Fréttablaðið - 22.05.2008, Blaðsíða 2

2 22. maí 2008 FIMMTUDAGUR
Kveðst á hrakhólum
með einkaþotu sína
Róbert Wessmann, forstjóri Actavis, er á hrakhólum á Reykjavíkurflugvelli með
einkaþotu fjárfestingarfélags síns. Ósk Róberts um byggingu tvö þúsund fer-
metra flugskýlis er óafgreidd. Fleiri eru í sömu sporum með einkaþotur sínar.
BAUGSMÁL Kostnaður dómsmála-
ráðuneytisins við embætti setts
ríkissaksóknara í Baugsmálinu
nálgast nú 67 milljónir króna.
Málinu lýkur með dómi Hæsta-
réttar á næstunni, vísi hann því
ekki aftur í héraðsdóm.
Dómsmálaráðherra skipaði
Sigurð Tómas Magnússon settan
saksóknara í málinu eftir að sak-
sóknari efnahagsbrota hjá Ríkis-
lögreglustjóra sagði sig frá því í
október 2005.
Fréttablaðið óskaði eftir upp-
lýsingum um kostnað sem fallið
hefur til hjá embættinu. Í upp-
lýsingum frá dómsmálaráðu-
neytinu kemur fram að kostnað-
urinn er kominn í 66,9 milljónir
króna.
Mestur hluti kostnaðarins er
fyrir launagreiðslur saksóknara
og aðstoðarmanna, alls um 56,9
milljónir króna. Kostnaður við
aðkeypta sérfræðiþjónustu nam
um 7,2 milljónum króna.
Kostnaður við prentun, póst,
auglýsingar og flutninga nam
alls um 1,4 milljónum króna.
Símakostnaður nam 781 þúsund
krónu, og keyptar voru skrif-
stofuvörur og önnur áhöld fyrir
350 þúsund krónur.
Eftir því sem næst verður
komist hefur ríkið til þessa verið
dæmt til að greiða í það minnsta
um 107 milljónir króna fyrir
málskostnað ákærðu í málinu.
Í svari dómsmálaráðherra á
Alþingi í mars 2007 kom fram að
um fimmtungur af starfsemi
efnahagsbrotadeildar Ríkislög-
reglustjóra hefði farið í Baugs-
málið frá ágúst 2002 til ársloka
2006.
- bj
Ráðuneyti gefur upp kostnað við embætti setts ríkissaksóknara í Baugsmálinu:
Kostnaður nálgast 67 milljónir
SIGURÐUR TÓMAS Málskostnaður sem
dómstólar hafa dæmt á ríkið í Baugs-
málinu öllu nemur í það minnsta 107
milljónum króna. FRÉTTABLAÐIÐ/GVA
SKIPULAGSMÁL Róbert Wessmann,
forstjóri Actavis, vill fá að byggja
tvö þúsund fermetra flugskýli á
Reykjavíkurflugvelli. Segist hann
þurfa aðstöðu fyrir tvær einka-
þotur fjárfestingarfélags síns,
Salt Investments.
Bæði flugmálayfirvöldum og
borgaryfirvöldum hefur borist
formleg beiðni um flugskýlið frá
Salt Investments. Einnig hafa
fulltrúar félagsins rætt málið við
embættismenn.
„Eins og kom fram á fundi með
flugvallarstjóra hefur Salt Invest-
ments haft Hawker-einkaþotu á
Reykjavíkurflugvelli í talsverðan
tíma en er nú að undirbúa komu
annarrar einkaþotu til viðbótar,“
segir Róbert Wessmann í bréfi til
Flugstoða ohf. þar sem óskin um
flugskýlið er sett fram og óskað
eftir skjótri afgreiðslu.
Þá hefur Salt Investments einn-
ig sent skipulagsyfirvöldum í
Reykjavík erindi. „Við hjá Salt
Investments höfum verið á hrak-
hólum með að koma flugvél okkar
í skjól seinustu árin og höfum
verið í sambandi við flugvallaryf-
irvöld um lausn okkar mála,“
segir í bréfi sem Matthías Frið-
riksson skrifar undir fyrir hönd
Salt Investments.
Í samtali við Fréttablaðið segir
Matthías að í raun eigi Salt Invest-
ments enga flugvél. Hins vegar
leigi félagið stundum vélar sem
hópur manna, sem tengdir séu
félaginu viðskiptaböndum, hafi
aðgang að. Matthías segir að þess-
ar vélar þurfi að þjónusta og til
þess þurfi aðstöðu. Í því skyni
hafi verið stofnað félagið Salt
Aviation sem annist þessa þjón-
ustu fyrir ýmsa aðila. Hann segir
marga fleiri á hrakhólum með
flugvélar sínar á Reykjavíkur-
flugvelli.
