Fréttablaðið - 27.05.2008, Blaðsíða 41
ÞRIÐJUDAGUR 27. maí 2008 25
Þá er 61. kvikmyndahá-
tíðinni í Cannes lokið og
verðlaunaafhending fór
fram í höllinni Palais des
Festivals á sunnudags-
kvöldið. Að þessu sinni
var það Frakkinn Laurent
Cantet sem hlaut Gullpálm-
ann fyrir mynd sína „Entre
Les Murs“, eða Bekkurinn á
íslensku. Hanna Björk Vals-
dóttir fylgdist með hátíðinni
í ár.
Framan af keppni var mjög óljóst
hver myndi hljóta Gullpálmann en
„Entre Les Murs“ var ekki frum-
sýnd fyrr en degi fyrir lok hátíðar
og var næstsíðasta myndin sem
sýnd var í keppninni. Sean Penn,
formaður dómnefndar, tók fram
við verðlaunaafhendinguna að eftir
að hafa séð þá mynd hefði dóm-
nefndin öll verið sammála um að
hún hlyti Gullpálmann. „Þessi
mynd snerti okkur djúpt,“ sagði
hann svo á blaðamannafundi. „Hún
hefur allt sem þú vilt að kvikmynd
gefi þér. Algjörlega töfrandi.“
Bekkurinn fjallar um kennara í
úthverfi í París sem kennir ung-
lingum af ólíkum uppruna. Myndin
er hálfgerð heimildarmynd því
kennarinn er raunverulegur kenn-
ari og krakkarnir eru nemendur
hans og fylgjumst við með einu
skólaári hjá þessum bekk. Myndin
er mjög raunveruleg og vekur
áleitnar spurningar um stöðu vest-
rænna samfélaga í dag. „Þakka
ykkur kærlega fyrir, ég er sérstak-
lega hrærður yfir því að myndin
hafi snert alla í dómnefndinni,“
bunaði Cantet úr úr sér þegar hann
tók við verðlaununum meðan ungl-
ingarnir úr myndinni fylltu sviðið í
höllinni.
Önnur verðlaun sem dómnefndin
var einhljóða sammála um voru
verðlaun Benicio Del Toro sem
besta leikara í karlhlutverki fyrir
túlkun sína á Che Guevara í stór-
virki Steven Soderbergh „Che“ sem
er hvorki meira né minna en fjórir
og hálfur tími. „Ég verð að tileinka
þessi verðlaun manninum sjálfum,
Che Guevara,“ sagði Benicio þegar
hann tók við verðlaununum. Besta
leikkonan var hin brasilíska Sandra
Corveloni í hlutverki einstæðrar
móður fjögurra drengja í Sao Paolo
í „Linha de Passe“ eftir Walter
Salles og Daniela Thomas.
Önnur verðlaun, eða svonefnd
Grand Prix-verðlaun, hlaut ítalska
myndin Gomorra eftir Matteo Gar-
rone og fjallar um mafíuna í Napólí
á nýstárlegan hátt, en hún fékk
misjafna dóma gagnrýnenda, þótti
annaðhvort algjört meistaraverk
eða ekki nógu vel heppnuð. Tyrk-
neski leikstjórinn Nuri Bilge Cey-
lan var valinn besti leikstjórinn
fyrir „Uc Maymun“ en sú mynd
hafði einnig verið talin sigurstrang-
leg. Verðlaun fyrir besta handritið
hlutu belgísku bræðurnir Jean-
Pierre og Luc Dardenne fyrir „Le
Silence De Lorna“ en þeir hafa
tvisvar áður hlotið Gullpálmann
fyrir bestu mynd.
Þó að „Smáfuglar“ Rúnars Rún-
arssonar hefðu fyllilega átt skilið
verðlaun var það Marian Crisan frá
Rúmeníu sem hlaut Gullpálmann
fyrir stuttmyndina „Megatron“ og
dómnefndarverðlaunin hlaut Julius
Avery fyrir „Jerrycan“.
Cantet fékk Gullpálmann
SÆTUR SIGUR Laurent Cantet tekur á móti Gullpálmanum í Cannes með unglingun-
um sem leika í mynd hans. NORDICPHOTOS/GETTY
BESTI LEIKARINN Benicio Del Toro var
valinn besti karlleikarinn í Cannes.
NORDICPHOTOS/GETTY
„Það eru fyrst og
fremst Norðurlöndin
sem hafa sýnt áhuga.
Það hefur enginn
hringt frá Austur-
Evrópu enn þá,“
segir Friðrik Ómar
um tónleikahald
Eurobandsins á næst-
unni. „Við erum búin
að setja okkur í sam-
band við fullt af liði
og margir hafa áhuga
á að fá Eurobandið
en það er ekkert í
hendi enn þá.“
Friðrik var stadd-
ur í Kaupmannahöfn
ásamt Regínu Ósk
þegar Fréttablaðið
ræddi við hann og
voru þau þá nýbúin
að snæða hádegis-
verð með vini sínum,
danska Eurovion-
keppandanum Simon
Mathew. „Við feng-
um okkur smörre-
bröd,“ segir Friðrik og útilokar ekki samstarf með honum í náinni
framtíð.
Spurður segist Friðrik ekki eiga von á að Eurovision-keppnin verði
stökkpallur fyrir sinn sólóferil. „Það hefur enginn íslenskur „artisti“
riðið feitum hesti frá þessari keppni. Fyrst og fremst lít ég á þetta
sem klikkaða reynslu og þetta er sennilega einhver mesta pressa sem
maður getur lent í. Ég verð voða feginn að koma heim í íslenska
hversdagsleikann.“
Friðrik á ekki von á því að taka aftur þátt í Eurovision í bráð. „Mig
langar að taka mér hvíld frá Eurovision og vil miklu frekar taka þátt
í keppninni af öðru tagi en að syngja því það er gaman að stússast í
kringum þetta.“
Hvort rússneska sigurlagið Believe með Dima Bilan verði á efnis-
skrá Eurobandsins í framtíðinni segir Friðrik Ómar það útilokað.
„Það er ekki í uppáhaldi hjá okkur þó svo að hann hafi kannski átt
skilið að vinna. Ég bjóst samt ekki við þessum úrslitum og hef ekki
hitt þann mann sem er sáttur við sigurlagið. Í Eurovision-sögunni
held ég að þetta lag lifi ekki lengi,“ segir Friðrik, sem hefði verið
sáttari við sigur Grikklands eða Armeníu. - fb
Útlendingar
vilja Eurobandið
REGÍNA OG FRIÐRIK Eurobandið er eftirsótt eftir góða
frammistöðu í Eurovision-keppnninni í Serbíu.
GARÐARSHÓLMI
KEMUR ÚT Á
MORGUN
PRUMP
HUGLEIKUR
ÁRITAR BÓK SÍNA
Í IÐU Á MORGUN
KLUKKAN 11:00
100 FYRSTU
EINTÖK
ÁRITUÐ