Fréttablaðið - 17.06.2008, Blaðsíða 8

8 17. júní 2008 ÞRIÐJUDAGUR
1 Íslensk stuttmynd vann til
verðlauna á þremur hátíðum
um helgina. Hvað heitir hún?
2 Hvaða hátíð var haldin á
Akureyri um helgina?
3 Hvað heitir nýtt safn Hita-
veitu Suðurnesja um jarðvarma
og orku?
SVÖRIN ERU Á SÍÐU 30
BRETLAND, AP Bretar munu beita
Írana harðari refsiaðgerðum og
gera ráð fyrir því að önnur Evr-
ópuríki fylgi í kjölfarið. Þetta
sagði Gordon Brown, forsætisráð-
herra Bretlands, í gær.
Brown og George W. Bush
Bandaríkjaforseti héldu sameig-
inlegan blaðamannafund eftir
fund sinn í Downing-stræti 10 í
London. Brown sagðist vilja
tryggja samskipti milli ríkis-
stjórnar sinnar og yfirvalda í
Íran. Ef Íranar héldu þó áfram að
hundsa ályktanir öryggisráðs
Sameinuðu þjóðanna yrði að beita
þá frekari refsiaðgerðum, sem
yrðu til þess að landið myndi ein-
angrast enn frekar. Hertar refsi-
aðgerðir gagnvart Íran muni bein-
ast að olíu- og gasvinnslu, sem og
fjármálum. Áformað sé að frysta
eignir stærsta banka landsins.
Michael Ellam, talsmaður
Browns, sagði eftir fundinn að
Evrópusambandið hefði í stórum
dráttum samþykkt aðgerðirnar.
Utanríkisráðherrar sambandsins
funduðu í Lúxemborg í gær. Eftir
hann sagði Cristina Gallach, tals-
maður utanríkismála hjá sam-
bandinu, að formleg ákvörðun
hefði ekki verið tekin, en að ljóst
væri að lengra þyrfti að ganga.
Bresk stjórnvöld tilkynntu einn-
ig í gær að 230 breskir hermenn
til viðbótar verði sendir til Afgan-
istans á næstunni. Meðal þeirra
eru verkfræðingar og herþjálfar-
ar sem munu í auknum mæli vinna
að því að efla afganska herinn. Nú
þegar eru tæplega átta þúsund
breskir hermenn í landinu.
Meðal þess sem Bush og
Brown ræddu einnig voru mál-
efni Simbabve. Fram kom í máli
Browns að alþjóðlegir eftirlits-
menn yrðu að fá að fylgjast með
forsetakosningunum þar í landi
til þess að koma í veg fyrir kosn-
ingasvindl Roberts Mugabe for-
seta. Breskir embættismenn
hafa sagt að þörf sé fyrir um það
bil 400 eftirlitsmenn í kosning-
unum.
Brown sagði að undanfarnar
vikur hafi stjórn Mugabes, sem
væri nú örvæntingar- og ofbeld-
isfyllri en áður, meðal annars
orðið völd að 53 morðum. Hann
sagði ástandið óviðunandi. Bush
bætti því við að Bandaríkin
myndu leggja sitt af mörkum til
þess að kosningarnar færu fram
eftir alþjóðlegum reglum. „Fólk-
ið í Simbabve hefur þjáðst undir
stjórn Mugabes og við munum
starfa með ykkur í því að tryggja
frjálsar og sanngjarnar kosning-
ar, sem Mugabe vill greinilega
ekki að gerist,“ sagði Bush.
thorunn@frettabladid.is
Harðari refsiaðgerð-
ir gagnvart Írönum
Bretar munu beita Írana harðari refsiaðgerðum og gera ráð fyrir því að Evrópu-
sambandið geri slíkt hið sama. Gordon Brown og George W. Bush ræddu meðal
annars málefni Afganistans, Írans og Simbabve á fundi sínum í London í gær.
BUSH Í LONDON George W. Bush og Gordon Brown brostu breitt á blaðamanna-
fundinum í gær. Bush lýkur síðustu Evrópuförinni í forsetatíð sinni í Belfast í dag.
