Fréttablaðið - 12.06.2008, Síða 16

16 12. júní 2008 FIMMTUDAGUR
hagur heimilanna
Kr
ón
ur
10
00
77
0
65
0
1998 2003 2008
„Til að halda
pokasalati sem
ég kaupi úti í búð
lengur fersku í
ísskápnum set ég
eina munnþurrku
í pokann,“ segir
Björn Leifsson eig-
andi World Class.
Hann segir að með
því sé rakinn tekinn
úr salatinu og þannig haldist það
lengur ferskt.
„Ég hef notað þetta húsráð lengi
og það hefur nýst mér mjög vel við
ýmiss konar eldamennsku,“ segir
Björn.
GÓÐ HÚSRÁÐ
SETUR MUNNÞURRKU Í
SALATPOKANN
■ Björn Leifsson í World Class notar
munnþurrku til að halda salati fersku.
„Verstu kaup sem ég hef gert
eru Nokia-símar en þeir hafa allir
skemmst. Sá fyrsti hætti bara að
virka að ástæðulausu. Næsti sími
fór í munn dóttur minnar í örstutta
stund og tærðist upp eftir það. Sá
þriðji fór svo í munn sonar míns og
hlaut sömu örlög og sá fyrri. Þá gróf
ég upp gamlan Sony Ericsson-síma
sem ég nota núna og ég er
mjög ánægð með hann.“
Hún minnist einnig sófa-
settsins sem leit svo vel út
við fyrstu sýn. „Ég keypti það
notað en þegar ég kom með
það heim fór ég fljótlega
að finna hræðilega vonda
lykt af því. Ég viðraði það
úti í garði og fór með það í
gufuhreinsun en ekkert virkaði.“
Sem betur fer hefur Sigríður
gert nokkur af góð kaup líka. „Ég
elska hippalegu kápuna sem ég
keypti í Spútnik í fyrra. Hún er
eldrauð og afskaplega falleg
og enginn annar á alveg eins.“
Eins og margir hefur hún
gert góð kaup á útsölu.
„Fyrir tíu árum keypti
ég mér Ecco-inniskó
á útsölu í verslunar-
miðstöð á Amager í
Kaupmannahöfn sem
ég nota ennþá með
ánægju.“
NEYTANDINN: SIGRÍÐUR EYÞÓRSDÓTTIR TÓNLISTARMAÐUR
Viðraði sófasettið í garðinum
Hrífur eru sígild garðverkfæri. Í Húsasmiðjunni kosta
þær ódýrustu aðeins 1.199 krónur en þær dýrustu
eru á rúmlega þrjú þúsund krónur. Í Garðheimum
kostar sú ódýrasta 2.370 krónur en sú dýrasta 3.480 krónur.
Ódýrustu hrífurnar í Byko kosta 1.390 krónur en þær dýrustu
eru á 3.837 krónur. Í Europris er aðeins um eina samsetta
tegund að ræða, hausinn kostar 599 krónur en eigi skaftið að
bætast við er það á 399 krónur. Europris er sú eina af búðun-
um sem heldur verðinu undir þúsund krónum.
■ Dýrast/Ódýrast
Europris býður best
Að leggja bifreið í stæði í miðbæ
Reykjavíkur kostar rúmlega
þrisvar sinnum minna á Íslandi en
í Noregi. Þrátt fyrir að borið hafi
á óánægju á meðal Íslendinga yfir
verðlagningu í stöðumæla eru
stæðin hér hræódýr í samanburði
við hin Norðurlöndin.
Í dýrasta gjaldflokknum kostar
klukkustundin 150 krónur í
Reykjavík. Óslóarbúar greiða
hæst í þessum flokki og þurfa að
láta af hendi 500 krónur fyrir
klukkutímann en þeir mega ein-
ungis leggja í gjaldskyld stæði í
tvo klukkutíma í senn.
Þegar lagt er á gjaldsvæði tvö
greiða Danir mest, eða rúmlega
250 krónur fyrir klukkustundina.
Í Reykjavík kostar stæðið aðeins
áttatíu krónur.
