Fréttablaðið - 14.01.2008, Blaðsíða 16

16 14. janúar 2008 MÁNUDAGUR
timamot@frettabladid.is
EMILY WATSON KVIKMYNDALEIK-
KONA ER 41 ÁRS.
„Það er algjör upphefð fyrir
leikara að horfa beint inn í
myndavélina. Það er eins og
að horfa inn í hjarta mynd-
ar innar og því ber ekki að
taka af neinni léttúð.“
Watson er meðal annars
þekkt fyrir hlutverk sín í Break-
ing the Waves og The Boxer.
Það gustaði hressilega um
Bill Clinton Bandaríkjaforseta
í byrjun árs 1999 er rann-
sókn á kvennamálum hans
stóð sem hæst. Hinn 14. jan-
úar tók öldungadeild Banda-
ríkjaþings fyrir kröfu saksókn-
ara um að hann yrði sviptur
embætti. Hann var sakaður
um að hafa reynt að hindra
framgang réttvísinnar og ljúga
sig út úr ásökunum um fram-
hjáhald með Monicu Lewin-
sky og kynferðislega áreitni
gegn Paulu Jones.
Talsmaður Clintons sagði
á sínum tíma að málatilbún-
aðurinn gegn forsetanum
minnti helst á ómerkilegan
reyfara þar sem sakargiftirnar
tækju stöðugum breytingum
frá degi til dags.
Fimmtán dögum eftir að öld-
ungadeildin tók málið til um-
ræðu hafnaði hún tillögu um
að ákærum á hendur Clinton
forseta yrði vísað frá og sam-
þykkti að stefna þremur vitn-
um til að bera vitni fyrir lukt-
um dyrum. Þeirra á meðal var
Monica Lewinsky. Þetta var
ekki drauma niðurstaða Clin-
tons en atkvæði féllu eftir
flokkslínum og því þótti ljóst að
aldrei myndu nást nógu mörg
atkvæði til að fella forsetann.
Hann slapp því með skrekkinn
og hélt embætti sínu.
ÞETTA GERÐIST: 14. JANÚAR 1999
Krafan um að reka Clinton rædd
MERKISATBURÐIR
1784 Frelsisstríði Bandaríkjanna
lýkur formlega með friðar-
sáttmála við Breta.
1814 Danmörk lætur Noreg af
hendi til Svíþjóðar með
Kílarfriðargerðinni.
1923 Ellefu manns farast og
mikið tjón verður á hafnar-
mannvirkjum víða um
land í óviðri.
1960 Elvis Presley verður lið-
þjálfi í hernum og er þar
með hækkaður í tign.
1976 Ólafur Jóhann Sigurðsson
fær bókmenntaverðlaun
Norðurlandaráðs, fyrstur
Íslendinga.
1984 Páfi staðfestir helgi
Þorláks biskups Þór-
hallssonar, verndardýrl-
ings Íslendinga.
Meistarafélag iðnaðarmanna í Hafnar-
firði varð 40 ára í gær en félagið var
stofnað 13. janúar 1968 með það að
markmiði að standa vörð um þá lög-
gildingu sem meistaraprófið felur í
sér.
Að sögn Björns Bjarnasonar, for-
manns félagsins, og Friðriks Ágústs
Ólafssonar framkvæmdastjóra er
þetta þéttur félagsskapur iðnmeistara
sem heldur vel saman.
„Þetta eru 165 félagsmenn og við
teljum það styrk þessa félags að hér
eru allar byggingagreinarnar með.“
útskýrir Friðrik og heldur áfram:
„Nýliðar sjá þarna tækifæri til að
mynda tengsl við þessa gömlu refi,
koma saman, kynnast og ræða málin.
Félagið stendur fyrir fræðsluerind-
um og uppákomum og upp á síðkastið
höfum við haft súpufundi í hádeginu
sem eru vel sóttir,“ útskýrir hann og
Björn bætir við að það sé engin logn-
molla í kringum félagið.
„Félagið hefur aldrei verið fjöl-
mennara en núna og atvinnu ástandið
líka aldrei betra. Það hefur verið góð
nýliðun svo þetta er ekki nein elli-
mannadeild,“ segir Björn, en félagið
leggur metnað í að kynna starfsemi
sína fyrir unga fólkinu og aðstoðar til
dæmis iðnnema við að komast á samn-
ing hjá meistara.
„Oft á tíðum reynist erfitt að koma
iðnnemum á verksamning og þá hef ég
reynt að aðstoða og komið því áleiðis
innan félagsins að nema, til dæmis í
húsasmíði, vanti meistara,“ útskýrir
Friðrik og segir það mikilvægt að fá
endurnýjun í iðnstéttina því eins og
allir viti vanti iðnaðarmenn hér á landi.
„Það er samkeppni um unga fólkið,“
segir Björn og heldur áfram: „Það er
svo margt í boði og okkur finnst það
auðvitað bagalegt þegar ungu fólki er
beint inn á framhaldsnám í viðskipta-
fræði eða öðru, en það hafa alltaf verið
ágætis laun í því að vera iðnaðar maður
og alltaf nóg að gera,“ bætir hann við.
Hjá félaginu er ýmislegt á döfinni í
tengslum við afmælið þó engin terta
hafi verið bökuð enn.
„Við verðum með afmælisárs hátíð,“
útskýrir Friðrik. „Það var tekin sú
ákvörðun að halda ekki beinlínis af-
mælisboð þar sem fólk kæmi með
gjafir heldur vildum við frekar halda
veglegri árshátíð fyrir okkar félags-
menn. Svo ætlum við að gefa út af-
mælisblað í tengslum við Bygginga-
daga,“ segir hann en Bygginga dagar
eru eitt af því sem meistarafélagið
stendur fyrir til að kynna starfsemi
félagsmanna og verða þeir haldnir nú
í þriðja sinn í haust, 10. og 11. október.