FRÉTTABLAÐIÐ/AP
Sjáðu hvernig miðborg Reykjavíkur
mun breytast á komandi árum.
Sýning á skipulagi miðborgar
verður opnuð á Laugavegi 33,
17. júní 2008.
Á sýningunni mun borgarbúum og
öðrum gefast kostur á að kynna sér
þær tillögur sem eru í vinnslu fyrir
miðbæ Reykjavíkur.
Sýningin stendur í allt sumar.
Borgarstjóri mun opna sýninguna
klukkan 13.00.
DÓMSMÁL Tveir karlmenn hafa
verið sýknaðir í Héraðsdómi
Suðurlands, svo og tamninga- og
hrossaræktarbú, af að hafa
gabbað dýrmæta hryssu út úr
eiganda hennar fyrir hundrað
þúsund krónur.
Hryssueigandinn hafði sett vel
ættaða hryssu í tamningu á búinu.
Þegar hann spurðist fyrir um
hvernig gengi með hana var
honum sagt „...að hún væri ljót,
hundafóður, kolvitlaus, ekkert við
hana tjónkandi og hún lyfti
fótunum ekki yfir skítinn úr
sjálfri sér“.
Skömmu síðar frétti hryssueig-
andinn að búið var að skipta á
sléttu á henni og annarri hryssu
sem var seld til útlanda á 3,5
milljónir. Hann fór í mál en tapaði
því. - jss
Héraðsdómur Suðurlands:
Hart deilt um
sölu á hryssu
FÓLK Inga Ósk Guðmundsdóttir tapaði þrjátíu
þúsund krónum þegar veskinu hennar var
stolið í Kolaportinu fyrir tæpri viku. Inga Ósk
er öryrki og var þetta bróðurparturinn af
hennar mánaðarlegu launum. Hún tapaði
einnig myndum af látnum eiginmanni sínum
og fjórum börnum sem hún segir óbætanlegar.
„Ég var með töskuna mína á göngugrindinni
minni og leit af henni í augnablik. Einhver tók
veskið mitt rétt á meðan en ég sá ekki hver
átti í hlut. Mér finnst þetta mikið virðingar-
leysi við mig,“ segir Inga Ósk, sem er nýorðin
sextug og er öryrki vegna lömunarsjúkdóms.
Inga Ósk leitaði til lögreglu og síns trygg-
ingarfélags vegna atviksins en var tjáð að
ekkert væri hægt að gera í máli hennar þar
sem hún var ekki beitt eða henni hótað ofbeldi.
„Mér er í raun sama um peningana en mikið
vildi ég fá myndirnar mínar aftur og veskið
mitt,“ segir Inga Ósk. Peningana ætlaði hún að
nota til þess að fara í stutt ferðalag en segist
nú þurfa að hætta við þau áform.
„Ég fer þá bara á næsta ári þó það séu
vonbrigði að geta ekki farið í þetta ferðalag.
En mig langar að biðja þann sem rændi mig að
skila veskinu í óskilamunadeildina hjá
lögreglunni. Mig langar svo að fá myndirnar
mínar til baka.“
Ómar Smári Ármannsson yfirlögregluþjónn
merkir ekki aukningu á þjófnuðum en bendir
fólki á að vera á varðbergi. - shá
Öryrki missti dýrmætar persónulegar eigur þegar veski var stolið í Kolaportinu:
Sama um peningana en saknar ljósmyndanna
INGA ÓSK GUÐMUNDSDÓTTIR
Í veskinu hennar Ingu, sem var stolið í Kolaportinu,
voru óbætanlegir persónulegir munir.
FRÉTTABLAÐIÐ/STEFÁN
HEILBRIGÐISMÁL Talsmaður
Lýðheilsustöðvar er ósáttur við
áfengis- og tóbakskynningu sem
haldin var á Broadway á dögun-
um. „Við lítum svona mál
alvarlegum augum,“ segir hann.
