Fréttablaðið - 27.05.2008, Blaðsíða 10
27. maí 2008 ÞRIÐJUDAGUR
STJÓRNMÁL Þingflokkur Vinstri grænna leggur til að
hafinn verði undirbúningur að nauðsynlegum
lagabreytingum til að mögulegt verði að innkalla
aflaheimildir frá núverandi handhöfum.
„Ef við hugsum þetta út frá venjulegum afskriftar-
tíma fjárfestinga […] held ég að það sé alveg ljóst að
20 ára innköllun, sem fer rólega af stað, fullnægi
meðalhófssjónarmiðum í þessum efnum,“ sagði
Steingrímur J. Sigfússon, formaður Vinstri grænna,
á fundi með fjölmiðlafólki í gær.
Gert er ráð fyrir því að taka tvö prósent af
aflaheimildunum á ári fyrstu fimm árin. Auk þess
verði heimildunum endurúthlutað, svo eitthvað komi
aftur í staðinn.
Steingrímur segist ekki telja að þeir sem eiga
fiskveiðikvóta í dag muni eiga rétt á skaðabótum, nái
tillögur VG fram að ganga. Aðgerðir verði með
meðalhóf og sanngirni að leiðarljósi.
Forystumenn Vinstri grænna kynntu í gær tillögu
flokksins að svari til mannréttindanefndar Samein-
uðu þjóðanna. Nefndin komst að þeirri niðurstöðu að
íslenska fiskveiðistjórnunarkerfið bryti í bága við
samning um borgaraleg og stjórnmálaleg réttindi og
jafnrétti allra manna. Frestur stjórnvalda til að
svara nefndinni rennur út 11. júní.
Ein af tillögum VG gengur út á að þeir sem leigi
kvóta missi hluta leigðra aflaheimilda, til dæmis
fimm prósent, þegar úthlutað er að nýju á næsta
fiskveiðiári.
„Það að leigja frá sér veiðiheimildir er yfirlýsing
um að þú ætlir ekki sjálfur að nýta afnotaréttinn sem
þú hefur,“ sagði Steingrímur. Þá hljóti ríkið að vera í
fullum rétti að taka hluta kvótans. Tilgangur
kerfisins sé ekki sá að búa til leigutekjur fyrir
handhafana.
Ísland er bundið af áliti nefndarinnar og er skylt
að fara eftir því, sagði Atli Gíslason, þingmaður VG,
í gær. Þessu eru formenn ríkisstjórnarflokkanna
ósammála. brjann@frettabladid.is
Vilja innkalla afla-
heimildir á 20 árum
Vinstri græn kynntu í gær tillögur að svari við áliti mannréttindanefndar SÞ.
Vilja breyta fiskveiðistjórnunarkerfinu þannig að innköllun á aflaheimildum
verði möguleg. Deilt er um hvort stjórnvöld séu bundin af áliti nefndarinnar.
KYNNTU TILLÖGUR Atli Gíslason, Steingrímur J. Sigfússon og
Katrín Jakobsdóttir kynntu tillögur Vinstri grænna um breyt-
ingu á stjórn fiskveiða í gær. FRÉTTABLAÐIÐ/GVA
■ Að lögum um stjórn fiskveiða verði breytt þannig að
ljóst sé að jafnræðis verði gætt við úthlutun veiðiheim-
ilda.
■ Að hafinn verði undirbúningur að því að innkalla afla-
heimildir frá núverandi handhöfum með lagabreytingu.
■ Að hluta aflaheimilda sem eigandi leigir en nýtir ekki
sjálfur verði haldið eftir strax á næsta ári.
■ Að við úthlutun verði staða minni sjávarbyggða styrkt
með óframseljanlegum byggðatengingum.
■ Að byrjað verði á heildarendurskoðun laga um stjórn
fiskveiða.
TILLÖGUR VG AÐ SVARI TIL NEFNDARINNAR
Álit mannréttindanefndar SÞ er ekki bindandi í
alþjóðarétti, sagði Geir H. Haarde forsætisráðherra á
þingi í gær. Hann sagði sjávarútvegsráðherra hafa látið
vinna vandaða lögfræðivinnu og styttist í að svarið
verði tilbúið og sent nefndinni.
UNNIÐ AÐ SVARI
PENINGA- OG GENGISMÁL
RAUNTÍMAMÆLING EFNAHAGSUMSVIFA
ÓSAMHVERFAR SVEIFLUR DOLLARANS
TRÚVERÐUGLEIKI VERÐBÓLGUMARKMIÐS
Ráðstefna á vegum Rannsóknarstofnunar í fjármálum
við HR, fimmtudaginn 29. maí kl 12:15, stofu 201,
Háskólanum í Reykjavík, Ofanleiti 2.
Kl. 12.00
Léttar veitingar í boði Rannsóknarstofnunar í fjármálum
Kl. 12.15
Chiara Scotti, Federal Reserve Board : Real Time
Measurement of Business Conditions
Kl. 13.00
Sigríður Benediktsdóttir, Yale háskóla : Exchange Rates
Dependence: What Drives it?
Kl. 13.45
Friðrik Már Baldursson, Háskólanum í Reykjavík : Out of
reach? Convergence towards the inflation target in the
Central Bank of Iceland forecasting model
Kl. 14.30
Ráðstefnuslit
Tekið er við skráningum í
skraning@ru.is.