Fréttablaðið - 22.05.2008, Blaðsíða 22
22 22. maí 2008 FIMMTUDAGUR
FRÉTTASKÝRING: Prófkjör demókrata í Bandaríkjunum
Kvóti hefur nú verið gefinn út á fjörutíu hrefnur, þrátt fyrir mótmæli erlendra
ríkja og náttúruverndarsamtaka. Meðal þeirra samtaka sem hafa beitt sér
gegn hvalveiðum Íslands eru Sea Shepherd, undir forystu hins alræmda Paul
Watson. Samtökin hótuðu að senda skip sín á Íslandsmið í fyrra, kæmi til
frekari langreyðaveiða, en af því varð ekki.
Hver er saga samtakanna?
Sea Shepherd urðu til árið 1977, þegar Paul Watson sagði skilið við Green-
peace. Formlega voru samtökin þó ekki stofnuð fyrr en árið 1981. Ástæða
þess að Watson taldi sig ekki eiga samleið með Greenpeace lengur var sú að
hann vildi að náttúruverndarsinnar gripu til beinna aðgerða, sem félagar hans
í Greenpeace sættu sig ekki við.
Upphaflega einbeittu samtökin sér að sjávarspendýrum, en í dag beita þau
sér í málum allra sjávardýra.
Sea Shepherd fá styrki frá bæði fyrirtækjum og einstaklingum. Samtökin
halda úti þremur skipum sem sigla þangað sem þörf krefur.
Hvers konar aðferðum beita þau?
Íslendingar þekkja Sea Shepherd eflaust helst vegna þess að meðlimir sam-
takanna, þar á meðal Watson sjálfur, sökktu hvalbátunum Hval 6 og Hval 7
við bryggju í Reykjavík í nóvember 1986. Watson var handtekinn en ekki sótt-
ur til saka. Hann var sendur úr landi og er óheimilt að koma aftur til Íslands.
Þetta voru hvorki fyrstu né síðustu hvalveiðiskipin sem meðlimir samtak-
anna sökktu. Frá árinu 1979 til 1998 er talið
að þeir hafi sökkt samtals tíu hvalveiði-
skipum.
Sea Shepherd samtökin eru einnig
þekkt fyrir að beita sér gegn selkópa-
drápum kanadískra veiðimanna, og
selveiðum almennt.
Á síðari árum hafa samtökin einkum
barist gegn japanska hvalveiðiflotanum í
suðurhöfum. Eins og áður láta meðlimir
samtakanna sér ekki nægja að fylgjast
með, heldur hafa meðal annars siglt
í veg fyrir hvalveiðiskip og slett
sýru á dekk skipanna.
FBL-GREINING: SEA SHEPHERD
Vilja beinar aðgerðir til
varnar öllum sjávardýrum
Eitt frægasta málverk allra tíma,
„Ópið“ eftir norska málarann Edvard
Munch, verður í þessari viku aftur
aðgengilegt listunnendum, fjórum
árum eftir að því var stolið úr Munch-
safninu í Ósló.
Listaverkinu var stolið um hábjartan
dag þann 22. ágúst 2004, ásamt öðru
frægu verki Munchs, Madonnu. Rúmu
ári síðar tókst lögreglu að hafa aftur
uppi á málverkunum, en þau höfðu
skemmst talsvert í meðförum þjófanna
og hefur verið unnið að viðgerðum
síðan. Skemmdirnar eru þó enn greini-
legar þrátt fyrir viðgerðirnar.
Þjófarnir tveir hafa þegar verið
dæmdir og fangelsaðir.
- aa
Munch-safnið í Ósló:
Ópið til sýnis á ný
ÓPIÐ Vatnsskemmd sést í neðra
vinstri horninu. NORDICPHOTOS/AFP
Barack Obama hefur
tryggt sér meirihluta
kjörinna fulltrúa á lands-
þingi Demókrataflokksins
í haust. Hillary Clinton
stendur þó fast á því að
ofurfulltrúarnir svonefndu
geti enn tryggt henni sigur.
