Fréttablaðið - 30.06.2008, Side 17

HEIMILI HEILSA HÚS BÖRN NÁM FERÐIR MATUR BÍLAR TÍSKA GOLF ATVINNA TILBOÐ VINNUVÉLAR O.FL.
Í uppgerðu einbýlishúsi við Nýlendugötu leynist
ostaskeri sem slegið hefur í gegn.
„Mitt uppáhald heima er lítill og sniðugur ostaskeri
frá Stelton sem mér áskotnaðist undan jólatrénu.
Ostaskerar eru oft svo lélegir en þessi er úr Epal,
svo frábær að ég hef síðan gefið hann margoft í
gjafir. Þetta er ostaskeri fyrir ostelskandi einstakl-
inga því hann sker svo þykkar og girnilegar sneiðar
að osturinn spænist upp og klárast jafnharðan,“
segir ljósmyndarinn Arnaldur Halldórsson brosmild-
ur.
„Heimilið er ósköp „artí fartí“ og sambland úr
öllum áttum. Ég er mikill græjukall eins og títt er
með ljósmyndara, og konan mín Unnur Knudsen
Hilmarsdóttir er textílhönnuður. Stíllinn er því afar
blandaður, við kaupum af og til hönnun og listir,
erum samstíga í heimilishaldinu og enginn ágrein-
ingur um útlit heimilisins hér á bæ; Unnur ræður
þessu öllu,“ segir Arnaldur og skellihlær.
„Fyrir fimm árum vorum við í leit að einbýli í
Vesturbænum og duttum niður á þetta gamla hús,
sem áður stóð við Hverfisgötu en hafði verið flutt
hingað á steyptan grunn. Síðan höfum við gert það
upp eftir eigin höfði og sett á það kvisti. Hér er
draumur að horfa yfir höfnina og út á Faxaflóann og
virkilega spennandi að sjá hvað gerast mun á slipp-
svæðinu í framtíðinni, hvort við fáum nýja göngu-
stíga, kaffihús og fleiri hönnunarbúðir í hverfið,“
segir Arnaldur og sker sér ostsneið með Stelton-
skeranum í ótrúlegu eldhúsi sínu.
„Ég hef stundum lánað það í auglýsingar og Gauji
litli kokkur vill taka upp matreiðsluþætti hérna, en
því nenni ég ekki. Þá þyrfti ég að flytja út.“
thordis@frettabladid.is
Græjukarl með ostaskera
Arnaldur Halldórsson ljósmyndari með ostaskerann góða frá Stelton. FRÉTTABLAÐIÐ/VALLI
Golfklúbbur Reykjavíkur
var stofnaður árið 1934 og var
hann fyrsti golfklúbbur lands-
ins. Sumarið 1935 var fyrsta
golfmótið haldið í Laugardaln-
um. Var það stórviðburður og
héldu margir að hér væri um
að ræða eitthvert stundargam-
an hjá heldra fólki sem félli
fljótt í gleymsku en reyndin
varð önnur.
Myndarammar eru
inni á öllum heimilum.
Heimilið verður fallegra
og hlýlegra ef myndir af
fjölskyldu og vinum eru
á veggjum eða í hillum.
Hægt er að hafa ólíka
ramma í mismunandi
litum til að lífga upp á
heimilið.
Kylfingar úr Golffélagi
Reykjavíkur taka þátt í
alþjóðlegu golfmóti sem
haldið verður í Þýskalandi í
byrjun ágúst. Keppt verður
á GC Heddesheim-golfvell-
inum í Heddesheim. Mótið
er nú haldið í sjötta sinn
og er umgjörð þess öll hin
glæsilegasta.
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
Útsalan
hefst í dag
Laugavegi 53 • s. 552 3737
Opið í dag 10-17