Fréttablaðið - 10.03.2008, Blaðsíða 6

6 10. mars 2008 MÁNUDAGUR
MENNING Mikið var um að vera á Þjóðminjasafninu
í gær þar sem almenningi var í annað sinn boðið
að koma með gamla muni í skoðun og greiningu.
Margt þeirra gripa sem komið var með eru gamlir
erfða- eða ættargripir og var svo með þann forláta
bikar sem Ottó J. Malmberg kom með til skoðunar.
Sérfræðingum safnsins þótti mikið til bikarsins
koma sem fluttur var til Íslands af móðurafa Ottó
og gefinn föðurafa hans og alnafna á sínum tíma.
Ottó eldri fór með bikarinn til Danmerkur en síðar
rataði hann aftur til Íslands.
„Það var að minnsta kosti nógu mikið snúist í
kringum hann,“ sagði Ottó sem skírður var með
vatni úr bikarnum. Segir hann bikarinn oft hafa
verið notaðan sem skírnarfont, meðal annars
þegar synir Ottós voru skírðir. - ovd
Ferðaskrifstofa
Playa Flamingo 20. maí.
Flug og gisting í 7 nætur m
eð íslenskri fararstjórn.
Á mann m.v. 2 fullorðna og
2 börn, 2-11 ára.
Ef 2 ferðast: 47.535 kr.
BYGGÐAMÁL „Í byggðastefnunni
stendur að það eigi að styrkja sér-
staklega ákveðna byggðakjarna og
auðvitað mótmælir maður því þegar
verið er að berjast í öllum lands-
hornum að því að efla byggðirnar,“
segir Hjalti Þór Vignisson, bæjar-
stjóri Hafnar í Hornafirði.
Hjalti ávarpaði Austurþing Fram-
tíðarlandsins á Höfn í Hornafirði á
laugardag. Hann telur að byggða-
stefnuna megi gera mun markviss-
ari fyrir minni byggðir.
„Frekar en að ríkið skilgreini
þessa vaxtarkjarna og færi þeim
opinber störf, vil ég miklu frekar
styrkja grasrótina og gera fólkið
hæft til að skapa eitthvað sjálft,“
segir Hjalti. Hann áréttar að mikill
samhljómur hafi verið með þessu
sjónarmiði hjá ríkinu og það hafi
komið afar vel fram við Hafnarbúa í
nýlegum mótvægisað gerðum. Sveit-
arfélaginu var til dæmis gert kleift
að ráða starfsmenn til nýsköpunar-
verkefna og þróun verkefna vegna
þjóðgarðs í Vatnajökli.
„En þú sérð það að við erum í 400
kílómetra fjarlægð frá Selfossi og
við erum í 250 kílómetra fjarlægð
frá Egilsstöðum. Það er engin lausn
fyrir okkur ef þessir staðir eru ein-
hverjir ímyndaðir vaxtarkjarnar
hjá ríkisvaldinu. Við fáum ekkert út
úr því, síður en svo. Þetta er hug-
myndafræði sem virkar ekki.“
Hjalti vill að stoðkerfi byggðanna
verði endurmetið í heild sinni.
Sameina skuli krafta Byggðastofn-
unar, þróunarfélaga og ýmissa
nefnda.
„Þetta eru allt aðilar sem vinna af
heilum hug, en maður spyr sig hvort
ekki mætti fá þá til að vinna í eina
átt og út frá einni hugmyndafræði?
Mér finnst vanta heildarsýn í
byggðamál, alveg klárlega,“ segir
hann. klemens@frettabladid.is
Vill endurskoðun
byggðastefnunnar
Bæjarstjóri Hafnar í Hornafirði segir að innbyggð „kjarnastefna“ í ríkjandi
byggðastefnu stjórnvalda hygli stærri stöðum á kostnað minni. Bæjarstjórinn
ávarpaði Austurþing Framtíðarlandsins á laugardag. Hann vill nýja stefnu.
AUSTURÞING FRAMTÍÐARLANDSINS Almenningur á Höfn í Hornafirði sýndi þinginu ekki jafn mikinn áhuga og fólkið sem starfar
þar að menntamálum og nýsköpun. Bæjarstjórinn segir að þekkingarsetrið Nýheimar sé enn að sanna sig og koma sér fyrir í
samfélaginu. Það geri sig meira gildandi á næstu fimm árum. FRÉTTABLAÐIÐ/KLEMENS
Tvær konur frá Þekkingarneti
Austurlands ávörpuðu Austurþing
Framtíðarlandsins á laugardaginn.
Netið kynnir og skipuleggur
háskólanám og endurmenntun fyrir
fólki og fyrirtækjum í fjórðungnum.
Ragnhildur Jónsdóttir, verk-
efnisstjóri hjá Þekkingarnetsins á
Höfn, vinnur því dagsdaglega að því
göfuga verkefni að fá hinn almenna
Hafnarbúa til að mennta sig betur.
