Fréttablaðið - 30.01.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Helga Nína Heimisdóttir, dagmamma og
búddisti, naut útsýnis yfir formfagurt Fuji-fjall
Japana á fyrsta degi ársins.
„Við fjölskyldan héldum utan 21. desember og tók
ferðalagið 28 tíma,“ segir Helga Nína sem dvaldi í
tveggja herbergja íbúð með þvottavél og öllum
þægindum utan hnífapara í háhýsahverfinu í Shinjuku
í Tókýó ásamt sonum sínum. „Þá kom sér vel að hafa
góða æfingu á matprjóna,“ segir hún hlæjandi, en
íbúðina leigði Helga Nína í gegnum netið fyrir 35
þúsund íslenskar á viku.
„Okkur tókst að aðlagast japönskum tíma á tveimur
dögum, en erindið út var að samfagna með öðrum
búddistum áttræðisafmæli Daisaku Ikeda, forseta
Soka Gakkai Int., þann 2. janúar. Ikeda er búddisti,
lárviðarskáld Japana og afkastamikill rithöfundur sem
fengið hefur yfir 200 heiðurs- og doktorsnafnbætur
frá háskólum víða um heim og er heiðursborgari
margra borga. Honum hefur verið líkt við mikilmenni
síðustu aldar, eins og Mahatma Ghandi og Martin
Luther King, og hefur stofnað ótal Soka-skóla á öllum
skólastigum, nú síðast Soka-háskólann í Kaliforníu,“
segir Helga Nína sem þrisvar áður hefur sótt Japana
heim.
„Aðalstöðvar Soka Gakkai eru í Shinanomachi þar
sem fyrir eru tíu menningarmiðstöðvar Soka Gakkai
og þar á meðal Min-On tónlistarhúsið. Þar sóttum við
tónleika á nýársdag. Við hittum marga búddista frá
öðrum löndum og það var eins og að hitta forna vini;
kannski af því við höfum sama markmið, sem er að
„skapa frið með vináttu og viðræðum“,“ segir Helga
Nína sem eyddi mestum tíma með Akiko vinkonu sinni
og Ástu dóttur hennar.
„Akiko vinnur í íslenska sendiráðinu í Shinagawa.
Með þeim mæðgum fórum við í Disneyland og í
útsýnisturninn í Roppongi, en sýning þar var tileinkuð
vatni þar sem milljónir blárra ljósa lýstu upp brekku
þar sem breiða hvítra ljósa liðaðist niður eins og lækur.
Við hittum líka Hikaru Nagataki sem kom til Íslands
síðasta vor með hundrað einnota myndavélar sem hún
fékk íslenskum börnum í hendur til að taka myndir úr
daglegu lífi sínu og voru sýndar í Tókýó á haustdög-
um,“ segir Helga Nína sem er kolfallin fyrir Japan.
„Flestir Japanar skilja hrafl í ensku og allir eru
vingjarnlegir. Japanski maturinn er góður og ódýr, en
fimm manna málsverður á dýrindis veitingahúsum
kostaði aldrei meira en fjögur þúsund íslenskar. Vatn
má drekka úr krönum í Tókýó og hreinlæti er hvar-
vetna áberandi; hvergi rusl að sjá. En þótt ferðalag til
Japans taki tímann sinn finnst mér virkilega þess virði
að heimsækja þetta frábæra land sem sennilega er það
háþróaðasta í heimi og býður mikið öryggi fyrir
borgara og ferðamenn. Rúsínan í pylsuendanum var
svo að njóta útsýnis yfir Fuji-fjall á fyrsta degi ársins,
en það þótti mér tákna loforð um góða framtíð.“
thordis@frettabladid.is
Loforð um góða framtíð
Helga Nína Heimisdóttir, dagmamma og búddisti, ásamt Heimi syni sínum í japönskum kímonó úr fínasta silki sem þau mæðgin
keyptu í Tókýó. FRÉTTABLAÐIÐ/AUÐUNN
FJÖR Í SNJÓNUM
Nú er uppáhaldstími vélsleða-
fólks um allt land.
BÍLAR 2, 3, 4 OG 5
Í PÍPUNUM
Þrjú af börnum Sveins Símonarson-
ar sem á pípulagningafyrirtækið
Rörmenn Íslands hafa starfað við
pípulagnir eða
eru lærð í
faginu.
HEIMILI 7
Breiðhöfða
Toyota Land Cruiser 120 VX, 33“, 10/05, 32þ.km.
ssk, Verð 5.490.000.-
Jeep Grand Cherokee, SRT 8, 11/07, 1þkm, ssk,
verð 6.490.000.- áhvílandi 6.000.000.-
Honda Jazz 1,4, 06/07, 5þ.km. ssk, sumar og
vetrardekk. Verð 1.760.000.-
MMC Pajero Sport GLS Turbo, 35“ 09/05, 32þ.
km. Verð 3.790.000.- áhv 3.000.000.-
Land Rover Range Rover Sport, V8 dísel, 2/07,
22þ.km. verð 10.900.000.-
Toyota Rav4 GX DÍSEL, 03/06, 65þ.km. reyklaus.
Verð 2.750.000.- Staðgreitt
Toyota Land Cruiser 90, 18þ.km. 3/00, 35“ dekk,
nýtt í bremsum. Verð 1.990.000.-
Nissan Pathfi nder, 11/06, 24þ.km. ssk, 7 manna,
Verð 4.590.000.-
517 0000