Verðmunur á íbúakortum er
ekki jafn mikill. Þar greiða Reyk-
víkingar aftur minnst eða þrjú
þúsund krónur fyrir árskortið á
meðan frændur okkar Finnar
borga 4.300 krónur.
Athygli vekur að á hinum Norð-
urlöndunum eru bílastæðahús
mun betur notuð en í Reykjavík,
en þó að þau séu gjaldfrjáls á
laugardögum sjást þar fáir bílar.
- hþj
Kostnaður við að greiða í stöðumæli í höfuðborgum Norðurlandanna:
Ódýrast að leggja í Reykjavík
STÖÐUMÆLASEKTIR Það er nóg pláss í bílastæðahúsunum á laugardögum.
Útgjöldin
>Miðaverð í venjulegan sal í kvikmyndahúsi í maímánuði.
HEIMILD: HAGSTOFA ÍSLANDS
Nú er tími sumarblómanna
og úr ýmsum tilboðum
og hugmyndum að velja.
Gróðrarstöðvarnar keppast
við að selja falleg blóm auk
þess sem Grasagarðurinn
í Reykjavík býður upp á
ókeypis fræðslu í umhirðu
þeirra.
Stjúpur eru klassísk sumarblóm
og oft hægt að gera góð kaup
þegar margar eru keyptar í einu. Í
Blómavali er hægt að fá tíu stjúp-
ur í bakka á 599 krónur og í gróðr-
arstöðinni Mörk fást þær á 550
krónur. Stjúpurnar eru eilítið dýr-
ari í Sólskógum á Egilsstöðum en
þar kostar blandaður bakki 690
krónur. Tilboð Garðheima sem
hljóðar upp á tíu sumarblóm (ekki
stjúpur) í bakka er á 795 krónur en
þar er einnig hægt að fá tuttugu
einlitar stjúpur í bakka á 1.750
krónur.
Meðferð sumarblómanna þurfa
margir að læra en Grasagarður-
inn í Reykjavík býður upp á
fræðslu um ræktun í blómakerj-
um í kvöld. Eva G. Þorvaldsdóttir,
forstöðumaður Grasagarðsins,
segir vandlega umhirðu plantna
skipta gríðarlegu máli. „Auður
Óskarsdóttir, garðyrkjufræðingur
og blómaskreytir, ætlar að sýna
garðyrkjuáhugafólki hvernig best
sé að setja sumarblóm og matjurt-
ir í ker. Einnig kynnum við notkun
á kristalsefni sem dregur í sig
vatn svo að það verði aðgengilegt
þegar moldin þornar ef gleymist
að vökva.“
Hún segir kúnstina felast í upp-
röðun á plöntum. „Matjurtir mega
fara með sumarblómum í ker og
Auður mun fjalla um algeng sum-
arblóm í bland við matjurtir. Það
er mikilvægt að taka tillit til
hæðar og vaxtarlags, eigi ræktun-
in að heppnast.“
Eva ítrekar mikilvægi góðrar
umhirðu. „Það er mjög bagalegt
að sjá garðeigendur úða eitri yfir
garðana sína en með eitruninni
eru nytjadýr drepin og þá eyði-
leggst vistkerfi garðsins. Í Grasa-
garðinum lítum við á eitrun sem
algert neyðarúrræði; við notum
lífrænar varnir inni í garðskála og
matjurtir eru lífrænt ræktaðar.
Eitrun og matur fara einfaldlega
ekki saman.“
Auður Óskarsdóttir leiðbeinir
við niðurröðun í blómaker með
sumarblómum og matjurtum
klukkan átta í kvöld í Grasagarð-
inum í Laugardal. - hþj
Garðræktin gerð hagstæð
LÆRT AÐ SPARA Fræðsla um
ræktun jurta getur glatt bæði
pyngju og auga, ekki síst þar sem
matjurtir kosta sitt í verslunum.
