Fréttablaðið - 22.05.2008, Blaðsíða 60

36 22. maí 2008 FIMMTUDAGUR
„Ég sá
það fyrst
á visir.is“
24 mörk skoruð í fyrstu
umferð Landsbankadeildarinnar
Visir.is var langfyrstur með mörkin í fyrstu
umferð Landsbankadeildarinnar. Boltavakt visir.is
og Fréttablaðsins verður á öllum leikjum
sumarsins í Landsbankadeild karla. Öll mörk,
spjöld og helstu atriði leikjanna verða í beinni
textalýsingu. Visir.is er öflug frétta- og
upplýsingaveita í stöðugri sókn sem leggur
metnað sinn í að flytja fréttir líðandi stundar
fljótt og örugglega. Fréttir, dægurmál, umræða,
blogg, sjónvarpsfréttir Stöðvar 2 og fréttatengdir
þættir – allt er þetta aðgengilegt á einum stað í
einfaldri umgjörð með skýrri framsetningu.
Notendur vita að hverju þeir ganga þegar þeir
heimsækja visir.is.
UMRÆÐAN
Róbert Marshall skrifar
um fréttaflutning
Fréttastofa Stöðvar 2 hefur að undanförnu
talið niður í þinglok og
minnt á hverjum degi á
það kosningaloforð Sam-
fylkingarinnar að færa
eftirlaunafyrirkomulag
alþingismanna og ráð-
herra til jafns við það sem almennt
gerist í landinu. Mikilvægt er að
almenningur geri sér grein fyrir
því að hingað til hefur það ekki
talist hlutverk fjölmiðla í hinum
vestræna heimi að láta stjórn-
málaflokka efna loforð sín. Það
hefur hins vegar talist hlutverk
þeirra að greina frá því
þegar það er ekki gert.
Þegar loforð eru svikin,
þá er það frétt.
Hefur einhver svikið?
Af hverju er þetta frétt?
Það er grundvallar-
spurningin sem rit-
stjórnir spyrja sig áður
en frétt er send út eða
birt. Og ef svarið er að
fréttin sé upplýsandi,
forvitnileg og eigi erindi við
almenning þá er hún send út.
Vissulega er það fréttnæmt að
ekki sé búið að efna fyrrnefnt lof-
orð. En staðreyndin er líka sú að
enginn hefur svikið það heldur.
Þess er getið í stjórnarsáttmála
ríkisstjórnarinnar að eftirlauna-
kjör alþingismanna og ráðherra
verði endurskoðuð. Undirritaður
er jafnframt einn af meðflutnings-
mönnum á frumvarpi Valgerðar
Bjarnadóttur um breytingar á líf-
eyrisósómanum. Það er sumsé
vilji til þess að gera á þessu breyt-
ingar og það verður gert hvort
sem fréttastofu Stöðvar 2 hugnast
tímasetningin eður ei.
Frétt eða skoðun
Þegar sama fréttin er sögð kvöld
eftir kvöld þá er ekki hægt að
draga aðra ályktun en þá að verið
sé að knýja á um breytingar. Þar
með lýkur hefðbundnu hlutverki
fréttastofu og hún verður að áróð-
urstæki. Dagblöð leysa þetta með
því að skipta sinni útgáfu í leiðara-
síður annars vegar og fréttasíður
hins vegar en mér er ekki kunnugt
um að fréttastofur ljósvakamiðla,
nokkurs staðar í heiminum, hafi
sérstakar skoðanamínútur þar
sem fréttastjórinn heldur fram
sinni pólitík. Ætlar fréttastjórinn
að slá til veislu þegar loforð um
eftirlaunin hefur verið efnt? Ætlar
hann að ávarpa áhorfendur sína
og greina frá því að nú hafi frétta-
stofu Stöðvar 2 tekist að láta ríkis-
stjórnina framkvæma stefnumál
sín sem hún hefði örugglega svik-
ið ef fréttastofan hefði ekki minnt
hana á þau daglega?
Þátttakendur í atburðarás
Samskipti stjórnmálamanna og
fréttamanna þurfa að vera í góðu
lagi. Það vita þeir sem hafa gegnt
stöðu fréttamanns og það vita þeir
sem hafa gegnt stöðu aðstoðar-
manns ráðherra eða, segjum, upp-
lýsingafulltrúa forsætisráðherra.