„Þið hafið fært okkur nær útnefn-
ingu Demókrataflokksins,“ sagði
Obama við stuðningsmenn sína í
Iowa á þriðjudagskvöld. Þangað
var hann kominn að kvöldi enn
eins prófkjörsdagsins, þegar
kjósendur í Oregon og Kentucky
höfðu fært honum rúmlega fjöru-
tíu kjörmenn til viðbótar.
Eftir prófkjörin í Oregon og
Kentucky er Obama kominn með
meirihluta kjörinna landsfundar-
fulltrúa, en sá meirihluti dugar
honum ekki til meirihluta þegar
forsetaefni flokksins verður
kosið því landsfundinn sitja
nærri 800 ofurfulltrúar, sem geta
varið atkvæði sínu að vild, ólíkt
kjörnu fulltrúunum sem eru
bundnir af niðurstöðu prófkjar-
anna.
En þótt Hillary Clinton hafi
fengið nærri 60 kjörmenn sam-
tals út úr prófkjörunum á þriðju-
daginn, þá dugar það henni held-
ur engan veginn til að ná upp
nærri tvö hundruð kjörmanna
forskoti Obama.
Ætlar að berjast til þrautar
Clinton hefur margoft lýst því
yfir að hún ætli að halda áfram
baráttunni þangað til prófkjörum
í öllum ríkjum Bandaríkjanna er
lokið. Nú eru aðeins þrjú ríki
eftir: Hinn 1. júní verður kosið
um 55 kjörmenn í Púertó Ríkó og
tveimur dögum síðar verður
kosið bæði í Montana, þar sem 16
kjörmenn eru í boði, og Suður-
Dakota, þar sem kjörmennirnir
eru 15.
„Ég er staðráðnari í því en
nokkru sinni að sjá til þess að
hvert einasta atkvæði verði greitt
og hver einasti kjörseðill talinn,“
sagði hún síðast í gær, eftir að
hafa unnið nokkuð stóran sigur á
Obama í Kentucky.
Baráttan um ofurkjörmennina
Innan við hálfur mánuður er
þangað til síðustu prófkjörunum
lýkur og þá tekur við baráttan
um ofurkjörmennina. Nærri þrír
fjórðu þeirra hafa reyndar nú
þegar gefið upp afstöðu sína og
styðja nú 303 þeirra Obama en
272 Clinton. Jafnvel síðustu vik-
urnar, þegar Clinton hefur unnið
fleiri sigra í prófkjörum en
Obama, hefur forskot hans gagn-
vart Clinton meðal ofurfulltrú-
anna aukist jafnt og þétt.
Bandaríska dagblaðið New
York Times veltir því fyrir sér
hvers vegna Clinton hafi ekki
gefið eftir og hætt baráttunni,
sem nú virðist vera gjörsamlega
töpuð.
Clinton hefur haldið því fram
nýverið að það sé kannski kyn-
ferði hennar frekar en kynþátta-
fordómar sem hafi áhrif í baráttu
hennar við Obama. Samkvæmt
New York Times telja ráðgjafar
hennar að með því að halda bar-
áttunni áfram til þrautar geti hún
sýnt stuðningsfólki sínu, ekki síst
ungum konum, að hún gefist ekki
svo auðveldlega upp og láti ekki
ráðskast með sig.
Flórída og Michigan
Hún hefur farið fram á að kjör-
menn í Flórída og Michigan fái að
greiða atkvæði á landsfundinum.
Fái Flórída og Michigan að vera
með á landsfundinum mun það
vissulega bæta stöðu hennar, en
dugar henni þó ekki til sigurs.
Það eina sem getur í raun bjarg-
að henni er að ofurfulltrúarnir
skipti um skoðun fyrir landsfund-
inn, segi skilið við Obama og snú-
ist á sveif með henni.