SUMARSTARF Í GRASAGARÐINUM Eva G. Þorvaldsdóttir forstöðumaður ásamt Auði
Óskarsdóttur garðyrkjufræðingi sem stendur að fræðslu kvöldsins. FRÉTTABLAÐIÐ/ARNÞÓR
Hluthafafundur
FL Group hf. 19. júní
Stjórn FL Group hf. boðar hér með til hluthafafundar
sem haldinn verður á Hilton Nordica Hótel, 2. hæð,
fimmtudaginn 19. júní 2008, kl. 8.30.
Dagskrá:
1. Tillaga stjórnar um breytingar á samþykktum félagsins.
• Breytingar á 4. gr. samþykkta.
Lagt er til að fyrirliggjandi heimild félagsstjórnar til að hækka
hlutafé félagsins skv. a-lið 2. mgr. 4. gr. samþykkta félagsins
verði aukin úr 2.500.000.000 kr. í 5.000.000.000 kr. að nafnverði.
Tillaga er einnig gerð um tilfærslu málsliða innan greinarinnar
án þess að um efnislegar breytingar sé að ræða.
• Breytingar á 5. gr. samþykkta.
Lagt er til að breyting verði gerð á 2. mgr. 5. gr. samþykkta um
ákvörðun kaupverðs eigin hluta. Felld verði á brott tilvísun til
verðs í kauphöll og í stað hennar vísað til meðalsöluverðs
samkvæmt þekktum viðskiptum á tveggja vikna tímabili.
Sé ekkert viðskiptaverð þekkt skal stjórn heimilt að ákvarða
kaupverð að fenginni ráðgjöf fjármálafyrirtækis.
• Breytingar á 8. gr. samþykkta.
Skylda til að gefa hluthöfum kost á að greiða atkvæði á
hluthafafundum bréflega verði breytt í heimild þar að lútandi.
• Breytingar á 12. gr. samþykkta.
Lagt er til að stjórn FL Group hf. verði skipuð fimm mönnum
í stað sjö.
2. Tillaga stjórnar um heimild til að ráðstafa eigin hlutum.
• Lagt er til að stjórn félagsins sé heimilt að selja alla eigin hluti
í eigu félagsins og að endurgjaldið verði greitt með öðru
en reiðufé.
3. Stjórnarkjör.
Reykjavík, 12. júní 2008
Stjórn FL GROUP hf.
Sérstaklega er bent á að þeir sem hyggjast
gefa kost á sér til setu í stjórn skulu tilkynna
það skriflega til stjórnar félagsins að
minnsta kosti fimm sólarhringum fyrir
upphaf hluthafafundar. Þeir einir eru
kjörgengir sem þannig hafa gefið kost á
sér. Í tilkynningu um framboð til stjórnar
skal gefa, auk nafns frambjóðanda, kenni-
tölu og heimilisfangs, upplýsingar um
aðalstarf, önnur stjórnarstörf, menntun,
reynslu og hlutafjáreign í félaginu. Þá skal
einnig upplýsa um hagsmunatengsl við
helstu viðskiptaaðila og samkeppnisaðila
félagsins, sem og hluthafa sem eiga meira
en 10% hlut í félaginu.
Hluthöfum gefst kostur á að greiða
atkvæði um tillögurnar bréflega.
Atkvæðaseðlar eru fyrirliggjandi á skrif-
stofu félagsins frá og með föstudeginum
13. júní nk. og þar er ennfremur hægt að
greiða atkvæði. Þeir hluthafar sem þess
óska skriflega fyrir föstudaginn 13. júní nk.
geta fengið atkvæðaseðla senda. Bréfleg
atkvæði skulu berast á skrifstofu félagsins
eigi síðar en kl. 16.00 miðvikudaginn
18. júní eða afhendast á hluthafafundinum
sjálfum. Atkvæði verða talin á hluthafa-
fundinum þann 19. júní og verða einungis
atkvæði þeirra hluthafa sem þá eru skráðir í
hlutaskrá tekin með í atkvæðagreiðslunni.
Fundargögn, þ.m.t. tillaga stjórnar ásamt
greinargerð, eru til sýnis á skrifstofu
FL Group hf. frá og með fimmtudeginum
12. júní og verða send þeim hluthöfum sem
þess óska. Gögnin eru ennfremur aðgengi-
leg á heimasíðu félagsins, www.flgroup.is.