending
með fyrri meirihluta, sem gerði
ráð fyrir að Kolaportið yrði þarna
áfram með ýmsum breytingum, en
nú er komin upp alveg ný staða
mála og við sjáum til hvernig verð-
ur brugðist við því,“ segir Þórhallur
Arason, skrifstofustjóri fjárreiðu-
og eignaskrifstofu.
Líkt Gunnari, minnir Þórhallur á
að bílastæðin sem Dagur vísaði til
eru ekki eign borgarinnar. „Þau
eru í eigu Portusar og kosta víst
eitthvað um 3,3 milljónir hvert og
eitt.
Hundrað bílastæði myndu þá
kosta um 330 milljónir. Ef borgin
vill greiða fyrir þau er það svo sem
ágætt.“
Spurður hvort leigusamningi
verði hugsanlega rift endurtekur
hann að þetta hafi ekki verið rætt.
Dagur B. Eggertsson borgar-
stjóri svaraði ekki skilaboðum
vegna þessa máls, en Margrét
Sverrisdóttir, forseti borgarstjórn-
ar, segir meirihlutann „mjög
hlynntan“ starfsemi Kolaportsins.
„Ég held að við bara leysum þetta.“
Ekkert sé þó frágengið.
Framtíð Kolaportsins
í Tollhúsinu óráðin
Framkvæmdastjóri Kolaportsins segir verslunarmenn þar uggandi um framtíð-
ina, þrátt fyrir yfirlýsingar borgarstjóra. Óttast að tollstjóri segi jafnvel upp
leigusamningnum. Borginni velkomið að borga 330 milljónir fyrir bílastæðin.
Þorgeir, kemur hljómsveitin
ekki nakin fram næst?
Slitinn vír í rafmagns-
línu við Torfastaði hjá Reykholts-
hverfi olli því að rafmagn fór af
Biskupstungum og víðar á
laugardagskvöld. Um tvær
klukkustundir tók að koma
rafmagninu aftur á, og þurftu
íbúar á svæðinu að láta sér nægja
ljóstíru frá kertum á meðan.
Lárus Einarsson, tæknistjóri
hjá Rarik á Suðurlandi, segir að
snjór hafi tafið viðgerðir á
vírnum, því viðgerðarmenn hafi
fest bíl sinn á leiðinni að raf-
magnslínunni þar sem vírinn
slitnaði. Kalla þurfti út gröfu til
þess að ná bílnum upp, og gátu þá
viðgerðir loksins hafist.
Slitinn vír olli
rafmagnsleysi
Slökkviliðsmenn í
Kaliforníu vonuðust til að takast
að halda í skefjum skógareldun-
um sem enn loga, þrátt fyrir að
spáð hafi verið þurrara og heitara
veðri og að hús séu enn talin í
hættu. Alls hafa skógareldarnir
náð yfir um 200.000 hektara
lands.
Arnold Schwarzenegger
ríkisstjóri hét því í gær að
meintir brennuvargar, sem
grunaðir væru um að hafa komið
hamförunum af stað, yrðu eltir
uppi og látnir svara til saka. 1.790
hús hafa brunnið, flest í kringum
San Diego. Tjónið nemur
milljörðum Bandaríkjadala.
Meintra brennu-
varga leitað
Til skoðunar er innan
borgarkerfisins að fella niður
aðgangseyri að listasöfnun
borgarinnar.
Slíkt fyrirkomulag var tekið
upp á Listasafni Íslands fyrir
nokkrum misserum með þeim
árangri að aðsókn hefur aukist.
Signý Pálsdóttir, skrifstofu-
stjóri menningar- og ferðamála-
sviðs, segir málið til athugunar
samhliða gerð starfs- og fjárhags-
áætlunar. Margrét Sverrisdóttir,
forseti borgarstjórnar, segir
ríkan vilja innan borgarstjórnar á
að veita ókeypis aðgang að
listasöfnunum, í það minnsta að
gerð verði tilraun í þá átt.
