Fréttablaðið - 07.05.2008, Blaðsíða 21

[ ]
Það er list að hnýta góða flugu.
Björgvin Guðmundsson hefur
stundað þá list í um tuttugu ár.
„Áhuginn vaknaði þegar ég sá vin
minn veiða á flugu í fyrsta skipti.
Það sem heillar við fluguhnýtingar
er áskorunin að finna eitthvað sem
fiskurinn vill taka. Það er aldrei
meira gaman en þegar fiskurinn
tekur eitthvað sem maður hefur
hnýtt sjálfur, svo ég tali nú ekki um
ef maður hefur hannað það líka,“
segir Björgvin áhugasamur.
Við fluguhönnun þarf að taka til-
lit til þess hvers konar fisk á að
tæla til sín. „Þegar þú ert að hanna
flugu fyrir silung, sjóbirting og
þess háttar þá þarftu að líkja eftir
því sem fiskurinn étur. En laxinn
étur ekkert eftir að hann er kominn
í ána þannig að það veit enginn af
hverju hann tekur fluguna og hvers
vegna hann velur eina frekar en
aðra. Þá er áskorun í því fólgin
að detta niður
á eitthvað
sem hann lætur ginn-
ast af,“ segir Björgvin
kíminn og bætir við að sumir litir
virki betur en aðrir. Þó eru fleiri
þættir sem hafa þarf í huga. „Þetta
fer líka eftir veðri en það lærist
bara með reynslunni. Þá er númer
eitt, tvö og þrjú að tala við sér
reyndari og vitrari menn og læra af
meisturunum,“ útskýrir Björgvin.
Við fluguhnýtingar þarf að nota
sérstök tæki eins og öngulhöldu.
Síðan þarf skæri og tvinna og gott
er að hafa keflishöldu fyrir tvinn-
ann. „Síðan eru alls konar efni sem
þarf. Fjaðrir eru mikið notaðar og
íkornaskott en í þeim eru mjög góð
hár. Einnig eru hrosshár mikið
notuð en hægt er að fá þau í alls
konar blæbrigðum. Það getur verið
allt frá því að vera silkimjúkt yfir í
að vera hart eins og gaddavír,“
útskýrir Björgvin.
Það sem til þarf í fluguhnýtingar
fæst í veiðibúðum, en það er ekki
það eina sem þar er í boði. „Þar
færðu líka alla þá hjálp sem þú
þarft. Þar eru allir boðnir og búnir
að hjálpa þeim sem vilja læra að
hnýta flugur,“ segir Björgvin og
telur hann það vera helsta kostinn
við að fara í fagbúðir. „Þar færðu
þekkingu og getur spurt fagmenn
um allt. En ef þú ferð annað þá vita
menn ekkert hvað þeir eru með í
höndunum.“
Það fyrsta sem lærist í flugu-
hnýtingum er haushnúturinn en
hann er jafnframt það síðasta sem
notað er þegar flugan er hnýtt. „Svo
er hausinn lakkaður og þá festist
flugan betur og verður glansandi
og fín,“ segir Björvin og vill að
lokum benda fólki á að hafa tímann
fyrir sér þegar það pantar flugur,
þar sem það tekur tíma að hnýta
þær. Ef menn hafa áhuga á að læra
fluguhnýtingar er gott að fara í
veiðibúðirnar þar sem menn geta
bent á námskeið og hafa púlsinn á
hlutum í veiðiheiminum.
hrefna@frettabladid.is
Æfingin skapar meistarann
Björgvin segist slaka vel á þegar hann hnýtir flugur og er þetta því í senn tómstunda-
gaman og afslöppun. FRÉTTABLAÐIÐ/ANTON BRINK
Aflinn er misstór og mismikill eftir hverja veiðiferð. Ráðlegt er
að taka með stór ílát ef vel fiskast til að koma aflanum heim.
www.ellingsen.is
Fiskislóð 1 • Sími 580 8500 og Tryggvabraut 1–3, Akureyri • Sími 460 3630
T
B
W
A
\R
E
Y
K
J
A
V
ÍK
\
S
ÍA
\
9
0
8
0
5
4
5
Með LOOP OPTI ZPEY, nýju flugustönginni, verður áreynslan
minni og líkamsbeitingin mun betri sem leiðir af sér margfalt
minna líkamlegt álag, einkum á handleggi, herðar og háls.
Nýtt átak, ný og einfaldari kasttækni, þægilegra hald og mun
sveigjanlegri stöng, allt þetta ásamt draumakringumstæðum
gerir flugustangveiðina engu líka.
Nýja LOOP OPTI ZPEY-flugustöngin er það
sem koma skal.
Byltingarkennd
flugustöng
Nú er rétti tíminn til þess að undirbúa
næsta veiðitímabil. Veiðikortið veitir aðgang að
rúmlega 30 vatnasvæðum vítt og breitt um landið
fyrir aðeins 5000 kr. Frí heimsending þegar verslað
er beint á www.veidikortid.is
Tryggðu þér Veiðikortið í tíma!
Á að veiða
í sumar?