Fréttablaðið - 09.04.2008, Page 29

MIÐVIKUDAGUR 9. apríl 2008 21
Síðustu Háskólatónleikar annar-
innar fara fram í Norræna húsinu
í dag kl. 12.30. Þar koma fram þau
Auður Gunnarsdóttir sópransöng-
kona og Jónas Ingimundarson
píanóleikari og flytja tónlist eftir
Jónas sjálfan, Atla Heimi
Sveinsson og Jón Ásgeirsson.
Einnig flytja þau útsetningar
Þorkels Sigurbjörnssonar á
íslenskum þjóðlögum. Miðaverð á
tónleikana er 1.000 krónur, eldri
borgarar og öryrkjar fá miðann á
500 krónur, en nemendur Háskóla
Íslands fá frítt inn. - vþ
Jónas og Auð-
ur í hádeginu
JÓNAS INGIMUNDARSON Kemur fram
ásamt Auði Gunnarsdóttur á síðustu
Háskólatónleikum annarinnar.
Nú stendur fyrir dyrum í Gavella-
leikhúsinu í Zagreb í Króatíu
frumsýning hinn 11. apríl á
leikritinu Pabbastrák eftir Hávar
Sigurjónsson. Leikstjóri er
Franca
Percovic.
Gavella-
leikhúsið er
annað af
tveimur
stærstu
leikhúsum
Króatíu, með
um fjörutíu
fastráðna
leikara og þrjú
leiksvið. Fjöldi
uppfærslna er
um fimmtán á ári. Verkefnaval
leikhússins virðist mjög fjöl-
breytt, klassísk leikrit og
nútímaleikrit, óperur og söngleik-
ir.
Pabbastrákur var frumsýnt í
Þjóðleikhúsinu í september 2003 í
leikstjórn Hilmars Jónssonar og
var valið sem framlag Íslands
2004 á leiklistartvíæringinn í
Wiesbaden sem helgaður er nýrri
leikritun í Evrópu. Leikritið vakti
þar talsverða athygli og hefur
verið kynnt víða síðan og þýtt á
þýsku, ensku og dönsku, auk
króatísku. Verkið var meðal
annars kynnt á leiklistarhátið í
Motovun í Króatíu í júlí 2006 og
varð það kveikjan að þeirri
uppfærslu sem nú stendur fyrir
dyrum í Gavella-leikhúsinu í
Zagreb. Þess má reyndar einnig
geta að í mars sl. var verkið flutt
í króatíska ríkisútvarpinu í
sjálfstæðri uppfærslu. - pbb
Pabbastrákur
í Króatíu
LEIKLIST Hávar Sig-
urjónsson leikskáld
og leikstjóri
Leikfélag Reykjavíkur hefur óskað
eftir að gera athugasemd við gagnrýni
sem birtist hér á menningarsíðunni
á mánudag. Verk Line Knutzon sem
frumsýnt var á Litla sviði á laugar-
dag heitir Gítarleikararnir en ekki
Gítaristarnir eins og það var kallað. Þá
vill Leikfélagið ítreka að ljóðin sem
sungin eru í sýningunni við ný lög
Björns Jörundar eru eftir Knutzon og
þýdd af Sigurði Hróarssyni. Þær ljós-
myndir sem hafa birst úr sýningunni
hér í blaðinu að undanförnu eru eftir
Grím Bjarnason. Er beðist velvirðingar
á rangri nafngift verksins í leikdómi.
- pbb
LEIÐRÉTTING
Kvikmynda- og myndbandslistahátíðin 700IS
Hreindýraland fór fram á Egilsstöðum og
fleiri stöðum á Austurlandi dagana 29. mars
til 5. apríl. Um 600 manns mættu á hátíðina í
ár, sem hófst með formlegri opnun í menn-
ingarsetrinu Sláturhúsinu á Egilsstöðum. Á
opnuninni var meðal annars boðið upp á
tónlistargjörninginn Hanaegg, sem er
samstarfsverkefni Þuríðar Jónsdóttur, Ólafar
Nordal og Ásgerðar Júníusdóttur. Jafnframt
var sýnt graffiti-verk með vídeóinnsetningu,
en höfundar þess eru Sigrún Lýðsdóttir og
Tom Goulden. Við sama tækifæri var
formlega opnuð sýning á þeim tæplega sjötíu
verkum sem voru valin úr fjölda innsendra
kvikmynda- og myndbandsverka. Verðlaun
voru veitt á opnuninni en þau hlutu Þjóðverj-
inn Max Hattler fyrir verk hátíðarinnar og
Þórður Grímsson fyrir hið íslenska verk
hátíðarinnar.
Mikið var um að vera vikuna sem hátíðin
stóð yfir og má þar nefna rússneska kvik-
myndadagskrá, sýningar á Skriðuklaustri, á
Hreindýraslóð og í Menningarmiðstöð
Hornafjarðar. Lokahóf hátíðarinnar var
haldið á Eiðum en það var einnig uppskeru-
hátíð listnema frá LHÍ í Reykjavík, Vestera-
len í Noregi, Arizona í Bandaríkjunum og
Manchester á Englandi auk nemenda frá
framhaldsskólum á Austurlandi. Listnemarn-
ir höfðu eytt viku saman á Eiðum þar sem
þeir tóku þátt í fjölbreyttu og krefjandi
námskeiði í boði hátíðarinnar. Yfirskrift
námskeiðsins var „leikur á mynd“ og lauk
námskeiðinu með sýningu á verkum nem-
endanna sem öll voru tekin upp á Austur-
landi.
Hátíðin spannaði þannig mun breiðara svið
listgreina en titill hennar gefur til kynna.
Ekki leikur nokkur vafi á að hún hefur náð að
skipa sér í flokk með framsæknustu listahá-
tíðum landsins. - vþ
Vel heppnað Hreindýraland
SAMBLAND LISTGREINA Verk Sigrúnar Lýðsdóttur og
Tom Goulden sem var unnið sérstaklega fyrir 700IS
Hreindýraland.