Fréttablaðið - 14.01.2008, Blaðsíða 10
10 14. janúar 2008 MÁNUDAGUR
Þvottavél verð frá kr.:
99.900
Íslenskt stjórnborð
Íslenskar leiðbeiningar
Stórt hurðarop
20 ára ending
Eirvík kynnir
sportlínuna
frá Miele
Miele gæði
TILBOÐ
ÁRMÚLA 11 | Sími 568-1500 | Lónsbakka | Sími 461-1070 | www.thor.is
Veltisagir
MAKITA LF1000.
Öflug og lipur veltisög.
Frábært verð.
Gripið til úrræða
ef menn óhlýðnast
Um helmingur rannsóknarlögreglumanna sem ganga bakvaktir hefur sagt sig
frá þeim verði tekið upp nýtt kerfi sem kynnt hefur verið. Yfirmaður rannsóknar-
deildar segir að grípa verði til úrræða óhlýðnist menn eða sinni ekki vinnuskyldu.
LÖGREGLUMÁL Karlmaður var
fluttur á slysadeild um hádegi á
laugardag eftir slagsmál í íbúð í
Hjallahverfi í Kópavogi. Var hann
með skurð á enni eftir þungt
höfuðhögg og meðvitundarlítill
þegar lögregla kom á vettvang.
Árásarmaðurinn gaf sig síðar
um daginn fram við lögreglu en
gengu yfirheyrslur illa vegna
tungumálaerfiðleika. Þótti
vitnisburður hans benda til þess
að hann væri með berkla og var
hann því einnig fluttur á slysa-
deild til rannsókna. Kom þar í ljós
að maðurinn var ekki smitaður og
voru báðir mennirnir útskrifaðir á
laugardagskvöldið. - ovd
Tveir fluttir á slysadeild:
Meðvitundarlít-
ill eftir högg
LEIKSKÓLAR Rúmlega 200 af um
5.700 leikskólaplássum eru ekki
nýtt í Reykjavík vegna þess að
fólk vantar til starfa á leikskól-
ana, að sögn Ragnhildar Erlu
Bjarnadóttur, sviðsstjóra leik-
skólasviðs. Þetta gerir um 3,5
prósent af öllum leikskólapláss-
unum í borginni. „Nýting leik-
skólanna er lakari vegna þess að
okkur vantar starfsmenn,“ segir
hún.
Borgaryfirvöld hafa vanist
því að hafa hátt í fulla nýtingu á
leikskólaplássunum og því er
nýtingin nú óvanalega slæm.
„Við erum samt með 96 prósenta
nýtingu og það þykir kannski
ekki slæmt en við erum bara vön
að passa upp á það að öll plássin
í leikskólanum séu notuð,“ segir
hún.
„Það er þó erfitt að hafa alla
leikskólana alltaf fullnýtta.
Stundum eru börnin bara til tvö
og það er ekki hægt að vista í
pláss frá tvö til fjögur og því
reiknast það sem vannýting. 96
prósenta nýting telst ekki slök
nýting en á okkar mælikvarða
erum við ekki sátt.“
Foreldrar greiða um 14 pró-
sent af rekstrarkostnaði leik-
skólanna og borga minna þegar
börnin eru send heim vegna
manneklu. Ragnhildur Erla segir
að því sé varla hægt að tala um
tekjutap vegna þessa. Leikskól-
arnir fái ákveðinn fjárhags-
ramma miðað við fullnýtta og
fullmannaða leikskóla. Ef ekki
sé hægt að fullmanna þá og full-
nýta þurfi ekki þetta fjármagn
og það sé í borgarsjóði. Fjár-
magnið sé síðan notað til að
greiða yfirmanni auk þess sem
mikil starfsmannavelta sé dýr.
- ghs
Leikskólapláss borgarinnar eru nánast fullnýtt:
Um tvö hundruð pláss ónýtt
FASTEIGNIR Heildarfasteignamat á landinu öllu samkvæmt
fasteignaskrá sem gerð var um áramót var 4.065 milljarð-
ar króna – fjögur þúsund sextíu og fimm milljarðar.
Ári fyrr nam matið 3.431 milljarði og nemur hækkunin
á einu ári 18,5 prósentum.
Brunabótamat um síðustu áramót var 3.876 milljarðar.
Hækkun þess á árinu var 9,5 prósent. Í frétt frá Fast-
eignamati ríkisins segir að heildarfjárhæð fasteignamats
hafi ekki fyrr farið yfir heildarfjárhæð brunabótamats.
Fasteignamat samanstendur af húsmati og lóðarmati og
vegur hið síðarnefnda tæp tuttugu prósent af heildinni.
Flestar fasteignir eru í Reykjavík og er heildarfast-
eignamat þeirra rúmlega 1.800 milljarðar. Í Kópavogi
nemur matið 426 milljörðum.
