Fréttablaðið - 16.01.2008, Blaðsíða 46

38 16. janúar 2008 MIÐVIKUDAGUR
1
6 7 8
10
13
119
12
15
16
18
21
20
17
14
19
2 3 4 5
GAMLA MYNDIN
LÁRÉTT
2. ævintýri 6. skammstöfun 8. fornafn
9. lærdómur 11. á fæti 12. jakki og
pils 14. krapi 16. tveir eins 17. traust
18. forsögn 20. utan 21. bannhelgi.
LÓÐRÉTT
1. bak 3. tveir eins 4. garðplöntu-
tegund 5. hár 7. sjampó 10. mas 13.
hola 15. knippi 16. kærleikur 19. í
röð.
LAUSN
LÁRÉTT: 2. sögu, 6. eh, 8. öll, 9. nám,
11. il, 12. dragt, 14. slabb, 16. áá, 17.
trú, 18. spá, 20. án, 21. tabú.
LÓÐRÉTT: 1. lend, 3. öö, 4. glitbrá, 5.
ull, 7. hársápa, 10. mal, 13. gat, 15.
búnt, 16. ást, 19. áb.
„Á þessu ári
var ég m.a.
að vinna á
NT. Gunnar
Smári gerði
stundum
grín að mér
fyrir að
vera með
sítt að aftan
en maður
bar það
með miklu
stolti. Ég
var fjarskalega mjór á þessum
árum. Ef ég sé þessa mynd stefni
ég kannski að því að verða ein-
hvern tímann aftur svona mjór.“
Egill Helgason, sjónvarpsmaður.
Myndin er tekin árið 1985.
„Ég var búinn að ákveða það fyrir
löngu að taka mér spilafrí á þess-
um tíma, er búinn að panta mér
hótel og er kominn með miða á alla
leiki íslenska liðsins,“ segir Eiríkur
Hauksson, rokkgoð með meiru.
Eiríkur, sem er búsettur í Noregi
og hefur verið á miklu tónleika-
ferðalagi að undanförnu, segir það
ekki hafa komið til greina að sleppa
handboltaveislunni í Þrándheimi.
Fyrsti leikur Íslands á EM er á
morgun.
Eiríkur hefur fylgst vel með
undirbúningi íslenska liðsins og sá
meðal annars leik b-liðsins gegn
Norðmönnum á Posten-Cup. Þótt
sigur norska liðsins hefði verið
nokkuð afgerandi segir Eiríkur að
þulir norska ríkissjónvarpsins hafi
farið lofsamlegum orðum um
íslenskan handknattleik. „Þeim
varð tíðrætt um hversu margir
frambærilegir handknattleiks-
menn kæmu frá þessari litlu
þjóð.”
Eurovision-farinn átti sjálfur
lipra spretti í handknattleiknum
með unglingaliðum Þróttar, á meira
að segja eina gullmedalíu, þótt fót-
boltinn hafi alltaf verið hans uppá-
haldssport. Eiríkur segist þó lifa
sig mikið inn í leikinn og vera einn
þeirra sem bæði öskri og æpi þegar
mikið liggi við. Og hann er ekki í
vafa um að íslenska liðið geti vel
lagt það sænska að velli á fimmtu-
daginn í fyrsta leiknum. „Ef það
tekst eru okkur allir vegir færir,“
segir Eiríkur. - fgg
Eiki Hauks missir ekki af leik í Þrándheimi
KEPPNISMAÐUR Eiríkur lætur vel í sér heyra á leikjum og hyggst leggja sitt af mörk-
um á EM.
„Ég get ekki sagt neinar frægðarsögur af mér sem
skotveiðimanni en ég er með öll leyfi, passaði mig
sérstaklega á að taka veiðikortið í ljósi umræðu
sem var um lundaveiðar Einars K. Guðfinnssonar,“
segir Siv Friðleifsdóttir alþingismaður og
fyrrverandi ráðherra.
Siv var nýverið í sjálfboðavinnu með Skotíþrótta-
félagi Hafnarfjarðar en félagið er að koma sér upp
stærri félagsaðstöðu. Það kostaði miklar væringar
meðal skotveiðimanna þegar Siv setti sem
umhverfisráðherra á rjúpnaveiðibann til þriggja
ára 2002. „Ég hef áhyggjur af rjúpnastofninum.
Hann gengur í sveiflum en lá þarna niðri. Því
miður var bannið ekki nema til tveggja ára en
arftaki minn Sigríður Anna [Þórðardóttir] aflétti
banninu.“
Löng hefð er fyrir skotveiðum í fjölskyldu Sivjar
og þar rjúpur á borðum á jólum. Faðir hennar gekk
til rjúpna, maður hennar, sonur og bróðir skjóta.
Siv leggur þó áherslu á að fjölskyldan aðhyllist
gamaldags aðferðir sem ganga út á sjálfbærni og
hófstillta töku þess sem landið gefur af sér. Siv
segir fjölskylduna týna ber, sulta, týna sveppi og
stunda útivist eins og kostur er.
„Það er langt síðan ég fékk byssuleyfi en stutt
síðan ég fékk veiðikortið. Og get ekki sagt af mér
neinar aflasögur. Ég skrepp stundum en er miklu
meira fyrr lax- og silungsveiði. Svo hef ég farið út í
nýtt sport sem er sjóstangveiði og keppti á stóru
móti á Siglufirði í fyrra. Stærsta sjóstangveiðimót
sem haldið hefur verið og okkar sveit fékk silfur í
kvennaflokki.“ - jgb
Siv veiðir fugl en einkum fisk
ALHLIÐA VEIÐIMAÐUR Siv með gullfallega bleikju sem hún
veiddi í Héðinsfirði í fyrrasumar.
