Fréttablaðið - 30.06.2008, Page 62

30 30. júní 2008 MÁNUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
Það er fer eftir dögum og stemn-
ingu hvað ég hlusta á, en ég
hlusta til dæmis á John Meyer,
Police, Elton John, Simon and
Garfunkel og Sigur Rós. Svolítið
svona bland í poka bara.
Oscar Bjarnason, grafískur hönnuður.
„Það var ekkert fylgst með mér og
ég var með nagla í löppinni í tvö
ár,“ segir Páll Arason, reðurgjafi
og fyrrverandi ferðamálafrömuð-
ur. Á þriðjudaginn mun Páll fara í
mjaðmaaðgerð þar sem hann fær
vonandi bót meina sinna. Páll varð
fyrir því óláni að fá heilablóðfall
fyrir þremur árum og fótbrotnaði í
leiðinni. „Ég brotnaði þar sem legg-
urinn gengur upp í mjaðmagrind-
ina,“ segir Páll sem var negldur
saman, sendur í endurhæfingu og
þaðan heim með göngugrind. Eftir
það virðist Páll hafa gleymst í kerf-
inu því naglarnir voru ekki teknir
fyrr en tveimur árum seinna, þegar
þeir voru farnir að skrölta að sögn
Páls, og brotið ekki enn gróið. Nú á
að framkvæma aðgerð á mjöðm
Páls sem á að lækna mein hans .
Það er ekki að heyra á Páli að
hann sé orðinn 93 ára gamall. Engu
að síður er það raunin og hefur
Páll upplifað margt á þessum
árum. Meðal annars hefur hann
sængað hjá hátt í þrjú hundruð
konum á lífsleiðinni. „Þá er ég
ekki að telja vændiskonurnar í
útlöndum með,“ segir hann en
hann hélt nákvæma skrá yfir þær
konur sem hann sængaði hjá hér-
lendis. Og það af góðri ástæðu:
„Þær áttu til að kenna mér krakka
sem ég átti ekkert í. Þá var gott að
hafa það skrifað niður hvenær ég
var með þeim,“ segir Páll en flest-
ar af hjásvæfum hans komu úr
Húnavatnssýslu.
Páll er bráðskýr í kollinum og
segist muna allt frá því hann var
fimm ára. Það hjálpar til að hann
kann að drekka vín og segist vera
viku með flöskuna. Páll er ekki
síður sérstakur fyrir þær sakir að
hann fer nánast aldrei í bað að
eigin sögn. „Nei, heita vatnið
opnar fyrir svitaholurnar og þá
kemur svitalykt. Vinkona mín
kemur þess í stað og strýkur á mér
bringuna, magann og hrygginn
með handklæði reglulega og þá
hrynur af mér skinnið því ég er
með svo þurra húð.“
Á dögunum var fjallað um 52 ára
Bandaríkjamann sem ætlar að
gefa reður sinn á Reðursafnið á
Húsavík og lifa án reðurs það sem
eftir er. Það getur Páll ekki hugsað
þér en hann hefur ánafnað safninu
sinn drjóla þegar hann er allur.
„Þeir fá ekki minn fyrr en ég verð
dauður. Þá hef ég ekkert við hann
að gera.“
soli@frettabladid.is
PÁLL ARASON: MEÐ NAGLA Í LÖPPINNI Í TVÖ ÁR
Reðurgjafi í mjaðma-
aðgerð á Akureyri
PÁLL ARASON MEÐ CONNA Man aftur til ársins 1920 enda kann hann að drekka vín og er viku með flöskuna.
FRÉTTABLAÐIÐ/BRYNJAR GAUTI
„KSÍ bauð okkur í mat og við horfð-
um saman á undanúrslitin í EM,“
segir Dóra María Lárusdóttir
landsliðskona spurð um hvernig
stelpurnar hafi fagnað glæstum
sigri sínum á Grikkjum síðastliðið
fimmtudagskvöld. „Svo fórum við
heim til Katrínar Ómarsdóttur
landsliðskonu sem er með flottan
pall í garðinum og sprelluðum
aðeins þar á meðan Rakel Hönnu-
dóttir spilaði á gítar, en við þurft-
um að mæta í vinnu daginn eftir
svo við vorum ekki lengi frameft-
ir,“ bætir hún við.
Síðastliðin þrjú ár hefur Dóra
María verið búsett á Rhode Island
í Bandaríkjunum þar sem hún var
á fótboltastyrk og nam fjármála-
fræði, en í vor lauk hún BS gráðu
og er nú flutt til landsins. „Ég ætla
í fjármálahagfræði í HÍ í haust, en
í sumar verð ég að spila fótbolta og
vinna hjá SP fjármögnun. Ég hef
verið að vinna í fyrirtækinu síðast-
liðin sumur og í kringum jólin
þegar ég hef verið á landinu,“ segir
Dóra María, en vill ekki meina að
það hafi verið mikil viðbrigði að
flytja aftur heim til Íslands.
„Ég mun kannski finna meira
fyrir því í haust, enda var ég vön
að vera heima á sumrin, en ég
mæli hiklaust með því að stelpur
sem eru í fótbolta og ætla í nám
horfi til Bandaríkjanna upp á að
komast á fótboltastyrk. Það eru
mun fleiri möguleikar fyrir stelp-
ur þar en í Evrópu,“ segir Dóra
María að lokum. - ag
Fótboltakona í fjármálahagfræði
FLUTT HEIM FRÁ BANDARÍKJUNUM
Fótboltakonan Dóra María lauk BS-
gráðu í fjármálafræði í vor og stefnir nú
á fjármálahagfræði í HÍ í haust auk þess
að halda áfram í fótboltanum.
