Fréttablaðið - 29.03.2008, Blaðsíða 78

54 29. mars 2008 LAUGARDAGUR
sport@frettabladid.is
FÓTBOLTI Landsliðsmaðurinn
Eggert Gunnþór Jónsson,
leikmaður Hearts, hefur loksins
skrifað undir samning við félagið
en Eggert Gunnþór og umboðs-
maður hans, Ólafur Garðarsson,
höfðu verið tregir til að skrifa
undir langtímasamning. Samning-
urinn er hins vegar til fjögurra og
hálfs árs og Eggert Gunnþór
ítrekaði í viðtali á opinberri
heimasíðu Hearts að hann hefði
aldrei viljað yfirgefa félagið.
„Ég er mjög ánægður með að
samningsmálin séu komin á
hreint þar sem ég ætlaði mér
alltaf að vera áfram hjá Hearts.
Ég hlakka mjög til þess að takast
á við þær áskoranir sem eru fram
undan hjá Hearts og ég hef
mikinn metnað til þess að bæta
mig sem leikmaður,“ sagði Eggert
Gunnþór. - óþ
Eggert Gunnþór Jónsson:
Samdi við
Hearts til 2012
EFNILEGUR Eggert Gunnþór hefur skotist
upp á stjörnuhimininn hjá Hearts og er
hér í báráttu við Barry Ferguson í leik á
dögunum. NORDIC PHOTOS/GETTY
HANDBOLTI Ágúst Þór Jóhannsson
var í gær ráðinn þjálfari karlaliðs
Gróttu til næstu þriggja ára. Hann
þjálfar kvennalið Vals sem stendur
en lætur af því starfi í sumar.
„Þetta verkefni leggst mjög vel
í mig. Það er komið nýtt karlaráð
hjá félaginu og stefnt að því að
blása nýju lífi í karlaliðið. Stefnan
er að vera komin með gott lið
aftur eftir tvö ár,“ sagði Ágúst. - hbg
Ágúst Þór Jóhannsson:
Fer til Gróttu
> Hnefarnir látnir tala í kvöld
Íslandsmót í hnefaleikum fer fram í Hnefaleikahöllinni í
Reykjanesbæ í kvöld. Fyrir þá sem þekkja ekki alveg til er
þetta gamla sundhöllin á Framnesvegi. Íslandsmótið er
hápunktur vetrarins hjá hnefaleikamönnum og munu allir
bestu og efnilegustu boxarar landsins skiptast á höggum
og rothöggum. Væntanlega verða átta lokaviðureignir um
Íslandmeistaratitilinn. Eftir Íslandsmótið verður einnig
útnefndur besti boxari Íslandsmótsins og hlýtur hann
Bensabikarinn, sem er farandbikar
sem tileinkaður er minningu Bene-
dikts Oddssonar, fyrrverandi félaga
í Hnefaleikafélagi Reykjaness.
Miðaverð er 1.000 krónur og eru
miðar seldir við innganginn.
Friðrik Stefánsson, miðherji Njarðvíkinga, verður eins og kunnugt er
ekki með sínu liði í úrslitakeppninni vegna hjartatruflana og þurfa
því Njarðvíkingar að spila sína fyrstu úrslitakeppni
án hans í heilan áratug.
Friðrik missti reyndar af leikjum í Powerade-
bikarnum í haust en var með frá fyrsta leik
í Iceland Express-deildinni og hefur spilað
síðustu 195 leiki Njarðvíkinga í deild og úrslita-
keppni. Friðrik missti síðast af leik á Íslandsmóti
14. október 2001.
„Mér líst alveg ágætlega á þennan leik eða
allt nema að ég sé ekki að spila með. Þetta er
náttúrulega mikið áfall en ljósið í myrkrinu er að
núna vita þeir hvað er að mér. Ég hélt samt að þetta myndi vera
allt í lagi hjá mér í vetur en það var ekki alveg rétt hjá mér. Ég er á
leiðinni í aðgerð og er kominn á biðlista. Framhaldið verður síðan
bara að koma í ljós.“
Um leikinn við Snæfell í dag segir Friðrik: „Þetta einvígi mun
snúast mest um það hvernig bakverðirnir okkar ætla að spila úr
þessu,“ segir Friðrik.
„Ég hef fundið fyrir veikindunum en það var agalegt að fá þetta
kast á móti Grindavík,“ segir Friðrik sem var með öran púls og
hjartslátt upp í 150 slög á mínútu í hvíld. „Ég festist með hjartað
í örum slætti og var með það þannig í einhverja sex daga.