Svona vinnubrögð bæta þau ekki,
auk þess sem trúverðugleiki
fréttastofunnar hefur af þessu
borið meiri skaða en tillögur um
eggjakast í beinni gerðu. Eggja-
kastið, ef af hefði orðið, hefði gert
fréttamann stöðvarinnar að þátt-
takanda í atburðarásinni, sem allir
eru sammála um að sé ekki boð-
legt. Það eru aðeins um það bil tíu
mánuðir frá því Steingrímur
Ólafsson, fyrrverandi upplýsinga-
fulltrúi Halldórs Ásgrímssonar,
sem einmitt setti eftirlaunalögin,
varð fréttastjóri á Stöð 2. Nú hefur
honum tekist að gera fréttastofu
sína að þátttakanda í atburða-
rásinni um eftirlaunalögin. Og það
er í lagi?
Höfundur hefur verið
varaþingmaður
Samfylkingarinnar í 375 daga.
Eggjakast í beinni
RÓBERT MARSHALL
UMRÆÐAN
Sigurður Eyþórsson skrifar um mat-
vælalöggjöf
Fyrir Alþingi liggur frumvarp ríkis-stjórnarinnar um innleiðingu á
matvælalöggjöf Evrópusambandsins.
Frumvarpið hefur mætt víðtækri andstöðu
innan landbúnaðarins, aðallega vegna þess
að mörgum spurningum varðandi það er
ósvarað.
Í fyrsta lagi eru reglugerðir með
frumvarpinu ekki tilbúnar, né heldur
gjaldskrár sem því eiga að fylgja. Í frumvarpinu
fær sjávarútvegs- og landbúnaðarráðherra
heimildir til að setja fjöldamargar reglugerðir sem
munu ráða miklu um hvernig bændur og aðrir
matvælaframleiðendur eiga að starfa. Þessar reglu-
gerðir eru ekki tilbúnar. Þess má geta að þegar
Norðmenn innleiddu þessa löggjöf fyrir nokkrum
árum voru reglugerðirnar lagðar fram til kynning-
ar með frumvarpinu sjálfu. Jafnframt er verið að
auka eftirlit á ýmsum sviðum og þar með eftirlits-
gjöld. Ekkert liggur fyrir um hver þau gjöld verða.
Það er ekki hægt að ætlast til þess að atvinnugrein
skrifi upp á löggjöf þar sem eftir er að útfæra
fjölmörg mikilvæg atriði og engar upplýsingar
liggja fyrir um kostnað.
Innlend framleiðsla og sanngirni á markaði
Í öðru lagi er óljóst hvort innlend framleiðsla fær
að njóta sanngirni á markaði eftir þessar breyting-
ar. Fákeppni ríkir á smásölumarkaði með matvörur
hérlendis og fyrirtækin sem eru ráðandi flytja inn
mikið magn af vörum sjálf. Verslunin hefur rétt til
að skila því sem ekki selst af innlendri búvöru þ.e.
birgjar hennar bera allt tjónið sem af því hlýst.
Líklegt er að aukinn innflutningur verði að mestu
leyti í höndum verslunarinnar sjálfrar, en hún
hefur ekki möguleika á að skila vörum til erlendra
birgja. Það er því ekki víst að verslunin verði mjög
áhugasöm að bjóða neytendum upp á íslenska vöru,
jafnvel þó þeir vildu gjarnan kaupa hana í ljósi
þess að hún getur ekki skilað þeirri erlendu. Í
fullkominni samkeppni myndi slíkt ekki gerast en
þær aðstæður eru bara ekki uppi hérlendis. Verð
mun örugglega lækka í byrjun en ólíklegt er að það
verði lengur en í þann tíma sem það tekur
að ryðja innlendu framleiðslunni af
markaðnum. Eða er innflutt matvara sem
ekki er framleidd hér á sérstaklega góðu
verði? Ekki liggur fyrir hvort samkeppnis-
yfirvöld hafa nauðsynleg úrræði til að
fylgjast með þessu og bregðast við.
Í þriðja lagi eru fáar tryggingar í boði til
að vernda hina góðu sjúkdómastöðu
innlendra búfjárstofna. Sú staða er mjög
góð í ljósi einangrunar þeirra. Hér hefur
tekist að halda mörgum skæðum sjúkdóm-
um frá landinu og útrýma öðrum eins og
t.d. mæðiveiki í sauðfé. Í frumvarpinu
kemur fram að semja eigi um sérstaka tryggingu
vegna salmónellu en ekki annarra sjúkdóma. Of
langt mál yrði að telja alla þá búfjársjúkdóma sem
gætu valdið hættu eða tjóni hér en nefna mætti
kúariðu, gin- og klaufaveiki og blátungu. Ekki
liggur fyrir hvort möguleiki er á því að semja um
fleiri sérstakar tryggingar eða hvort möguleiki er
á því.
