Fréttablaðið - 07.05.2008, Blaðsíða 10
7. maí 2008 MIÐVIKUDAGUR
ORKUMÁL Samningar um land og
vatnsréttindi í Þjórsá vegna
Urriðafossvirkjunar virðast vera
komnir í hnút. Níu af tíu landeig-
endum austan árinnar hafa lýst
því yfir að þeir hyggist ekki
semja við Landsvirkjun, og gæti
því komið til þess að það reyni á
eignarnámsákvæði í lögum.
Það mun koma í hlut Össurar
Skarphéðinssonar iðnaðarráð-
herra að úrskurða um mögulegt
eignarnám vegna virkjunarinnar.
Hann vill ekki tjá sig um hvernig
hann muni úrskurða, enda enginn
óskað eftir eignarnámi enn.
Össur ítrekar þó þá skoðun sína
að „ríkir almannahagsmunir“
þurfi að vera fyrir hendi til að
eignarnámsákvæðinu verði beitt.
Landsvirkjun hefur þegar yfir
að ráða 93 prósentum vatnsrétt-
inda. Friðrik Sophusson, forstjóri
Landsvirkjunar, sagði að samn-
ingaleiðin yrði reynd áfram, á
stuttum fundi með fulltrúum
landeigenda á mánudag. Hann
tók þó fram að Landsvirkjun
áskilji sér „öll réttindi“ sem lög
bjóði.
Jón Árni Vignisson, einn land-
eigenda á austurbakka Þjórsár,
óttast ekki eignarnám. „Það þurfa
að vera ákveðin skilyrði til að því
sé beitt, og það er af og frá að þau
séu fyrir hendi hér,“ segir Jón.
Ekki sé meiri þörf fyrir raforku
en svo að Búðarhálsvirkjun
standi hálfköruð ofar í Þjórsá.
Össur segir að tjái hann sig um
afstöðu sína til eignarnáms í
þessu tilviki geti það leitt til þess
að hann teljist vanhæfur til að
fjalla um málið, krefjist Lands-
virkjun eignarnáms.
Hann hitti fulltrúa landeigenda
á mánudag. Þeir afhentu honum
afrit af undirskriftalista, þar sem
meirihluti kosningabærra íbúa í
Flóahreppi mótmælti því að sveit-
arfélagið setti virkjunina inn á
aðalskipulag.
„Þeir höfðu mörg málefnaleg
rök í sínu máli. Hugsanlega
kunna að vera mótrök í málinu
líka,“ segir Össur. Hann segir að
þegar og ef komi til þess að kraf-
ist verði eignarnáms verði málið
rannsakað með faglegum hætti
og ákvörðun tekin. Ótímabært sé
að ráðuneytið gefi upp viðhorf í
því máli, enda liggi þau ekki fyrir
að órannsökuðu máli.
brjann@frettabladid.is
Þarf almanna-
hagsmuni til
Reynt gæti á ákvæði vatnalaga um eignarnám náist
ekki samkomulag um vatnsréttindi vegna Urriða-
fossvirkjunar. Ráðherra segir að almennt þurfi ríka
almannahagsmuni til að eignarnám eigi rétt á sér.
MÓTÆLTU Fulltrúar landeigenda austan Þjórsár, Ólafur Sigurjónsson (til hægri)
og Jón Árni Vigfússon, hittu Friðrik Sophusson, forstjóra Landsvirkjunar, á mánu-
dag, og mótmæltu áformum um Urriðafossvirkjun. Með í för var Bjarni Harðarson
þingmaður. FRÉTTABLAÐIÐ/PJETUR
Í 72. grein stjórnarskrár lýðveld-
isins Íslands stendur eftirfarandi
um eignarrétt og eignarnám:
„Eignarrétturinn er friðhelgur.
Engan má skylda til að láta af
hendi eign sína nema almenn-
ingsþörf krefji. Þarf til þess lagafyr-
irmæli og komi fullt verð fyrir.“
Í vatnalögum frá árinu 2006 er
sérstakur kafli um eignarnám.
Þar segir meðal annars:
„Ráðherra getur heimilað að
vatnsréttindi verði tekin eignar-
námi ásamt nauðsynlegu landi,
mannvirkjum, aðstöðu og öðrum
réttindum fasteignareiganda í
samræmi við ákvæði laga þessara.
