Fréttablaðið - 27.05.2008, Blaðsíða 37
ÞRIÐJUDAGUR 27. maí 2008 21
Eins og undanfarin tvö
sumur verða tónleikar í
stofunni á Gljúfrasteini alla
sunnudaga í sumar. Fjöl-
breyttur hópur tónlistar-
manna mun leika á stofu-
tónleikaröðinni í sumar en
það verða Laufey Sigurðar-
dóttir fiðluleikari og Páll
Eyjólfsson gítarleikari sem
ríða á vaðið á sunnudaginn
kemur kl. 16.
Menningarsetrið Gljúfrasteinn
hefur staðið fyrir stofutónleikum
vikulega yfir sumartímann síðast-
liðin tvö ár. Í sumar verður haldið
áfram með þessa skemmtilegu
hefð, enda hafa tónleikarnir tekist
afar vel hingað til. Guðný Dóra
Gissurardóttir, forstöðumaður
Gljúfrasteins, segir sumartónleik-
ana tilkomna vegna hefðar fyrir
tónleikahaldi í húsinu. „Halldór og
Auður stóðu oft fyrir tónleikum
hér þegar þau bjuggu í húsinu og
því fannst okkur viðeigandi að
halda tónleikastarfseminni áfram.
Það er enda markmið okkar með
starfseminni hér á Gljúfrasteini
að skapa lifandi menningarsetur
en ekki bara safn sem fólk heim-
sækir einu sinni. Tónleikarnir eru
þannig skref í áttina að því mark-
miði.“
Þeir sem sótt hafa tónleika á
Gljúfrasteini vita að þar myndast
sérstök stemning, enda umhverfið
heimilislegt og skemmtilegt. Því
þarf engan að undra að tónleikarnir
hafa verið vel sóttir hingað til.
„Með góðu móti getum við tekið
við 60 tónleikagestum, en á fjöl-
sóttustu tónleikunum hafa verið
um 100 tónleikagestir og var þá
setið og staðið um allt hús. En það
kemur svosem ekki að sök þegar
þröng er á þingi; hljómburðurinn í
húsinu er afar góður og stemningin
verður bara betri fyrir vikið,“
segir Guðný.
Sem kunnugt er var Halldór
Laxness mikill áhugamaður um
tónlist. Hann átti mikið safn hljóð-
ritana og nótna, lék sjálfur á píanó
og hafði sérlegt dálæti á tónlist
J.S. Bach. Guðný segir tónleikana
sem fram fóru á Gljúfrasteini í
tíð Halldórs flesta hafa verið með
klassísku sniði og að fjöldi
þekktra listamanna hafi komið
þar fram. „Halldór var meðlimur
í Tónlistarfélagi Reykjavíkur og
afar áhugasamur um lifandi
tónlistar flutning. Fjöldinn allur
af tónlistar mönnum, bæði inn-
lendum og erlendum, kom fram
hér á Gljúfrasteini og má í þeim
hópi finna stór nöfn á borð við
Aram Khachaturian og Adolf
Busch. Tónlistarmenn taka enda
nær undantekningarlaust vel í
það að koma fram á tónleikum
hér, enda ekki amalegt að feta í
fótspor slíkra stórmenna.“
Aðgangseyrir að tónleikunum
er 500 kr. og eru allir velkomnir á
meðan húsrúm leyfir. Áhuga-
sömum er bent á að kynna sér
tónleikadagskrá sumarsins á vef-
síðu Gljúfrasteins, gljufrasteinn.
is. vigdis@frettabladid.is
Sumartónar á
Gljúfrasteini
Ó Ó INGIBJÖRG Þessi systkinahljómsveit er meðal þeirra tónlistarmanna sem koma
fram á Gljúfrasteini í sumar.
Á hverju leikári stendur Þjóðleik-
húsið fyrir vali á athyglisverð-
ustu áhugaleiksýningu leikársins.
Að þessu sinni varð fyrir valinu
uppsetning Halaleikhópsins á
Gaukshreiðrinu, leikgerð Dale
Wasserman byggðri á skáldsögu
Ken Kesey. Af þessu tilefni verð-
ur efnt til sýningar á Gauks-
hreiðrinu á Stóra sviði Þjóðleik-
hússins hinn 4. júní næstkomandi.
Miða á sýninguna má nálgast hjá
miðasölu Þjóðleikhússins.
Markmið Halaleikhópsins er að
„iðka leiklist fyrir alla“ og fæst
hópurinn því við leiklist á for-
sendum hvers og eins. Hópurinn
hefur með starfi sínu opnað augu
almennings fyrir því að fatlað
fólk getur, þrátt fyrir ýmsar
hindranir, leikið á sviði eins og
allir aðrir. Þar með hefur hópur-
inn á sinn hátt átt þátt í að eyða
fordómum í garð fatlaðra.
Gaukshreiðrið fjallar í víðu
samhengi um vald og valdbeit-
ingu andspænis dirfsku einstakl-
inganna og samtakamætti hinna
kúguðu. En um leið fjallar verkið
um stöðu geðsjúklinga, hvaða
augum samfélagið lítur þá og
hvað felst raunverulega í því að
vera geðveikur. Þýðandi verksins
er Sonja B. Jónsdóttir og leik-
stjóri sýningarinnar er Guðjón
Sigvaldason. - vþ
Gaukshreiðrið
athyglisverðast
ALLIR GETA LEIKIÐ Frá uppsetningu
Halaleikhópsins á leikritinu Batnandi
maður. DA
G
A
OPNUM EFTIR
2