Fréttablaðið - 27.05.2008, Blaðsíða 22
27. MAÍ 2008 ÞRIÐJUDAGUR2 ● fréttablaðið ● byggingariðnaður
Fólkinu í landinu fjölgar jafnt
og þétt og ný íbúðahverfi
rísa. Guðshús þarf til að hýsa
söfnuðina.
Hjá Biskupsstofu fengust þær
upplýsingar að nýjar kirkjur væru
að rísa í þremur nýjum hverfum á
höfuðborgarsvæðinu.
Í Vallahverfinu í Hafnarfirði er
um 12.000-15.000 manna sókn og
þar á að rísa kirkja og er undir-
búningsvinna þar á frumstigi.
Í Lindasókn í Kópavogi er ný
kirkja langt á veg komin en sóknin
var stofnuð árið 2002. Fram-
kvæmdir við kirkjuna hafa gengið
vel, byggingin er orðin fokheld og
áætlað er að taka hana að hluta til
í notkun í haust. Ask arkitektar
teiknuðu kirkjuna og við hönnun
hennar var gengið út frá því að
hún þjónaði sem best þeim ólíku
hlutverkum sem stór og fjöl-
breyttur söfnuður krefst.
Við Kirkjustétt í Grafarholti
er einnig að rísa ný kirkja. Fram-
kvæmdir ganga vel og áætlað er að
vígja kirkjuna á aðventunni. Ark-
þing arkitektastofa teiknaði kirkj-
una. Þau segja kirkjustarfið í dag
ekki lengur einskorðað við messur
heldur fari mikið starf fram innan
safnaðarins. Því er hægt að opna
á milli sala og stækka kirkjuskip-
ið fyrir stærri athafnir. Nýstárleg
leið var farin við gerð altaristöfl-
unnar en í stað hefðbundinnar alt-
aristöflu mætir fólki stór gluggi
sem opnar út í lítinn garð með
tjörn. - rat
Kirkjur rísa í nýjum hverfum
Svona mun aðkoman að Lindakirkju í Kópavogi vera þegar hún verður fullkláruð.
MYND/ASK ARKITEKTAR
Framkvæmdir við Lindakirkju ganga vel og er áætlað að taka hana í notkun að hluta í haust. FRÉTTABLAÐIÐ/ANTON
Arkþing ehf. teiknaði nýju kirkjuna í Grafarholti og lóðarhönnun er í höndum Land-
hönnunar. Áætlað er að vígja kirkjuna á aðventunni. MYND/ARKÞING
Þrívíð altaristafla verður í kirkjunni
í Grafarholti en stór gluggi vísar út
í lítinn garð með tjörn. Garðurinn
afmarkast af hvítum veggjum.
MYND/ARKÞING
Viðhaldsfríar klæðningar
henta vel á Íslandi. Fyrirtækið
Málmtækni er einn helsti
innflutningsaðili á stáli, áli og
iðnaðarplasti á Íslandi.
„Klæðningar sem krefjast lítils
viðhalds verða vinsælli og við
höfum við séð okkur fært að bjóða
góða vöru á hagstæðu verði,“ segir
Höskuldur Arnarson sölustjóri hjá
Málmtækni hf.
Málmtækni hf. var stofnað árið
1970 og hefur starfað í málmiðnaði
alla tíð síðan. Fyrirtækið hefur náð
góðum árangri í viðskiptum sem
traustur birgir bæði á innlendum
og erlendum vettvangi.
„Klæðningakerfin okkar eru
sérhönnuð fyrir íslenskar að-
stæður og hafa verið prófuð hjá
Rannsóknastofnun byggingariðn-
aðarins og fengið hæstu einkunn
fyrir styrkleika og þol,“ segir hann
og bætir því við að alltaf sé eitt-
hvað nýtt í boði.
„Nú höfum við hafið sölu á
álundirkerfi sem hentar fyrir
flísaklæðningar og álklæðningar
jafnt sem RheinZink og KME kop-
ar klæðningar,“ segir Höskuldur
og útskýrir að undirkerfin byggi
festivinklum og leiðurum úr áli,
ryðfríum borskrúfum og galvani-
seruðum múrboltum. Hægt er að
fá álfestivinklana í stærðum frá 60
mm á hæð upp í 140 mm á hæð.