Til samanburðar nam heildarverðmæti fyrirtækja sem
skráð eru í Kauphöll Íslands 2.158 milljörðum við lok við-
skipta á föstudag. Jafnframt má nefna að samanlögð þjóðar-
útgjöld voru tæplega 1.400 milljarðar árið 2006. - bþs
Heildarfasteignamat á landinu hækkaði um 18,5 prósent á síðasta ári:
Nemur fjögur þúsund milljörðum
HEILDARFASTEIGNAMAT
Stærstu sveitarfélögin
Reykjavík 1.827
Kópavogur 426
Hafnarfjörður 339
Garðabær 172
Akureyri 171
Reykjanesbær 127
Mosfellsbær 111
Árborg 79
Akranes 63
Borgarbyggð 43
Tölur eru í milljörðum króna
Heimild: Fasteignamat ríkisins
FRÁ REYKJAVÍK Heildarfasteignamat í
höfuðborginni nemur rúmum 1.800
milljörðum.
VEITT Í VÖK Maður situr í hægðum
sínum og bíður eftir að fiskur bíti á
öngulinn í vök sem hann myndaði
í Moskvuá í Rússlandi. Hitastig í
Moskvu hefur farið niður í fimmtán
mínusgráður á Celsíus síðustu daga.
NORDICPHOTOS/AFP
RAGNHILDUR ERLA
BJARNADÓTTIR
EKKI FULLNÝTT Nýtingin á leikskólapláss-
unum í Reykjavík er rúmlega 96 prósent
og plássin því ekki fullnýtt. MYNDIN ER ÚR SAFNI
LÖGREGLUMÁL Embætti lögreglu-
stjórans á höfuðborgarsvæðinu
bíður nú svars frá starfsmanna-
skrifstofu fjármálaráðuneytis um
hvort bakvaktir séu hluti af vinnu-
skyldu rannsóknarlögreglumanna,
og ef svo reynist, hvort sérstakt
samkomulag þurfi um fyrirkomu-
lag bakvakta ef þær eru að öðru
leyti skipulagðar innan ramma
kjarasamnings.
Eins og Fréttablaðið hefur
greint frá er megn óánægja
meðal rannsóknarlögreglumanna
á höfuð borgarsvæðinu með drög
að nýju bakvaktafyrirkomulagi
sem þeim hafa verið kynnt. Að
sögn Friðriks Smára Björgvins-
sonar, yfirlögregluþjóns rann-
sóknardeildar, sem hefur umsjón
með framkvæmd hins nýja kerf-
is, hefur um helmingur þeirra,
eða á þriðja tug manna, sem tekið
hafa slíkar vaktir sagt sig frá
þeim ef af þeim breytingum verð-
ur sem kynntar hafa verið.
„Það er ágætt að fá skorið úr
grundvallaratriðum eins og hvort
þetta er samningsatriði eða hvort
þetta er hluti af vinnuskyldu,“
útskýrir Friðrik Smári.
Spurður um framkvæmdina ef
niðurstaðan verður sú að bakvaktir
séu hluti af vinnuskyldu, en rann-
sóknarlögreglumenn hafni því að
vinna eftir nýju kerfi, segir Frið-
rik Smári að þá geti menn ekki
neitað.
„Þá verður að grípa til ein-
hverra úrræða ef menn óhlýðnast
fyrirmælum eða sinna ekki vinnu-
skyldu,“ bætir hann við.
„Kjarasamningur gerir ráð fyrir
því, varðandi vinnutilhögun hjá
vaktavinnufólki, að það þurfi sam-
þykki meirihluta þeirra starfs-
manna sem eiga að vinna sam-
kvæmt því fyrirkomulagi,“ segir
Steinar Adolfsson, framkvæmda-
stjóri Landssambands lögreglu-
manna.
„Það á því ekki að vera hægt að
breyta vaktafyrirkomulagi án
samþykkis meirihluta viðkomandi
starfsmanna samkvæmt þeim leik-
reglum. Hins vegar búa lögreglu-
menn við það vinnuumhverfi varð-
andi yfirvinnu að ekki er þak á
henni, eins og hjá öðrum opinber-
um starfsmönnum, miðað við
ákveðnar aðstæður. Að mínu mati
þarf samráð að vera til staðar og
samskiptin opin og hreinskilin
milli manna.“
Steinar segir ástæður breyting-
anna þær að lögreglustjóraemb-
ættið á höfuðborgarsvæðinu þurfi
að draga saman seglin vegna
skorts á fjármunum. Þá séu menn
nauðbeygðir til þess að fara í ein-
hverjar aðgerðir, sem bitni á
starfsmönnum. jss@frettabladid.is
Lögreglumenn búa við
það vinnuumhverfi varð-
andi yfirvinnu að ekki er
þak á henni miðað við ákveðnar
aðstæður.
STEINAR ADOLFSSON
FRAMKVÆMDASTJÓRI LANDSSAMBANDS
LÖGREGLUMANNA
LÖGREGLUSTÖÐ Ekki eru takmarkanir á
yfirvinnu lögreglumanna við ákveðnar
aðstæður, segir framkvæmdastjóri
Landssambands lögreglumanna.