Ávallt skal þess þó freistað að
ná samkomulagi við fasteignar-
eiganda áður en til eignarnáms
kemur.“
EIGNARNÁM
Í LÖGUM
GEORGÍA, AP Sjálfskipuð stjórnvöld
í georgíska aðskilnaðarhéraðinu
Abkasíu segja að her þeirra hafi
skotið niður tvær ómannaðar
njósnavélar Georgíuhers yfir
Abkasíu. Fréttin jók enn á spenn-
una í deilunni um yfirráð yfir hér-
aðinu, sem er í brennidepli hags-
munatogstreitu milli Rússlands og
Vesturlanda.
Talsmenn georgískra yfirvalda
neituðu því að njósnavélar á þeirra
vegum hefðu verið á flugi þarna og
sakaði á móti Rússa um að vera að
undirbúa stríð um Abkasíu. Rúss-
ar, sem hafa fjölmennt „friðar-
gæslulið“ í Abkasíu, hafa aftur á
móti sakað Georgíumenn um að
vera að undirbúa slíkt stríð. - aa
Spenna eykst í Kákasus:
Njósnavélar sagðar skotnar niður
RÚSSAR Á VAKT Rússnesk herþyrla fylgir
lest á ferð um Abkasíu nýlega. Deilt er
um yfirráð yfir héraðinu. FRÉTTABLAÐIÐ/AP
RV
U
N
IQ
U
E
04
08
05
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Fagleg og persónuleg
þjónusta
Sjúkraliði RV, Jóhanna Runólfsdóttir, leiðbeinir skjólstæðingum TR,
einstaklingum með þvagleka og aðstandendum þeirra og veitir
ráðgjöf varðandi hjúkrunarvörur.
Sími: 520 6673
johanna@rv.is
www.rv.is
1Ýmis úrræði
og ráðgjöf
vegna þvagl
eka
Við höfum gefið út vandaðan TENA bækling- um úrræði og ráðgjöf vegna þvagleka. Hafðu samband og við sendum þér eintak.
Vor í Iullisat, Vestur Grænlandi
Mynd: Níels Einarsson
MÓTTAKA UMSÓKNA ER HAFIN
UMSÓKNARFRESTUR ER TIL 5. JÚNÍ
Háskólinn á Akureyri
Heimskautaréttur LL.M. / M.A.
Kynntu þér nám við Háskólann á Akureyri
á www.haskolanam.is
Hver á auðlindir Norðurskautsins?
Heimskautasvæðin hafa verið mikið í sviðsljósinu undanfarin misseri, ekki síst vegna
fyrirsjáanlegra breytinga á vöruflutningum um norðurskautssvæðið sem og greiðari
aðgangi að miklum náttúruauðlindum. Aðliggjandi lönd hafa þegar gefið í skyn, að þau eigi
fullveldistilkall á norðurslóðum, m.a. Rússland, Bandaríkin, Noregur, Kanada og Græn-
land (Danmörk) sem og frumbyggjar í löndunum á umræddu svæði. Hvaða reglur þjóða-
réttarins gilda um svæðið og hvernig má best nota þær til að koma í veg fyrir hugsanleg
átök? Hvaða alþjóðasamtök fjalla um málefni heimsskautasvæðanna? Eiga Íslendingar
hagsmuna að gæta í þessu samhengi? Hver á yfirráðaréttinn á hinum nýju siglingaleiðum?
Hver á réttinn til náttúruauðlindanna? Hvernig verður viðkvæmt umhverfið best verndað?
Er hægt að sækja fyrirmyndir i alþjóðlegt samkomulag um suðurskautssvæðið?
Háskólinn á Akureyri er fyrstur háskóla til að bjóða upp á sérstakt nám um lagalegt
umhverfi heimskautasvæðanna. Námið er þverfaglegt; fjallað er um viðfangsefnið fyrst og
fremst út frá sjónarhorni laga og réttar, en einnig er litið til heimspeki, sagnfræði,
mannfræði, samfélagsfræði, alþjóðatengsla og hagþróunarfræði í leitinni að svörum við
þessum mikilvægu spurningum.