Á fundi sem Jón Baldvin Páls-
son flugvallarstjóri átti með full-
trúum Salt Investments benti
hann að þeirra sögn á að í skipu-
lagi Reykjavíkurflugvallar er
gert ráð fyrir þremur nýjum flug-
skýlum við sunnanverðan völlinn,
austan íbúabyggðarinnar í Skerja-
firði. Í umsögn embættis skipu-
lagsfulltrúans í Reykjavík um
umsókn félagsins segir að ekki sé
tekin afstaða til hvaða fyrirtæki
fái úthlutað byggingarrétti á flug-
vallarsvæðinu.
gar@frettabladid.is
RÓBERT
WESSMANN
Eigandi Salt
Investments.
HAWKER-EINKA-
ÞOTA Rúmt er
um farþega í
einkaþotum af
Hawker-gerð.
REYKJAVÍKURFLUGVÖLLUR Við suðurenda flugvallarins hefur verið gert ráð fyrir
þremur nýjum flugskýlum á svæði sem hér er afmarkað með rauðum lit og er
austan íbúabyggðarinnar í Skerjafirði. MYND/LOFTMYNDIR EHF.
Akureyri
Vík
Egilsstaðir
Selfoss
Hveragerði
Hafnarfjörður
Neskaupstaður
Grundarfjörður
Stykkishólmur
Súðavík
Ísafjörður
Akranes
Njarðvík
Sandgerði
Hreðavatnsskáli
Reykjavík
Þú sparar á Orkustöðvunum
Net Orkustöðvanna umhverfis landið þéttist sífellt til enn frekari
hagsbóta fyrir almenning. Kynntu þér hvar Orkustöðvarnar eru og
hvað bensínið er ódýrt þar.
SPÁÐU Í HVAÐ ÞÚ SPARAR!
www.orkan.is
D
Y
N
A
M
O
R
E
Y
K
JA
V
IK
FÉLAGSMÁL Flóttamannanefnd
hefur ekki tekið ákvörðun um
það hvort sextíu palestínskir
flóttamenn, sem væntanlegir eru
til landsins í haust, muni setjast
að á Akranesi eins og til hefur
staðið. Guðrún Ögmundsdóttir,
formaður nefndarinnar, segir að
það verði ekki ákveðið fyrr en að
loknum kynningarfundi með
íbúum á mánudaginn. Viðbrögð
Akurnesinga valdi nefndinni
miklum áhyggjum og erfitt verði
að bjóða flóttafólkinu upp á að
setjast að í bænum verði ekki
breyting þar á.
Mótmælaraddir hafa heyrst í
bænum vegna áformanna eftir
eftir að Magnús Þór Hafsteins-
son, varaborgarfulltrúi Frjáls-
lynda flokksins, lýsti sig andsnú-
inn því að bærinn tæki á móti
þeim. Meðal annars hafa verið
hengdir upp undirskriftarlistar á
fjölförnum stöðum í mótmæla-
skyni.
„Mér finnst þetta ömurleg
staða,“ segir Guðrún. „Viðbrögð-
in valda okkur bæði sárum von-
brigðum og miklum áhyggjum.“
Breytist viðhorf bæjarbúa ekki
verði vart hægt að bjóða flótta-
fólkinu upp á að flytja þangað.
„En ég vona sannarlega að til
þess komi ekki. Við ætlum að
bíða eftir fundinum á mánudag.“
Hún segir að ekki sé hafin leit að
öðrum úrræðum fyrir fólkið. „En
við vitum að það eru önnur sveit-
arfélög tilbúin ef á þarf að
halda,“ segir Guðrún.
- sh
Mótmæli Akurnesinga valda flóttamannanefnd miklum áhyggjum:
Flóttafólkið ekki endilega á Akranes
GUÐRÚN
ÖGMUNDSDÓTTIR
MAGNÚS ÞÓR
HAFSTEINSSON
STJÓRNMÁL Hugsanlegar breyting-
ar á lögum um eftirlaun æðstu
ráðamanna voru ræddar á
sérstökum fundi formanna stjórn-
málaflokkanna í Stjórnarráðshús-
inu á þriðjudag.
