Fréttablaðið - 27.05.2008, Blaðsíða 26

27. MAÍ 2008 ÞRIÐJUDAGUR6 ● fréttablaðið ● byggingariðnaður
Á meðan Íslendingar velta fyrir
sér hagnýtum byggingarlausn-
um í miðbænum og Vatns-
mýrinni eru menn í Dubai að
fást við ögn umfangsmeiri
hugmyndir.
Forsætisráðherra Sameinuðu
arabísku furstadæmanna og borg-
arstjóri Dubai, Sheik Mohammed
bin Rashid Al Maktoum, hefur
sett af stað risavaxið verkefni þar
sem sérstaklega skapandi hug-
myndir um landslags- og bygg-
ingahönnun munu verða að veru-
leika í Dubai.
Hugmyndirnar eru vægast sagt
framúrstefnulegar og í þeim er
mikill íburður. Verkefnið nær yfir
880 milljónir fermetra lands og
er framkvæmdin í höndum Dubai
Properties sem er í eigu Dubai
Holding.
Verkefnið nefnist „Sheikh
Mohammed Gardens“ og ein-
kennist af stórkostlegu landslagi
og kennileitum þar sem byggð-
ar verða eyjur í ýmsum formum.
Síki og gróður munu leika stórt
hlutverk í umhverfinu. Hönnunin
einkennist af rúmfræði arabískra
lista og vísinda og er ætlað að
tákna nútímaborg sem rís í fornu
landi. Fimmtíu og sex milljónir
fermetra af görðum munu skipta
borginni upp í net sjálfbærra
hverfa. Til gangur Sheik Moham-
med er að skapa hreint umhverfi
sem er laust við mengun og sem
mun koma til með að varðveita
heilsu komandi kynslóða.
Lögð er áhersla á umfangs-
mikið landslag, menntun, ferða-
mennsku og að skapa umhverfi
sem minnst verður í mannkyns-
sögunni. Það ætti svo sannar-
lega að takast með þessum nánast
óraunverulegu hugmyndum sem
ætlunin er að verði að veruleika
í Dubai á komandi árum. Nánari
upplýsingar um herlegheitin má
nálgast á http://www.civicarts.
com/. - hs
Draumkenndar byggingar rísa í Dubai
Lögð verður áhersla á samspil náttúru og bygginga og verður borginni skipt upp
með síkjum og gróðri. Síkin tempra hitastigið á heitum dögum og gróðurinn dregur
úr mengun. Hönnun síkjanna miðast við himinhvolfið og stjörnumerkin.
Hús þekkingarinnar eða Bait al Hikma er hringlaga og þar mun verða háskólasvæði
með stóru bókasafni og þýðingarmiðstöð. Byggingin er hugsuð sem tenging á milli
gullaldar íslam og nútímaheimsins þar sem hönnunin er innblásin af stjörnufræði.
Eyjur verða búnar til í ýmsum formum.
Hér sjáum við dæmi um stjarnlaga eyju.