Fréttablaðið - 29.03.2008, Blaðsíða 18

29. mars 2008 LAUGARDAGUR
H
ann vinnur
mjög
mikið, en
utan
vinnunnar
hefur hann áhuga á
flestum hlutum,“ segir
Ragnhildur Pála
Ófeigsdóttir um
eiginmanninn Vilhjálm
Egilsson, framkvæmda-
stjóra Samtaka atvinnu-
lífsins. Vilhjálmur hefur
vakið athygli fyrir vinnu
sína hjá Samtökum
atvinnulífsins að
undanförnu, bæði vegna
gerðar nýrra kjarasamn-
inga í síðasta mánuði og
ekki síður fyrir gagn-
rýni á peningamála-
stefnu Seðlabanka
Íslands.
Viðmælendur
Fréttablaðsins voru
sammála um að Vil-
hjálmur væri með
greindustu mönnum og
hefði gott lag á mann-
legum samskiptum.
„Villi er þannig að hann
getur átt samskipti við
alla,“ segir Þór Whiteh-
ead, sagnfræðingur og
vinur Vilhjálms til
fjölda ára. „Hann gerir
engan mannamun. Það
er ekki til í honum neinn
hroki eða gorgeir. Hann
er svo hreinn og beinn
alltaf, og laus við allt
undirferli,“ segir Þór.
„Hann er fljótur að
átta sig á aðalatriðum
máls og fljótur að koma
hugsunum sínum í orð.
Þess vegna er hann líka
mjög góður í að leysa
vandamál, einfaldlega af
því að hann er fljótur að
setja sig inn í málin og
finna sameiginlegan
flöt,“ segir Birgir
Ármannsson, vinur og
fyrrverandi samstarfs-
félagi Vilhjálms. Hann
segir að fyrst og fremst
sé Vilhjálmur vinnusam-
ur og afkastamikill, vilji
nýta tíma sinn vel og
komist yfir að gera
meira en flestir aðrir.
„Það er synd og
skömm að hann hafi
aldrei fengið ráðherra-
stól því ég þekki fáa
menn sem hefðu verið
jafn vel til þess fallnir
og hann,“ segir Þór. Þó
að honum þyki missir að
Vilhjálmi úr stjórnmál-
um segir Þór það vera
gott að Vilhjálmur
skyldi hefja störf hjá
Samtökum atvinnulífs-
ins. „Ég held að hann
hafi verið réttur maður
á réttum stað og það sé
alveg sérstök gæfa fyrir
samfélagið að hafa hann
á þessum stað.“ Að sögn
Þórs gefst Vilhjálmur
aldrei upp þótt á móti
blási. „Hann er fæddur
bjartsýnismaður,
raunsær bjartsýnis-
maður.“
Vilhjálmur þykir
einnig skemmtilegur og
fjölhæfur. „Hann hefur
prýðilegan húmor og er
sannur Skagfirðingur
því hann kann að
skemmta sér vel,“
segir Þór. „Hann er
léttur og þægilegur í
umgengni, og er
alveg í essinu sínu
þegar menn koma
saman til að skemmta
sér og syngja eða
annað,“ segir Birgir.
Vilhjálmur hefur
mikinn áhuga á
tónlist. Þá er tónlist
Bítlanna og Rolling
Stones sérstaklega
nefnd, auk annarrar
tónlistar frá þeim
tíma. „Hann kann alla
texta og nýtur sín
best þegar hann
hefur forsöng í
einhverju Rolling
Stones-lagi,“ segir
Birgir. Hann þykir þó
ekki alveg eins
lagviss og hann er
góður með texta, en
viðmælendur eru
sammála um að
söngurinn komi frá
hjartanu.
„Vilhjálmur er
fjölhæfur og fylgist
vel með öllu í
kringum sig. Hann
les mikið og er fróður
um marga hluti, til
dæmis á sviði
menningar og lista.
Menn gleyma því oft
að hann var formaður
stjórnar Kvikmynda-
sjóðs í mörg ár. Þar
kom fram einlægur
áhugi hans á menn-
ingarlífinu,“ segir
Birgir. Þá nefnir
Ragnhildur kona
Vilhjálms að hann sé í
fótbolta og fylgist vel
með og hafi mikinn
áhuga á íþróttum.
„Við höfum líka
mjög gaman af því að
ferðast. Við erum svo
heppin að okkur
hefur oft tekist að
gera skemmtilega
hluti, fara á skemmti-
lega staði og prófa
eitthvað nýtt.