Við gerð undirkerfisins er mið-
ast við að nota efni sem þola ís-
lenskar aðstæður til dæmis ál,
heitgalvaniseraða bolta, A4 ryðfrí-
ar borskrúfur og elóseraða vinkla.
„T-leiðararnir eru bæði fáanleg-
ir í svörtu elóseruðu áli sem og
ómeðhöndluðu áli sem er sýru- og
seltuvarið. T-leiðarar eru í stærð-
inni 90 x 50 x 2 mm og L-vinklarn-
ir í stærðinni 60 x 40 x 2 mm,“ lýsir
Höskuldur. - mmr
Álklæðningar fyrir heimili og fyrirtæki
Höskuldur heldur á T-leiðara sem er
smellt á festivinklana og síðan stilltir af
til að fá sléttan flöt fyrir klæðninguna.
FRÉTTABLADID/STEFÁN
Álklæðningarnar voru til sýnis á sýningunni Verk og vit.
Scanwo er danskt framleiðslu-
fyrirtæki í byggingariðnaði sem
selt hefur fjölda húsa víðs vegar
um Evrópu. Fyrirtækið hefur
hlotið verðlaun fyrir hönnun hús-
anna og fallegt útlit þeirra. Húsin
eru staðbyggð úr tilsniðnu gagn-
vörðu 100 ára gömlu gæða greni.
Nú rísa tvö Scanwo-hús hér á
Íslandi, stórt einbýlishús í Bú-
garðabyggð í Árborg og sumar-
bústaður á landi Miðfells við
Þingvallavatn. Opið hús var þar
um síðustu helgi fyrir áhuga-
sama sem vildu koma og skoða
þessa tegund húsa.
Edvard Sverrisson, umboðs-
maður Scanwo á Íslandi, segir
Scanwo-húsin sérstök að því leyti
að þau eru byggð eftir dönskum
byggingarstaðli en það sem hann
hefur umfram þann íslenska er
að meiri kröfur eru gerðar um
einangrun. „Góð einangrun hent-
ar okkur vel hér á landi og sér-
staklega núna þegar fólk er orðið
meðvitaðra um orkusparnað en
áður,“ segir Edvard.
Hægt er að fá húsin afhent á
mismunandi byggingarstigum,
en kaupendur geta lagt fram
drög að skipulagi húsanna sjálf-
ir eða notast við staðlaðar teikn-
ingar frá framleiðanda. Scanwo
er með iðnaðarmenn og meist-
ara á sínum vegum til að sjá um
byggingu húsanna að því bygg-
ingarstigi sem óskað er. „Allt
byggingarefni fylgir með hús-
pakkanum sem þarf til að klára
húsin að utan. Öll teiknivinna og
hönnun er innifalin í kaupverði
húsanna. Húsin eru svo afhent
tilbúin undir tréverk og máln-
ingu að innan.“ Aðeins tekur um
fjórar til sex vikur að reisa húsin
og gera þau fokheld. Edvard
bendir á að vegna þess hversu
lítinn tíma tekur að reisa húsin
þá séu þau lánshæf nokkuð fljótt
sem sé kostur hvað fjármögnun
varðar.
Þeir sem hafa áhuga á að
kynna sér Scanwo-húsin nánar
er bent á heimasíðu fyrirtækis-
ins, www.scanwo.dk. - kka
Fokheld á fjórum
til sex vikum
Scanwo hefur unnið til verðlauna fyrir hönnun húsanna. Húsin eru ýmiss konar,
sum stór og önnur lítil. MYND/SCANWO
Scanwo-húsin eru dönsk og byggð
eftir dönskum byggingarstöðlum.
Opið hús var um síðustu helgi þar sem
fagfólk hitti áhugasama og sýndi þeim
Scanwo-húsin. MYND/EDVARD SVERRISSON