Samkvæmt heimildum Frétta-
blaðsins viðruðu Geir H. Haarde
og Ingibjörg Sólrún Gísladóttir
hugmyndir sínar um breytingar á
lögunum og leituðu sjónarmiða
formanna stjórnarandstöðuflokk-
anna.
Í stefnuyfirlýsingu ríkisstjórn-
arinnar segir að eftirlaunakjör
alþingismanna og ráðherra verði
endurskoðuð og meira samræmi
komið á í lífeyrismálum ráða-
manna og almennings. - bþs
Formenn stjórnmálaflokkanna:
Ræddu eftir-
launamálið
FÓLK Loksins er stóra stundin
runnin upp. Laust eftir klukkan
sjö í kvöld reyna Regína Ósk og
Friðrik Ómar að syngja sig inn
í aðalkeppnina á laugardaginn.
„Þetta er búið að vera 150 prósent
á æfingum og svo gefum við 200 í
þetta í kvöld,“ segir Friðrik Ómar.
„En samt gerum við bara það
sem við erum vön. Breytum ekk-
ert mikið út af vananum. Þetta er
bara eins og hver önnur árshátíð í
Reykjavík.“
Búast má við að fáir verði á
götum úti í kvöld þegar Euro-
bandið stígur á svið í kvöld en það
er fyrst í röðinni.
- glh / sjá Eurovisionblað í miðju blaðsins
Eurobandið á svið í kvöld:
Leggja sig 200
prósent fram
FRIÐRIK ÓMAR OG REGÍNA Íslensku
Eurovisionfararnir eru tilbúnir í slaginn
og stíga fyrstir allra á svið í kvöld.
FRÉTTABLAÐIÐ/GVA
Komast ekki á sjúkrahús
Tólf flugvellir í Noregi hafi verið
lokaðir síðustu daga vegna verkfalls
flugvallarstarfsmanna. Tugir þús-
unda farþega hafa ekki komist leiðar
sinnar og hefur neyðarástand skapast,
ekki síst vegna þess að sjúklingar í
afskekktari byggðum komast ekki á
sjúkrahús, að sögn Verdens Gang.
NOREGUR
Sverrir, hefði Stefán ekki
frekar átt að fá úthlutað úr
fýlupokasjóði?
„Jú, hjartanlega sammála. Og rusla-
pokasjóði líka. Og ælupokasjóði, ef
hann er þá til.“
Útgáfa nótna- og söngbókar vinsælustu
laga Sálarinnar hans Jóns míns fékk styrk
úr Pokasjóði verslunarinnar á mánudag.
Stefán Hilmarsson, söngvari sveitarinn-
ar, og Sverrir Stormsker tónlistarmaður
hafa átt í harðvítugum ritdeilum upp á
síðkastið.
SKÁK Skákakademía Reykjavíkur
var stofnuð í gær. Hlutverk
akademíunnar verður að byggja
upp skákíþróttina í höfuðborginni
með sérstakri áherslu á skóla
borgarinnar. Auk þess mun hún
standa árlega að Skákhátíð Reykja-
víkur þar sem hápunktur vikunnar
verður Alþjóðlega Reykjavíkur-
skákmótið sem héðan í frá verður
haldið árlega en ekki á tveggja ári
fresti eins og verið hefur.
Það voru Reykjavíkurborg,
Landsbankinn, Mjólkursamsalan
og Orkuveita Reykjavíkur sem
undirrituðu stofnsamning
Skákakademíunnar í gær. Stofn-
hlutafé er 20 milljónir króna. - kg
Skákakademía Reykjavíkur:
Byggir upp
skák í borginni
SKÁKAKADEMÍA Ólafur F. Magnússon
var fremstur í flokki við undirritun stofn-
samningsins.
DÓMSMÁL Tæplega fimmtugur
maður var í Héraðsdómi Reykja-
víkur í gær dæmdur í fimm
mánaða fangelsi fyrir að hafa
stolið vörum fyrir samtals þúsund
krónur í tveimur verslunum í
borginni. Maðurinn neytti súpu í
10-11 í Austurstræti að verðmæti
250 krónur án þess að greiða fyrir
hana. Þá stal hann koníakslíki að
verðmæti 769 krónur í Hagkaup-
um í Kringlunni.
Maðurinn játaði brot sín en með
brotunum rauf hann skilorð
fjögurra mánaða dóms sem hann
hlaut árið 2005. Auk þess ber
manninum að greiða 185 þúsund
krónur í sakarkostnað. - kh
Héraðsdómur Reykjavíkur:
Í fangelsi fyrir
súpuát í 10-11
SPURNING DAGSINS