Fréttablaðið - 23.01.2008, Blaðsíða 11

MIÐVIKUDAGUR 23. janúar 2008 11
SKIPULAGSMÁL Íbúar á Álftanesi safna nú
undirskriftum til að mótmæla fyrirhugaðri
deiliskipulagsbreytingu á Álftanesi en frestur
til að skila inn athugasemdum rennur út í dag.
Tveir undirskriftalistar eru í gangi og segja
aðstandendur þeim alls staðar vel tekið.
Gerður Björk Sveinsdóttir, íbúi við Suður-
tún, segir að hún og nokkrar nágrannakonur
hennar hafi gengið hús úr húsi á kvöldin til að
safna undirskriftunum og þær verði afhentar
bæjaryfirvöldum í dag. Gerður Björk segir
yfir hundrað undirskriftir hafa safnast. „Við
fáum mjög góð viðbrögð. Fólk vill fá lausn
þar sem allri umferð er ekki beint upp að
leiksvæði skólans og íbúðagötunum,“ segir
hún.
Magnús Stephensen byggingatæknifræð-
ingur stendur fyrir undirskriftasöfnun meðal
íbúa við Suðurtún, 36 húsa hverfi sem er næst
því svæði sem liggur undir gagnrýni.
Söfnunin takmarkast við Suðurtún vegna þess
hve lítill tími er til stefnu. Mótmælin beinast
gegn því að Norðurnesvegur verði færður um
25-30 metra til að búa til pláss fyrir þriggja
hæða hús sem snúa að Bessastöðum, land sem
margæsin noti til að fita sig á vorin á leiðinni
til Grænlands og Kanada fari undir bygging-
ar og veg og að bensínstöð sé reist á svæðinu.
„Við höfum alltaf verið án bensínstöðvar
hér og erum ekkert ósátt við það. Við höfum
átta bensínstöðvar innan ferkílómetra radíuss
og þykir það alveg nóg,“ segir hann og kveðst
ekki trúa því að núverandi meirihluti á
Álftanesi sé svo heillum horfinn að hann ætli
að tapa meirihlutanum út af skipulagsmálum.
- ghs
Íbúar við Suðurtún á Álftanesi eru duglegir að mótmæla nýju deiliskipulagi:
Mótmæla færslu vegar og bensínstöð
FÁUM GÓÐ VIÐBRÖGÐ „Við fáum mjög góð viðbrögð,“
segir Gerður Björk Sveinsdóttir, íbúi við Suðurtún, en
hún er ein þeirra sem standa að undirskriftasöfnun á
Álftanesi.
KANADA, AP Kanadískur maður í
sjálfheldu hélt sér á lífi í fjóra
sólarhringa með því að borða
rotnandi dýr sem hann hafði veitt.
Ken Hildebrand var að safna
saman dýragildrum sínum þegar
hann velti bílnum fjarri byggð.
Hann lá fastur undir bílnum í 96
tíma áður en göngumaður fann
hann.
Hildebrand notaði hræ af bjór til
að halda á sér hita og át mold til að
fá einhvern vökva. Hann notaði
flautu til að fæla burtu hungraða
sléttuúlfa. Þegar Hildebrand fannst
þjáðist hann af ofkælingu, vökva-
tapi, kali og fótmeiðslum. Hann
jafnar sig nú á sjúkrahúsi. - sdg
Lá fastur undir bíl í 96 tíma:
Át úldin dýra-
hræ til að lifa
BANDARÍKIN, AP Tvær einkaflug-
vélar skullu saman í lofti skammt
frá litlum flugvelli í Kaliforníu í
Bandaríkjunum á sunnudag.
Fimm manns létust, tveir úr
hvorri vél og einn sem varð fyrir
braki á jörðu niðri.
Vitni lýstu því hvernig önnur
vélin sundraðist og að brakinu
hefði rignt yfir bílasölur fyrir
neðan. Flugvélarnar hröpuðu
báðar til jarðar eftir áreksturinn.
„Önnur þeirra lenti ofan á Ford
Mustang og hin féll á bílastæðið,“
skammt frá hinni,sagði Hector
Hernandez sem varð vitni að
slysinu í samtali við sjónvarps-
stöðina KCBS-TV. - sdg
Fimm manns biðu bana:
Flugvélar skullu
saman í loftinu
STAKUR FLUGVÉLAVÆNGUR Önnur
flugvélin sundraðist við áreksturinn og
rigndi brakinu niður. FRÉTTABLAÐIÐ/AP
FINNLAND Fleiri morð eiga sér stað
í Lapplandi en í löndum Vestur-
og Mið-Afríku. Í fjórum finnskum
sveitarfélögum eru framin
hlutfallslega mun fleiri morð
miðað við íbúafjölda en annars
staðar í landinu. Langflest eru
þau í Lapplandi, að sögn finnska
dagblaðsins Helsingin Sanomat,
að meðaltali fimm morð á ári.
Í löndum Vestur- og Mið-Afríku
eru framin að meðaltali tæplega
fimm morð ári. Í Suðvestur-
Finnlandi eru framin tvö morð á
ári og er það svipað og er í
löndum Mið- og Vestur-Evrópu. Í
þeim sveitarfélögum í Finnlandi
þar sem morðtíðnin er hvað hæst
er mikið atvinnuleysi. - ghs
Glæpatíðni á Lapplandi:
Fimm menn
myrtir á ári
ALÞINGI Ekki eru nægilega sterk
úrræði til að taka á heimilisof-
beldi í nýju frumvarpi dómsmála-
ráðherra um nálgunarbann, sagði
Kolbrún Halldórsdóttir, þingmað-
ur Vinstri grænna á Alþingi í gær.
Björn Bjarnason dómsmálaráð-
herra mælti fyrir frumvarpinu á
Alþingi í gær.
Kolbrún boðaði breytingartil-
lögu við frumvarpið þar sem
lögreglu verði heimilað að
fjarlægja ofbeldismann af
heimili, í stað þess að sá fari sem
brotið er á. Fyrirmynd megi finna
í Austurríki þar sem slík lög hafi
skilað góðum árangri. - bj
Frumvarp um nálgunarbann:
Þarf að huga að
heimilisofbeldi