Frír aðgangur
til athugunar
Þrír karlmenn voru
úrskurðaðir í gæsluvarðhald til
næsta fimmtudags í Héraðsdómi
Suðurlands í gær. Mennirnir voru
handteknir í heimahúsi á Selfossi
aðfaranótt laugardags, í tengslum
við nauðgunarmál.
Í fréttatilkynningu kemur fram
að málið sé í rannsókn hjá
rannsóknardeild lögreglunnar á
Selfossi. Vegna rannsóknarhags-
muna sé ekki hægt að veita
neinar frekari upplýsingar um
málið. Ekki náðist í Þorgrím Óla
Sigurðsson aðstoðaryfirlögreglu-
þjón á Selfossi vegna málsins.
Þrír í varðhald í
nauðgunarmáli
Lögregla lenti í
fyrrinótt upp á kant við tvo ölvaða
menn sem misst höfðu stjórn á
bílum sínum í óvæntri hálku.
Fimmtán umferðaróhöpp urðu frá
því klukkan ellefu í fyrrakvöld og
til morguns, sem flest mátti rekja
til hálku. Alls voru sjö teknir fyrir
ölvunarakstur. Fjórir þeirra höfðu
klesst á.
Um klukkan þrjú ók ölvaður
maður á stjórnkassa fyrir
umferðarljós við gatnamót Miklu-
brautar og Kringlumýrarbrautar.
Eftir óhappið flúði hann út í
myrkrið í átt að Kringlunni.
Vegfarendur gátu gefið lögreglu
greinargóða lýsingu á manninum
og hóf hún þegar leit að honum.
Maðurinn fannst við Kringluna
en var ekki á þeim buxunum að
láta handtaka sig og veitti lögreglu-
mönnunum mótspyrnu. Hann var
yfirbugaður og vistaður í fanga-
geymslum.
Skömmu síðar ók annar drukk-
inn maður á umferðarljós á gatna-
mótum Bústaðavegar og Grensás-
vegar. Hann lét óhappið lítið á sig
fá og hélt förinni áfram eftir
Grensásvegi, þar sem hann missti
loks stjórn á bíl sínum sem hafn-
aði á strætóskýli. Honum var ekið
á slysadeild með minni háttar
áverka. Þar rann á manninn æði
og réðst hann bæði á lögreglu-
þjóna og lækna sem þar voru.
Honum var einnig komið í fanga-
klefa að lokinni aðhlynningu.
Stútar veittust að lögreglu
Jón Rögnvaldsson vegamálastjóri segir
ekki liggja í augum uppi hvaðan fé ætti að koma til
sveitarfélaganna, ef þriðjungur þjóðvega á höfuð-
borgarsvæðinu verður endurskilgreindur sem
sveitarfélagavegir.
Vegagerðin hefur haft rekstur
og viðhald þessara vega á sinni
könnu. Fari þeir yfir til sveitar-
félaga minnka fjárheimildir
Vegagerðarinnar ekki, segir Jón.
„Það breytir í sjálfu sér ekkert
tekjunum. Stærstur hluti af okkar
tekjum er skattur af bensíngjaldi
og slíku og það fer ekkert eftir því
hvar er ekið. Þetta finnst sumum
sveitarfélagamönnum sjálfsagt
skrítið, en það er ekkert hægt að
sundurgreina það sem stendur.
Síðan fáum við bein framlög frá ríkinu.“
Því liggi ekki í augum uppi hvaðan peningar ættu
að koma til sveitarfélaganna vegna þessa verkefnis.
Samkvæmt nýjum vegalögum, sem taka gildi um
áramótin, eigi Vegagerðin að skilgreina hvað séu
þjóðvegir og hvað ekki. „Hitt er svo annað mál að
þær hugmyndir yrðu að sjálfsögðu sendar sveitar-
félögunum og þau geta sagt sitt álit á þeim.“
Spurður hvort sveitarfélög geti þá neitað að hlýða
þeim úrskurði Vegagerðarinnar, segir Jón að líklega
kæmi til kasta samgönguráðherra að ákvarða um það.