Efnahagsleg áhrif
Í fjórða lagi hefur engin tilraun verið gerð til að
meta efnahagsleg áhrif þessara laga á innlenda
matvælaframleiðslu í heild. Innflutningur á hráu
kjöti verður heimilaður en hingað til hefur þurft að
frysta það í a.m.k. 30 daga til þess að flytja megi
það inn. Tollar eru í sumum tilvikum lægri á hráu
kjöti en frystu auk þess sem aukinn innflutningur
mun líklega hafa veruleg áhrif á markaðinn eins og
áður hefur verið nefnt. Þúsundir manna hafa
lífsviðurværi sitt af framleiðslu og úrvinnslu
landbúnaðarafurða, sérstaklega í hinum dreifðari
byggðum. Þegar aflamark í þorski var skorið niður
um þriðjung á síðasta ári var farið í umfangsmikl-
ar mótvægisaðgerðir til að mæta því. Það er
lágmarkskrafa að við þessar breytingar í landbún-
aði sé farið skipulega yfir hvaða áhrif þær gætu
haft og brugðist við í samræmi við það. Slík
yfirferð liggur ekki fyrir.
Það er því ákaflega margt óljóst um málið og
útilokað að svara því öllu ef ætlunin er að afgreiða
málið nú á vorþingi.
Höfundur er framkvæmdastjóri Landssamtaka
sauðfjárbænda.
Ekki bara hrátt kjöt
SIGURÐUR
EYÞÓRSSON
UMRÆÐAN
Hanna Lára Steinsson
skrifar um aðbúnað
heilabilaðra
Í Fréttablaðinu þann 15. maí birtist grein sem
sagði frá „opnun“ átján
rúma deildar á Landakoti
fyrir fólk með heilabilun.
Deildin verður rekin af
hjúkrunarheimilinu
Grund. Rætt var um að þetta væru
„gleðileg“ tíðindi og að opnun
deildarinnar myndi létta álagi af
LSH vegna aldraðra sem væru
staðsettir á dýrum bráðadeildum
að óþörfu.
Hið rétta er að þessi deild á
Landakoti hefur verið starfandi
með sama sniði frá árinu 1996 og
þar starfaði ég um langa hríð.
Henni var lokað 1. mars síðastlið-
inn í sparnaðarskyni og starfsemin
boðin út. Þetta er því hreint engin
viðbót varðandi þjónustu við þenn-
an hóp, heldur var farið illa með
sjúklinga og aðstandendur með
lokun deildarinnar og svo er hún
opnuð aftur með sama fyrirkomu-
lagi nokkrum mánuðum
síðar.
Það eru rúmlega 3.000
Íslendingar með heilabil-
unarsjúkdóma eins og
Alzheimerssjúkdóm.
Aukningin verður gríð-
arleg á næstu árum og
áratugum þar sem stórir
árgangar aldraðra eru
væntanlegir og lífaldur
er stöðugt að hækka.
Árið 2030 er áætlað að
fólk með heilabilun hér á
landi verði 5.500 að tölu. Engar
áætlanir eru uppi um að mæta
þessari aukningu af hálfu yfir-
valda, sem er mótsögn við það sem
yfirvöld í nágrannalöndunum eru
að gera.
Bjarmalundur er einkarekið fyr-
irtæki sem vinnur að því að auka
og bæta þjónustu við fólk með
heilabilun og aðstandendur þeirra.
Stefna Bjarmalundar er að koma
með ný úrræði og mæta sjúkling-
um og aðstandendum þar sem þeir
eru staddir á hverjum tíma, en
sjúkdómsferlið tekur að meðaltali
10-12 ár. Nýlega vann Bjarmalund-
ur þriðju verðlaun í frumkvöðla-
keppni Innovit. Hægt er að sjá
frétt um það á ýmsum vefsíðum
eins og bjarmalundur.is, bifrost.is,
innovit.is og alzheimer.is. Í fyrstu
tveimur sætunum voru hugmyndir
varðandi tölvugeirann, en yfir 100
manns tóku þátt.
Flestir þekkja til einhvers
nákomins sem hefur fengið heila-
bilun af einhverju tagi. Enn í dag
er feimnismál að ræða þessa sjúk-
dóma vegna þess að engin lækning
er til. Hins vegar er svo margt
hægt að gera til þess að létta undir
og bæta lífsgæðin. Það þarf ein-
ungis að opna augun og leita aðstoð-
ar.
Höfundur er framkvæmdastjóri
Bjarmalundar.
Skrípaleikur
HANNA LÁRA
STEINSSON
Þetta er því hreint engin viðbót
varðandi þjónustu við þennan
hóp, heldur var farið illa með
sjúklinga og aðstandendur með
lokun deildarinnar og svo er
hún opnuð aftur með sama
fyrirkomulagi nokkrum mán-
uðum síðar.
...ég sá það á visir.is