Fréttablaðið - 07.05.2008, Blaðsíða 28
7. MAÍ 2008 MIÐVIKUDAGUR12 ● fréttablaðið ● sjávarútvegur
Margir stangveiðimenn eru
búnir að staðfesta komu sína
á Vestfirði í sumar. Fyrsti hóp-
urinn kom til Flateyrar og Suð-
ureyrar frá Tékklandi 28. apríl
síðastliðinn til þess að stunda
sjóstangaveiði. Fjórtán voru í
þessum fyrsta hópi en alls eru
fimmtán hundruð sjóstanga-
veiðimenn búnir að staðfesta
komu sína.
Ferðaþjónustufyrirtækið
Hvíldarklettur býður upp á
þessa þjónustu og tekur á móti
gestunum. Fyrirtækið hefur
verið að byggja upp þjónustu
sína síðastliðin sjö ár. „Við
erum með þessa þjónustu á
bæði Suðureyri og Flateyri. Þar
erum með veitinga- og verslun-
arrekstur, en sjóstangaveið-
in er okkar stærsta verkefni
til þessa,“ útskýrir Elías Guð-
mundsson, framkvæmdastjóri
fyrirtækisins.
„Við byrjuðum að þróa sjó-
stangaveiðiverkefnið 2005 og
fyrsti hópurinn kom í fyrra. Við
sjáum fólkinu fyrir húsnæði og
bátum og það dvelur hér í viku-
tíma. Það er örlítil aukning frá
því í fyrra, en þeir sem koma
eru miklir veiðiáhugamenn
og því snýst allt um veiðina.
Hvíldarklettur sér einnig um
skipulagðar ferðir um svæð-
in sem hóparnir geta nýtt sér.“
Nánar á www.fisherman.is. - kka
Spennandi sumar fram
undan í sjóstangaveiði
Þeir eru oft stórir fiskarnir sem eru
veiddir.
Stoltir veiðimenn með bráð sína. MYND/FISHERMAN.IS
Íslenska vitafélagið er félag
sem hefur það markmið að
vekja almenning til umhugs-
unar um þann menningararf
sem Íslendingar eiga við
strendur landsins.
„Fáir eru ríkari af strandmenn-
ingu en við Íslendingar því við
erum eyja,“ segir Sigurbjörg
Árnadóttir, stofnandi og formað-
ur Íslenska vitafélagsins, sem var
stofnað 2003. „Það sem okkur lang-
ar mest til að gera nú er að búa til
dag íslenskrar strandmenningar
í samvinnu við sjómannafélögin.
Það yrði fyrsti laugardagur í júní
við hliðina á sjómannadeginum.
Þetta verður til að efla þann dag
svo hann lognist ekki út af og ein
allsherjar strandmenningarhátíð
haldin á öllu landinu.“
Hugmyndina að félaginu segir
Sigurbjörg hafa kviknað þegar
hún starfaði í ferðamannaiðnaði
erlendis. „Mér var sífellt bent á
að fara með útlendinga upp á há-
lendi, en þar var ég svo spurð
hvernig Íslendingar lifðu, hvernig
þeir bjuggu áður og hver menn-
ing þeirra væri. En Íslendingar
bjuggu ekki uppi á fjöllum. Við
bjuggum við ströndina og lifð-
um á sjónum alveg frá landnámi
og landnámsmennirnir voru að
leita að veiðimiðum en ekki bara
búsældarlegum dölum.“
Sigurbjörg bætir við að sér-
staða íslensku vitanna hafi verið
sú að bændur í námunda við þá
hafi sinnt þeim. Erlendis hafi hins
vegar tveir vitaverðir oft búið í
vitunum og stundað sinn sjálfs-
þurftarbúskap. „Þar eru þeir nú
nýttir undir menningarmiðstöðv-
ar, listamiðstöðvar, kaffihús og svo
framvegis. Þeir eru einnig nýttir
sem gististaðir fyrir ferðamenn og
þetta er gert úti um alla Evrópu. Á
Íslandi eru ekki margir vitar opnir
almenningi í dag nema Galtarviti
og Hornbjargsviti, sem er vinsæll
gististaður á Íslandi.“
Sigurbjörg segir Íslendinga hins
vegar duglega við að þurrka burt
strandmenninguna sem segir sögu
okkar. Þeir séu hræddir við speg-
ilmynd sína, en ef þjóð þekki ekki
eigin uppruna sé hún illa stödd.
Hún rekur það til minnimáttar-
kenndar að vilja ekki hampa þess-
um menningararfi, þar sem sagan
er samofin fátækt og basli. „Öldum
saman bjó fólk sem stundaði sjó-
inn við sult og vosbúð. Við höfum
ekki viðhaldið gömlu verbúðunum
og þurrkað þær út, eyðilagt varirn-
ar og upprunalegar strandir, sótt
jarðýtu og sópað burt. Við höfum
búið til mannvirki og uppfyllingar
og nú eru ekki einu sinni strandir
við bæina.“
Sigurbjörg og meðlimir félagsins
vilja snúa þessu við og nýta menn-
ingararfleifðina við strendur lands-
ins til uppbyggingar og nýsköpun-
ar, meðal annars með ofangreindri
hátíð. Þeim finnst líka vanta kaffi-
hús, veitingastaði og hótel við sjáv-
arbakka og benda til dæmis á Berg-
en í Noregi, þar sem sjórinn og
fiskurinn eru eitt helsta aðdráttar-
aflið. „Ég er þess fullviss að ef við
lærum að virða okkar menningar-
arf geta útnárar þessa lands orðið
eitt mesta aðdráttarafl ferðaþjón-
ustunnar og þar með haft gríðar-
leg áhrif á atvinnuuppbyggingu og
byggðaþróun í landinu.“ - nrg
Menningararfleifð nýtt í
uppbyggingu og nýsköpun
Sigurbjörg Árnadóttir er þess fullviss að útnárar landsins geti orðið eitt mesta
aðdráttaraflið í ferðaþjónustu. Hér stendur hún við vitann á Svalbarðseyri.
FRÉTTABLAÐIÐ/HEIDA.IS