FRÉTTABLAÐIÐ/GVA
Gunnar Pétursson hjúkrunarnemi er einn úr
hópi Íslendinga sem vinna sjálfboðastarf í Pal-
estínu í sumar. Flest eru þau hjúkrunar- eða
læknanemar en einn þeirra er í Kvennaskólan-
um í Reykjavík.
Gunnar segir brýna þörf á sjálfboðaliðum.
„Bara það að sitja í sjúkrabíl, þó við gerum ekk-
ert í honum, kemur honum í gegnum vegatálma.
Ferðafresli Palestínumanna er svo rosalega
skert. Sjúklingar eru að deyja af því sjúkrabílar
eru stoppaðir.“
Upprunalega hugmyndin var að fara til Kenýa
að vinna. Ein úr hópnum, Anna Tómasdóttir,
stakk upp á Palestínu, en hún hefur unnið sjálf-
boðastarf þar áður. Störfin eru mismunandi,
sum þeirra vinna hjá Project Hope við að kenna
ensku. Aðrir, eins og Gunnar, vinna hjá PMRS
læknasamtökunum við heilsugæslu.
Gunnar segir verkefnin svipuð og í heilsu-
gæslu hérna heima. „Við getum náttúrulega lent
í því að þurfa að hlúa að einhverjum sem hefur
verið grýttur daginn áður. Ég verð samt örugg-
lega ekki að taka á móti skot- og sprengjusár-
um, þó ég viti það ekki alveg núna.“
Sjálfboðaliðarnir borga uppihald og ferða-
kostnað sjálfir. En hvað fá þau út úr þessu? „Ef
við náum að gera lífið bærilegra fyrir eina
manneskju, þá er það sigur. Ef við náum að
kenna einni manneskju skyndihjálp sem hún
getur notað til að bjarga mannslífi seinna meir,
þá er það sigur. Ef ég næ að bólusetja krakka
sem verður til þess að hann fær ekki sjúkdóm,
þá er það sigur. Við erum ekki að fara að gera
nein stórræði úti, en það sem við gerum skiptir
samt máli fyrir fólkið sem við hittum.“
„Svo erum við auðvitað vitni að þessu ástandi.
En ég er ekkert að fara að halda með neinum.
Ég myndi aldrei labba framhjá særðum, hvort
sem þar er Ísraeli eða Palestínumaður.“ Hægt
er að fylgjast með sjálfboðaliðunum á herrag-
unnar.blog.is og annapalestina.blogspot.com
- kbs
Íslenskir hjúkrunarnemar í Palestínu
ÚT TIL HJÁLPAR Gunnar Pétursson hjúkrunarfræðinemi
er sjálfboðaliði í Palestínu Fréttablaðið/Anton
LÁRÉTT
2. bauti, 6. guð, 8. fornafn, 9. loga, 11.
gelt, 12. óbundið mál, 14. urga, 16.
kúgun, 17. ennþá, 18. málmur, 20.
tveir eins, 21. ána.
LÓÐRÉTT
1. myrði, 3. umhverfis, 4. gróðra-
hyggja, 5. af, 7. sambandsríkis, 10.
dolla, 13. atvikast, 15. sál, 16. pota,
19. ónefndur.
LAUSN
LÁRÉTT: 2. buff, 6. ra, 8. mér, 9. eld,
11. gá, 12. prósi, 14. ískra, 16. ok, 17.
enn, 18. tin, 20. dd, 21. asna.
LÓÐRÉTT: 1. drep, 3. um, 4. fégirnd,
5. frá, 7. alríkis, 10. dós, 13. ske, 15.
anda, 16. ota, 19. nn.
Skötuhjúin Björn Thors og Unnur
Ösp Stefánsdóttir eru rísandi
stjörnur í leiklistarstéttinni. Í vetur
léku þau í Hamskiptunum í Bret-
landi við frábæran orðstír. Næsta
vetur mun Unnur Ösp leikstýra
verkinu Fólkið í borginni í
Borgarleikhúsinu en Björn
er nú staddur í Bretlandi.
Þar fer hann með hlutverk
Hákons konungs í
víkingamynd sem
framleidd er af bresku
framleiðslufyrirtæki
fyrir BBC. Þykir
þar um mjög gott
tækifæri að ræða
fyrir ungan íslensk-
an leikara á hraðri
uppleið.
Plata Merzedes Club, I wanna
touch you, kemur út á næstu
dögum. Öll lögin á plötunni eru
eftir Barða Jóhannsson en hann
nýtur aðstoðar margra með textana.
Allir hljómsveitarmeðlimir sveitar-
innar semja texta við lög á plötunni
fyrir utan Hlyn Áskelsson, betur
þekktan sem Ceres 4.
Vekur það töluverða
athygli því Ceres hefur
sent frá sér þrjár plötur
og er annálaður sem
frábær textahöf-
undur. Hefur hann
meira að segja
gefið út heilan disk
með ljóðum. Velta
menn fyrir sér
hvort textar Hlyns
séu ekki samboðnir
lögum Merzedes
Club, eða öfugt?
Ný plata tenórsins Garðars Thors
Cortes kemur út hér á landi og í
Bretlandi í dag. Platan fékk
fjórar stjörnur í gagnrýni
Daily Express fyrir helgi
en einungis eina stjörnu
í The Knowledge,
fylgiriti Time. Cortes
kippti sér þó lítið
upp við það. Að
sögn umboðsmanns-
ins Einars Bárðar-
sonar skellti hann sér
á tónleika með Bon
Jovi um helgina og
skemmti sér vel.
-shs/hdm
FRÉTTIR AF FÓLKI
J
VEISTU SVARIÐ
Svör við spurningum á síðu 8.
1 Bandalag háskólamanna, BHM.
2 Björk Guðmundsdóttir.
3 Spánverjar og Þjóðverjar.