Um fátt er meira rætt á netinu nú
en frétt Vísis af Porsche-bifreiðinni
911 GT3RS sem metin er á 25 millj-
ónir og gereyðilagðist þegar hún fór
út af Grindavíkurvegi um helgina.
Telja netverjar almennt
að ökumaðurinn sé
piltur en samkvæmt
bifreiðaskráningu
er umráðamaður
bílsins fæddur árið
1971, heitir Auðunn
Svafar Guð-
mundsson, for-
stjóri í Garðabæ,
en sambýliskona
hans er Katrín
Brynja Her-
mannsdóttir
þula á Ríkis-
sjónvarpinu.
Eigendur eru
hins vegar skráðir SP fjármögnun
og samkvæmt upplýsingum þaðan
er gert ráð fyrir því að bílarnir séu
í kaskó-tryggingu. Yfirmaður rann-
sóknardeildar bílslysa í Njarðvík er
Jóhannes Jensson sem segir að
rannsókn á óhappinu standi enn
yfir.
Karl Örvarsson sló rækilega í gegn
í jólaspjallþætti Loga Bergmanns á
Stöð 2. Þar flutti hann ásamt vinum
jólalagið Jólastund. En söngvarinn
Karl féll gersamlega í skuggann af
eftirhermunni Karli sem apaði að
loknum flutningi lagsins eftir Agli
Ólafssyni, Birni Jörundi, Kára
Stefánssyni og kaffivél. Karl er
nánast hættur að fá hringingar
þar sem óskað er krafta hans sem
söngvara en nokkuð er um að
hann sé pantaður sem eftirherma.
Þannig skemmti Karl á nýársfagnaði
hjá Gísla Marteini Baldurssyni
sem þótti óhætt að bjóða upp á
skemmtiatriði þar sem hermt er
eftir heimilistækjum. Engar líkur á
að það stuði
nokkurn
mann.

- jbg
FRÉTTIR AF FÓLKI
„Þetta er fimmtíu ára gamalt hús
á góðum stað og með mikla sögu,“
segir Sigurjón Sighvatsson
athafnamaður. Stjórn Faxaflóa-
hafna ákvað í gær á fundi sínum
að ganga að tilboði fasteignafélags
Sigurjóns, Heimiliskaupa ehf.,
um kaup á Grandagarði 14. Alls
bárust 16 tilboð í húsið, sem alla
jafna kallast Slysavarna-
félagshúsið, en tilboð Sigurjóns
upp á 215 milljónir var hæsta
boð. Sigurjón sagðist í samtali
við Fréttablaðið fyrst og fremst
ætla að gera húseignina upp.
Heimiliskaup ehf. gerðu á
sínum tíma einnig tilboð í Lauga-
veg 4-6 sem hefur verið töluvert í
umræðunni að undanförnu. „En
þá var ekki jafn almenn samstaða
meðal húsafriðunarsinna um að
þær húseignir væru þess virði að
bjarga,“ segir Sigurjón.
Umsvif Sigurjóns hér á landi
hafa aukist með ári hverju að
undanförnu en hann á meðal ann-
ars meirihlutaeign í 66°N en úti-
vistarfatnaður fyrirtækisins
hefur notið mikilla vinsælda
meðal stórstjarnanna í Holly-
wood. Einnig á og rekur Sigurjón
menningarsetrið að Eiðum fyrir
austan þar sem eiginkona hans,
Sigríður Jóna Þórisdóttir, hefur
ráðið ríkjum. Auk þess hefur
kvikmyndaframleiðandinn verið
að feta sig áfram á fasteigna-
markaðnum í Danmörku en
Heimiliskaup ehf. keyptu danska
fasteignafélagið VG Investment
fyrir tveimur árum. Sigurjón á
auk þess stóran hlut í danska
dreifingarfyrirtækinu Scanbox.
Björn Ingi Hrafnsson, formað-
ur stjórnar Faxaflóahafna, segir
verðið sem fengist hafi fyrir lóð-
ina ásættanlegt og erfitt hafi
verið að ganga framhjá tilboði
Sigurjóns. Hann segir jafnframt
að stjórninni hafi litist vel á áætl-
anirnar sem Sigurjón hafi um
húsið. „Og ég er þess fullviss að
Sigurjón framfylgir þeim,“ segir
Björn Ingi. Hann telur jafnframt
að miðað við þær áætlanir sem
Reykjavíkurborg hafi um
Örfirisey sé ljóst að Sigurjón hafi
fest kaup á góðri eign. „Staðsetn-
ingin er náttúrlega stórkostleg,“
segir Björn Ingi.
freyrgigja@frettabladid.is
SIGURJÓN SIGHVATSSON: KAUPIR SLYSAVARNAFÉLAGSHÚSIÐ Á GRANDA
Kaupir hálfrar aldar gamalt
hús á 215 milljónir króna
GLÆSILEGUR STAÐUR Staðsetning Grandagarðs 14 er góð en Sigurjón Sighvatsson
keypti lóðina á 215 milljónir. FRÉTTABLAÐIÐ/AUÐUNN
UMSVIFAMIKILL Sigurjón Sighvatsson
hyggst gera húseignina á Grandagarði
14 upp.
VEISTU SVARIÐ?
Svör við spurningum á blaðsíðu 8
1 Færeyingar
2 Egill Örn Egilsson
3 Illugi Gunnarsson