Svo var maður bara lagður inn og stuðaður í gang,“ segir
Friðrik af ótrúlegri yfirvegun. „Ég hef spilað í gegnum
alveg heilan helling af meiðslum og veikindum og það
þurfti eitthvað svona til þess að stoppa mig.“
Friðrik hefur alls leikið 278 leiki á Íslandsmóti síðan hann
gekk til liðs við Njarðvík sumarið 1998 og hefur Njarðvík-
urliðið unnið 197 af þessum leikjum (70,9 prósent).
Frá árinu 1998 hefur Friðrik aðeins misst af 13 leikjum,
þar af 11 þeirra þegar hann spilaði í finnsku deildinni
fyrri hluta tímabilsins 2000-01. Njarðvík hefur unnið 10
af þessum 13 leikjum (76,9 prósent).
„Ég veit ekki hvort ég verð á bekknum. Ætli ég feli mig
ekki bara uppi í sumarbústað til þess að komast í gegn-
um þetta,“ sagði Friðrik í léttum tón.
FRIÐRIK STEFÁNSSON MIÐHERJI NJARÐVÍKUR: BÚINN AÐ SPILA 195 LEIKI MEÐ NJARÐVÍK Í RÖÐ Á ÍSLANDSMÓTI
Eitthvað svona þurfti til þess að stoppa mig
KÖRFUBOLTI Keflavík rúllaði yfir
Þór frá Akureyri, 105-79, í fyrsta
leik liðanna í fyrstu umferð
úrslitakeppni Iceland Express-
deildarinnar.
Keflavík hóf leikinn af krafti og
gerði nánast út um leikinn í fyrsta
leikhluta. Keflavík skoraði 9
þriggja stiga körfur í leikhlutan-
um þar sem BA Walker og Magnús
Þór Gunnarsson fóru á kostum og
skoruðu fjórar þriggja stiga
körfur hvor.
Keflavík var 17 stigum yfir eftir
fyrsta leikhluta, 37-20, og þrátt
fyrir að slaka örlítið á í öðrum
leikhluta munaði 21 stigi þegar
hálfleiksflautið gall, 61-40.
Síðari hálfleikur var aldrei
spennandi frekar en sá fyrri.
Keflavík hélt áfram að auka for-
skotið sem var komið í 26 stig
þegar einum leikhluta var ólokið,
86-60.
Eftir því sem leið á leikinn fengu
minni spámenn að spreyta sig og
fengu lykilmenn í liði Keflavíkur
góða hvíld í leiknum. Liðin skor-
uðu hvort um sig 19 stig í fjórða
leikhluta og lauk leiknum því 105-
79. Keflavík freistaði þess að ná
að skora sína tuttugustu þriggja
stiga körfu í leiknum undir lokin
en það tókst ekki og liðið endaði
því með 19 þriggja stiga körfur, 15
fleiri en andstæðingurinn að
norðan.
Magnús Þór Gunnarsson skor-
aði 22 stig fyrir Keflavík á aðeins
26 mínútum en hann hitti úr 6 af
11 þriggja stiga skotum sínum.
Magnús sagði sig og sitt lið hafa
verið ákveðið í að keyra yfir Þór
frá fyrstu mínútu.
„Við mættum ákveðnir til leiks
og sýndum hvernig við ætlum að
spila í úrslitakeppninni. Það vita
allir að við getum þetta. Við vorum
á heimavelli og það var mikilvægt
að vinna fyrsta leik.
Þeir voru ekki að spila eins vel
og þeir geta en það spilar enginn
betur en andstæðingurinn leyfir.
Við erum tilbúnir eins og fólk sér,“
sagði Magnús sem er ákveðinn í
að sækja annan sigur í öðrum
leiknum fyrir norðan. - gmi
Keflvíkingar efndu til skotkeppni í fyrsta leik úrslitakeppninnar:
Þórsarar skotnir í kaf í Keflavík
Í ÁTT AÐ KÖRFU Arnar Freyr Jónsson
keyrir hér í átt að körfu Þórsara í gær.
MYND/VÍKURFRÉTTIR
KEFLAVÍK-ÞÓR 105-79
Stig Keflavíkur: Magnús Gunnars-
son 22, Bobby Walker 22, Tommy
Johnson 15, Anthony Susnjara 12,
Arnar Freyr Jónsson 11, Gunnar
Einarsson 9, Þröstur Jóhannsson 5,
Sigurður Þorsteinsson 4, Jón Nordal
Hafsteinsson 2, Jón Jónsson 2.
Stig Þórs: Cedric Isom 24, Robert
Reed 14 (9 frák.), Óðinn Ásgeirsson
10, Magnús Helgason 8, Luka Marolt
8, Þorsteinn Gunnlaugsson 6, Birkir
Heimisson 5, Bjarki Oddsson 2, Jón
Kristjánsson 2.
KÖRFUBOLTI Grindvíkingar sýndu á
sér tvær hliðar eins og svo oft
áður í 106-95 sigri á Skallagrími í
fyrsta leik liðanna í átta liða úrslit-
um Iceland Express-deildar karla.