Til þess að sú verði raunin þarf
þó eitthvað að gerast sem varpar
rýrð á Obama – eða að Clinton
takist með einhverjum hætti að
efla trú þeirra á sér á lokasprett-
inum, sem nú er að hefjast.
Clinton í Hæstarétt?
Baráttan um ofurfulltrúana gæti
því orðið hörð og hún gæti þess
vegna staðið í tæpa þrjá mánuði,
eða allt fram að landsþingi flokks-
ins sem verður ekki fyrr en í lok
ágúst.
Engar líkur eru til þess, eins og
staðan er nú, að Obama muni
hætta baráttunni, þannig að
spurningin nú er kannski helst sú
hvort Clinton geti fundið sér ein-
hverja leið til þess að hætta bar-
áttunni með reisn. Eða í það
minnsta hvort þau tvö geti komið
sér saman um framhaldið, þannig
að stuðningsmenn beggja geti
tekið höndum saman eftir að hún
stígur út.
Pistlahöfundur á leiðarasíðu
dagblaðsins Washington Post
stingur upp á því að Obama gæti
lofað Clinton því að gera hana að
hæstaréttardómara, ef staða þar
losnar á kjörtímabilinu.
Obama mjakast æ nær
Í HÓPI STUÐNINGSMANNA Barack Obama gekk á þriðjudagskvöld á fund stuðningsmanna sinna í Iowa, ríkinu sem í byrjun
kosningabaráttunnar tryggði honum það forskot sem dugað hefur síðan. NORDICPHOTOS/AFP
FRÉTTASKÝRING
GUÐSTEINN BJARNASON
gudsteinn@frettabladid.is
ÓVISSA UM FRAMHALDIÐ Bill Clinton, fyrrverandi forseti, fylgist með ræðu eigin-
konu sinnar, Hillary, ásamt dóttur þeirra Chelsea, á fundi í Kentucky á þriðjudags-
kvöld. Þar vann Hillary stórsigur, sem dugar henni þó engan veginn til að tryggja
sér útnefninguna. NORDICPHOTOS/AFP
Forsetaefni Demókrataflokksins
verður kosið á landsþingi flokksins,
sem haldið verður í lok ágúst í
Colorado.
Kosningarétt hafa 4.050 lands-
fundarfulltrúar. Af þeim eru 3.253
kosnir í prófkjörum um land allt, en
797 eru forystumenn flokksins sem
geta varið atkvæði sínu að vild.
Obama hafði í gær tryggt sér
1.962 atkvæði, þar af atkvæði
1.650 kjörinna fulltrúa og stuðn-
ingsyfirlýsingu 309 óbundinna
kjörmanna.
Clinton hefur tryggt sér 1.779
atkvæði, þar af atkvæði 1.499
skuldbundinna kjörmanna og
stuðningsyfirlýsingu frá 280 ofur-
kjörmönnum.
KJÖRMENNIRNIR
H
im
in
n
o
g
h
af
/
S
ÍA
Vantar þig
aukapening?
Pósthúsið leitar að duglegu og morgunhressu fólki
til að bera út blöð milli 6 og 7 á morgnana. Um er
að ræða holla og hressandi útiveru, annars vegar á
virkum dögum og hins vegar um helgar.
Njóttu þess að taka daginn snemma, hreyfðu þig og
fáðu borgað fyrir það.
Allar nánari upplýsingar veitir dreifingardeild
Pósthússins í síma 585 8330. Einnig er hægt að
sækja um á www.posthusid.is
– ódýrari valkostur
Pósthúsið ehf | Suðurhrauni 1 | 210 Garðabæ | Sími: 585 8300 | posthusid.is
Pósthúsið er ungt og öflugt
dreifingarfyrirtæki á sviði
blaða- og vörudreifingar.
Hjá Pósthúsinu starfa um
sjöhundruð manns að
uppbyggingu á fjölbreyttum
og skemmtilegum vettvangi.