Sígarettum var dreift meðal
gesta auk þess sem stórar
tóbaksauglýsingar héngu á
veggjum. „Augljóslega er um
skýrt lögbrot að ræða,“ segir
fulltrúi heilbrigðiseftirlitsins.
Ásgeir Johansen framkvæmda-
stjóri innflutningsfyrirtækisins
RJC, sem stóð fyrir kynningunni,
sagði hana löglega. „Þetta var
lokuð kynning fyrir fagaðila og
tekið er fram á boðsmiðanum að
hún sé einungis fyrir leyfishafa
tóbaks og fulltrúa þeirra.“ - ges
Talsmaður Lýðheilsustöðvar:
Ósáttur við tób-
akskynningu
SÍGARETTUR Stundum er erfitt að meta
hvort um auglýsingu er að ræða.
Unnustan stal senunni
Unnusta finnska forsætisráðherrans
Matta Vanhanen, Sirkka Mertala, stal
algjörlega senunni á fundi norrænu
forsætisráðherranna í Motala í Svíþjóð
nýlega. Óvenjumargir finnskir frétta-
menn eru á staðnum og fylgjast með
hverju skrefi sem Mertala tekur, að
sögn finnskra og sænskra vefmiðla.
NORÐURLÖND
Sagði frá misnotkun í ritgerð
Sænsk stúlka þagði um kynferðislega
misnotkun föður síns í tíu ár. Eftir að
hafa lesið bókina Bak við luktar dyr fór
hún að velta þessu fyrir sér. „Ég komst
að þeirri niðurstöðu að það myndi
bara hjálpa mér,“ hefur Expressen
eftir henni. Að lokum ákvað hún að
skrifa ritgerð um misnotkunina sem
hófst þegar hún var fimm ára. Faðirinn
hefur nú verið ákærður.
SVÍÞJÓÐ
STJÓRNSÝSLA „Þó samið sé við aðra
en SÁÁ þá kastar það í engu rýrð á
þeirra störf og þá miklu reynslu
sem þeir svo
sannarlega
hafa,“ segir
Jórunn Ósk
Frímannsdóttir,
formaður
Velferðarráðs
Reykjavíkur-
borgar, um val á
rekstaraðilum
til að reka
heimili fyrir
áfengis- og vímuefnasjúklinga.
Hún segir SÁÁ ekki geta litið svo
á að samtökin hafi einkarétt á
svona starfsemi. „Innri endurskoð-
un borgarinnar leggur til að við
göngum til samninga við Heilsu-
verndarstöðina.“ Hagkvæmasta
tilboðinu verði því tekið og fyrir
því liggi ítarlegur rökstuðningur.
„Mér finnst ótrúlegt þetta
endalausa hjakk sem á ekki við
nein rök að styðjast, búið er að fara
yfir málið og niðustaða innri
endurskoðunar er skýr.“ - ovd
Samið við Heilsuverndarstöð:
Kastar ekki
rýrð á SÁÁ
JÓRUNN ÓSK
FRÍMANNSDÓTTIR
BANDARÍKIN, AP Veðurfræðingar
spá því nú að vatnsyfirborðið í
Iowa-ánni í Bandaríkjunum verði
ekki jafn hátt og áður var búist
við. Því er vonað að háskólaborg-
in Iowa City sleppi betur en á
horfðist í fyrstu.
Á undanförnum vikum hafa
fimmtán látist af völdum
óveðranna og flóðanna í Iowa.
24.000 manns hafa þurft að
yfirgefa heimili sín í Cedar
Rapids. - hþj
Fimmtán látnir á síðustu vikum:
Yfirborð lægra
en áður talið
Fólkið í Simbabve hefur
þjáðst undir stjórn
Mugabes og við munum starfa
með ykkur í því að tryggja frjáls-
ar og sanngjarnar kosningar, sem
Mugabe vill greinilega ekki að
gerist.
GEORGE W. BUSH
FORSETI BANDARÍKJANNA
VEISTU SVARIÐ?