Í Byggingadögunum taka einnig
þátt bankar, tryggingafélög, fasteigna-
salar og fleiri og er undirbúnings-
vinna þegar hafin hjá félaginu. „Við
höfum staðið að Byggingadögum í
samvinnu við Samtök iðnaðarins og
Hafnarfjarðar kaupstað og þar geta
okkar félagsmenn kynnt sína fram-
leiðslu sem er þá framleiðsla á íbúð-
um, iðnaðarhúsnæði eða hlutafram-
leiðslu.
Hafnarfjarðarbær er þá að kynna
lóðaframboð og þjónustu,“ útskýrir
Friðrik og Björn bætir því við að
Hafnarfjörður hafi þanist út á undan-
förnum árum og félagið sé að fylgja
þeirri stækkun eftir með slíkri kynn-
ingu. Eins hefur Iðnskólinn í Hafnar-
firði verið með kynningu á skólan-
um á Byggingadögum, sem er liður
í þeirri stefnu félagsins að kynna
iðngreinarnar fyrir unga fólkinu.
„Við höfum verið að benda á það að
iðnaðarmaður er ekki endilega þessi
skítugi vélsmiðjumaður því þetta
hefur breyst svo mikið,“ segir Frið-
rik og bætir við: „Blikksmiðir í dag
þurfa til dæmis mikla menntun til að
vinna á alls konar stýritækjum og auk
þess öðlast menn strax starfsréttindi
að námi loknu sem ég hef oft bent á að
sé góður kostur,“ útskýrir Friðrik og
Björn bætir því við að lokum að dreifa
þurfi ungu fólki í nám.
„Á Íslandi geta ekki allir verið við-
skiptafræðingar eða lögfræðingar
því við komum til með að búa áfram á
þessu landi og þurfum alltaf þak yfir
höfuðið.“
heida@frettabladid.is
MEISTARAFÉLAG IÐNAÐARMANNA Í HAFNARFIRÐI: FAGNAR 40 ÁRA AFMÆLI
Gamlir refir og nýliðar sækja
saman súpufundi í hádeginu
VAXANDI FÉLAGSSKAPUR Björn Bjarnason, formaður félagsins, og Friðrik Ágúst Ólafsson framkvæmdastjóri ætla fagna tímamótunum með
margvíslegum hætti á nýja árinu. FRÉTTABLAÐIÐ/AUÐUNN
Eiginmaður minn, faðir okkar,
tengdafaðir, afi og langafi,
Hilmar Steinólfsson,
vöruflutningabílstjóri frá Siglufirði,
sem lést á Droplaugarstöðum 7. janúar verður
jarðsunginn frá Grafarvogskirkju mánudaginn
14. janúar kl. 13.00.
Hulda Steinsdóttir
Sigurður Gunnar Hilmarsson Jónína Gunnarsdóttir
Elinborg Hilmarsdóttir Magnús Pétursson
S. Jóna Hilmarsdóttir Iðunn Ása Hilmarsdóttir
barnabörn og barnabarnabörn.
Yfir 300 þúsund krónur
söfnuðust til hjálpar fötluð-
um í Afríku með sölu mál-
verka eftir myndlistarmenn
í Reykjanesbæ.
Listamennirnir efndu til
listaverkasölu í Kaffitári á
aðventunni og afhentu ný-
verið IceAid-samtökunum
afraksturinn. AceAid eru ís-
lensk þróunar- og mannúð-
arsamtök sem Glúmur Bald-
vinsson er í forsvari fyrir
og tók hann sjálfur við fjár-
framlaginu. Hann kvaðst
stoltur og þakklátur og lof-
aði að leggja gjafaféð í góð
verk í Tansaníu þar sem
samtökin eru með margvís-
leg þróunarverkefni. Meðal
annars eru þau í samstarfi
við Icexpress um að útvega
þeim gervifætur sem þess
þurfa með.
Söfnuðu fé með
sölu listaverka
FRÁ AFHENDINGU Erla Lúðvíksdóttir í Kaffitári, Glúmur Baldvinsson
í AceAid og myndlistarmennirnir Steinunn Björk Sigurðardóttir og
Hjördís Árnadóttir sem höfðu forgöngu um söfnunina.
MYND/VÍKURFRÉTTIR
Þórey I. Guðmunds-
dóttir hefur verið ráðin
framkvæmda stjóri Fjár-
mála- og rekstrarsviðs
Reykjanes bæjar.
Þá hefur Guðlaugur H.
Sigur jónsson verið ráð-
inn framkvæmdastjóri Um-
hverfis- og skipulagssviðs.
Þórey hefur meðal ann-
ars starfað hjá Umhverfis-
stofnun og Hollustuvernd og
sem framkvæmdastjóri LÍN.
Hún er stjórnmálafræðingur
að mennt.
Guðlaugur hefur starfað
hjá Þróunarfélagi Keflavíkur-
flugvallar og var þar áður hjá
Verkfræðistofu Suðurnesja
en hann er byggingafræð-
ingur að mennt. Guðlaugur
er vel hnútum kunnugur á
þessu sviði en hann hefur til
margra ára unnið í tengslum
við verklegar framkvæmdir
hjá Reykjanesbæ.
Nýtt fólk hjá
Reykjanesbæ
AFMÆLI
JÓN REYKDAL
LISTMÁLARI
ER SEXTÍU OG
ÞRIGGJA ÁRA Í
DAG.
JAKOB ÞÓR
EINARSSON
LEIKARI ER
FIMMTÍU OG
EINS ÁRS.