Vilhjálmur er mjög
opinn fyrir því að
prófa, læra og kynna
sér nýja hluti,“ segir
Ragnhildur og bætir
við að þau hjón séu
nýkomin úr páskafríi
þar sem þau keyrðu
um Tyrkland. „Hann
hefur mjög gaman af
ferðalögum og er
duglegur að kynna
sér og lesa sér til um
þau lönd sem hann
heimsækir,“ segir
Birgir. „Hann er ekki
einn af þeim sem
hafa látið vinnuna
gleypa sig, þó að
vinnutíminn hafi oft
verið langur,“ segir
hann. Vilhjálmur er
líka mikill fjölskyldu-
maður og fjölskyldan
er dugleg að fara í
sumarbústað sinn.
„Okkur þykir
einfaldlega gaman að
vera úti í náttúrunni
og njóta kyrrðar-
stunda og góðra
stunda með vinum og
kunningjum.“
MAÐUR VIKUNNAR
Fjölhæfur, skarpgreindur og
raunsær bjartsýnismaður
VILHJÁLMUR EGILSSON
ÆVIÁGRIP
Vilhjálmur Egilsson, framkvæmdastjóri Samtaka atvinnu-
lífsins, fæddist á Sauðárkróki 18. desember 1952. Hann er
elstur af fjórum börnum þeirra Egils Bjarnasonar ráðunauts
og Öldu Vilhjálmsdóttur verkstjóra. Vilhjálmur ólst upp á
Sauðárkróki en fór til Akureyrar í menntaskóla og útskrif-
aðist úr Menntaskólanum á Akureyri árið 1972. Þaðan fór
hann í Háskóla Íslands og útskrifaðist úr viðskiptafræði árið
1977. Hann lauk mastersnámi í hagfræði frá Háskólanum
í Suður-Kaliforníu árið 1980 og svo doktorsprófi frá sama
háskóla tveimur árum síðar.
Hann giftist Ragnhildi Pálu Ófeigsdóttur skáldi árið 1974
og eiga þau fjögur börn; Önnu Katrínu, Bjarna Jóhann,
Ófeig Pál og Ragnhildi Öldu.
Vilhjálmur hóf störf sem hagfræðingur Vinnuveitenda-
sambands Íslands að námi loknu. Þar starfaði hann til
ársins 1987, en þá tók hann við starfi framkvæmdastjóra
Verslunarráðs Íslands. Hann var þingmaður Sjálfstæðis-
flokksins í tólf ár, frá árinu 1991. Árið 2003 hætti Vilhjálmur
bæði á þingi og sem framkvæmdastjóri Verslunarráðs.
Hann var ráðuneytisstjóri í sjávarútvegsráðuneytinu árin
2004 til 2006, en tók svo við stöðu framkvæmdastjóra hjá
Samtökum atvinnulífsins í ársbyrjun 2006.
Vilhjálmur hefur að auki starfað í ýmsum nefndum og
ráðum, til dæmis í þingmannanefndum EFTA og EES, Verð-
lagsráði og í Íslensk-ameríska félaginu. Hann var formaður
Sambands ungra sjálfstæðismanna árin 1985 til 1987 og
formaður stjórnar Kvikmyndasjóðs í níu ár, frá 1994 til
2003, svo fátt eitt sé nefnt.
VANN SÉR TIL FRÆGÐAR
Vilhjálmur hefur, sem framkvæmdastjóri Samtaka atvinnu-
lífsins, verið mikið í fjölmiðlum undanfarið. Hann hefur
verið einn harðasti gagnrýnandi peningastefnu Seðla-
bankans og sagði í síðustu viku að bankinn væri kominn í
sjálfheldu með stefnu sína.
HVAÐ SEGIR HANN?
„Vaxtahækkunin er algjörlega í samræmi við stefnu bank-
ans en ég tel að stefnan sem slík sé röng. Ég tel að hún sé
á algjörum villigötum og Seðlabankinn sé kominn í algjöra
sjálfheldu með þessa vaxtastefnu sína, hann fari bara eftir
einstefnugötu og sé að fara nokkrum skrefum lengra inn
þessa einstefnugötu – og svo kemst hann ekkert áfram.“
VISSIR ÞÚ ...
Að Vilhjálmur lagði fjórum sinnum fram frumvarp á Alþingi
þess efnis að tekinn yrði upp sumartími að evrópskum sið
á Íslandi, og klukkan færð fram um eina klukkustund frá og
með síðasta sunnudegi í mars og fram til síðasta sunnu-
dags í október. Þannig var talið að almenningur hefði meiri
möguleika á því að njóta sólar og góðviðrisdaga á sumrin.
Hringdu í síma
ef blaðið berst ekki