Grindavík setti á svið skotsýningu
í öðrum leikhluta og náði mest 24
stiga forskoti í fyrri hálfleik en
frábær barátta Skallagrímsmanna
kom muninum niður í þrjú stig í
byrjun fjórða leikhluta áður en
Grindavíkurliðið vaknaði af
værum blundi og kláraði leikinn.
„Við áttum frábæran fyrri hálf-
leik en svo fórum við í pakkann
sem að reyna að verja eitthvert
forskot sem kann ekki góðri lukku
að stýra fyrir okkur. Ef við förum
niður á hælana og verðum kæru-
lausir þá erum við með verri liðum
landsins en þegar við erum á
tánum þá erum við með betri lið-
unum,“ sagði Friðrik Ragnarsson,
þjálfari Grindavíkur, og hann vill
sjá meira til liðsins í næsta leik.
Friðrik var ánægður með nýja
Bandaríkjamanninn, Jaamal Willi-
ams, þótt hann hefði verið rólegur
og í villuvandræðum fram eftir
leik.
„Þegar skytturnar okkar kom-
ast í sinn þriggja stiga gír þá leyf-
um við þeim bara að rasa út en
engu að síður þegar leikurinn var
kominn í óefni þá getum við sent
boltann inn á hann sem skorar í 8
af hverjum 10 skiptum enda alveg
framúrskarandi góður sóknar-
leikmaður,“ sagði Friðrik um
Williams sem endaði með 14 stig á
27 mínútum.
Helgi Jónas Guðfinnsson átti
mjög góða innkomu og endaði leik-
inn með 13 stig og 7 stoðsendingar
á 25 mínútum. „Ég var að vona að
hann væri klár fyrir úrslitakeppn-
ina og hann sýndi það í kvöld að
hann er klár,“ sagði Friðrik um
Helga Jónas.
Páll Axel Vilbergsson var sjóð-
heitur framan af leik. „Þessi seinni
hálfleikur er kannski pínu viðvör-
un til okkar. Ég er langt frá því að
vera sáttur með hvernig við
komum til leiks í seinni hálfleik og
misstum niður gott forskot með
einhverju kæruleysi. Þetta er ekki
í fyrsta skipti sem þetta gerist í
vetur og við þurfum að laga þetta,“
segir Páll Axel Vilbergsson, fyrir-
liði Grindavíkur, „Þessi fyrsta
umferð er bara stórhættuleg. Ég
var skíthræddur fyrir þennan leik
því það má ekkert gerast í þessari
fyrstu umferð. Við förum í Borg-
arnes til að vinna og ég ætla ekki
að hugsa neitt lengra en það,“
sagði Páll Axel.
„Þegar þú lendir 25 stigum
undir á móti góðu liði þá kemur þú
aldrei til baka eftir það og við
verðum að átta okkur á því að við
megum ekki grafa okkur svona
djúpa holu. Við gerðum mjög vel í
að ná þessu niður í þrjú stig og við
vitum að það þarf að vinna tvo
leiki til að komast áfram,“ sagði
Ken Webb, þjálfari Skallagríms,
sem var ekkert svo svakalega
óánægður með vörnina í fyrri
hálfleik. „Við getum spilað betri
vörn en þeir voru að setja niður
ótrúlegustu skot,“ sagði Webb og
hrósaði sérstaklega Páli Axel Vil-
bergssyni sem setti niður 14 af 23
skotum sínum í fyrri hálfleik.
ooj@frettabladid.is
Var skíthræddur fyrir þennan leik
Páll Axel Vilbergsson og félagar í Grindavík eru komnir í 1-0 gegn Skallagrími en voru nærri búnir að
missa niður 24 stiga forskot í gær. Páll Axel setti á svið skotsýningu í síðari hálfleik er hann fór á kostum.
EKKERT GEFIÐ EFTIR Það var hart tekist á þegar Skallagrímur sótti Grindavík heim í
Röstina í gær. Adama Darboe hjá Grindavík reynir hér að komast áfram gegn leik-
mönnum Skallagríms. FRÉTTABLAÐIÐ/ANTON
GRINDAV.-SKALLAGR.
106-95
Stig Grindavíkur: Páll Axel Vilbergs-
son 36, Adama Darboe 17 (11 stoðs.),
Jamaal Williams 14, Helgi Jónas
Guðfinnsson 13, Páll Kristinsson 8,
Igor Beljanski 4.
Stig Skallagríms: Darrel Flake 29
(13 frák.), Milojica Zekovic 21, Axel
Kárason 12, Allan Fall 10, Pétur
Sigurðsson 8, Áskell Jónsson 7, Pálmi
Sævarsson 4, Florian Miftari 4.