Hún lýsti á ráðstefnunni tilburðum
sínum við að fá fólk til að bíta á
agnið. Hún hafi nánast þurft að
handvelja fólk af götunni, sitja fyrir
því og sannfæra það til að koma á
námskeið eða í endurmenntun.
„Það þarf stundum að djöflast í
fólkinu til að ná því á námskeið,“
segir hún. „Fólkið datt kannski út úr
námi og heldur að það sitji í skurði
sem það komist ekki upp úr,“ segir
Ragnhildur. Hún hafi hins vegar
reynt að breyta þessu hugarfari
og með tíð og tíma hafi þetta
lagast. Nú komi konurnar fúsar til
náms. Enn séu karlarnir þó tregir til
þátttöku.
Stefanía Kristinsdóttir, fram-
kvæmdastjóri Þekkingarnetsins,
kom frá Egilsstöðum til að taka þátt
í hringborðsumræðum Austur-
þings. Hún lýsti yfir gleði sinni með
umræðu og viðhorf þingmanna.
Á Egilsstöðum væri fólk því miður
fremur hallt undir stóriðjulausnir.
ÞARF STUNDUM AÐ DJÖFLAST Í FÓLKINU
FORNGRIPUR SKOÐAÐUR Þór Magnússon, fyrrum þjóðminja-
vörður, skoðar bikar í eigu Ottós J. Malmberg, í Þjóðminja-
safninu í gær. Lillý Árnadóttir safnvörður fylgist með ásamt
Antoni Malmberg. FRÉTTABLAÐIÐ ANTON BRINK
Hefur þú trú á framtíð
þorskeldis við Ísland?
Já 77,1%
Nei 22,9%
SPURNING DAGSINS Í DAG:
Vilt þú að dómarar við íslenska
dómstóla tjái sig meira opin-
berlega?
Segðu skoðun þína á vísir.is
JERÚSALEM, AP Ísraelsk stjórnvöld
hafa ákveðið að byggja hundruð
íbúðarhúsa á hernumdu svæðun-
um á Vesturbakkanum og í austan-
verðri Jerúsalem.
Zeev Boim, húsnæðismálaráð-
herra Ísraels, segir að 350 íbúðir
verði teknar í notkun í landtöku-
byggðinni Givat Zeev á Vestur-
bakkanum, skammt fyrir utan
Jerúsalem, og 750 íbúðir í Pizgat
Zeev-hverfi í Austur-Jerúsalem.
Saeb Erekat, samningafulltrúi
Palestínumanna í brokkgengum
friðarviðræðum við Ísrael, for-
dæmir þessi áform, og segir þau
grafa enn frekar undan möguleik-
um þess að viðræðurnar beri
árangur. „Hvers vegna þurfa þeir
endilega að gera þetta og niður-
lægja Abu Mazen í augum almenn-
ings í Palestínu,“ og á þar við Mah-
moud Abbas, forseta
Palestínustjórnar, sem hefur tekið
þátt í friðarviðræðunum þrátt fyrir
mikla tortryggni af hálfu Palest-
ínumanna á réttmæti þess.
Mark Regev, talsmaður Ísraels-
stjórnar, sagði þessi áform réttlæt-
ast af því að byggðirnar séu innan
stórra landtökusvæða sem mein-
ingin er að verði áfram innan Ísra-
els eftir að samningum um stofnun
Palestínuríkis lýkur. Öllum bygg-
ingaráformum utan þessara svæði
hafi verið hætt. - gb
Ísraelar ákveða að reisa fleiri hús á svæðum landtökumanna:
Torveldar enn friðarviðræður
BYGGT Í GIVAT ZEEV Í byggð landtöku-
manna á Vesturbakkanum skammt frá
Jerúsalem rísa þessar nýju byggingar.
FRÉTTABLAÐIÐ/AP
GRÆNLAND Alluitsoq-verkefnið,
sem miðaði að því að vernda hús
og byggingar með menningar-
sögulegt gildi, hefur verið lagt
niður. Verkefnið átti að veita
iðnaðarmönnum tækifæri til að
læra gamlar grænlenskar
byggingaraðferðir.
Stjórnendur byggðasafna í
suðurhluta Grænlands hafa sent
frá sér bréf þar sem þeir biðla
til grænlensku heimastjórnar-
innar að veita peningum í
verkefnið. Á þann hátt má
tryggja varðveislu gamalla
bygginga og framhald á þekk-
ingu á hefðbundnum handverks-
aðferðum. - vþ
Grænlensk menning:
Varðveisla húsa
í uppnámi
Margir lögðu leið sína í Þjóðminjasafnið í gær með gamla ættargripi til skoðunar:
Mikill fjöldi merkilegra muna
KJÖRKASSINN