Fréttablaðið - 05.07.2008, Qupperneq 34

● heimili&hönnun
Gabriela, sjö ára, neitar að gista annars staðar en heima hjá sér eftir að hún fékk
rúmið sem er frá Hästens. Foreldrarnir fengu sér síðan alveg eins rúm.
Herbergi Hrafnkels Ivans, 5 ára, er bjart
og einkennist af skemmtilegu litavali.
Falleg sængurföt og alls kyns tuskudýr
til að kúra með á nóttunni.
Hugað er að hverju smáatriði á heimilinu
og allt gert til að halda í hlýleikann.
Myndlistarkonan Brynhildur leggur mikið upp úr fallegu og hlýlegu umhverfi.
Brynhildur
hikar ekki
við að
skipta um
málverk til
að breyta til.
Heima er samsýning lista-
kvennanna sex sem starf-
rækja listamannahúsið, en
hún höfðar sterkt til þeirra
sem heimili og hönnun eru
hugleikin.
Hugmyndin að sýningunni
Heima kviknaði í hjarta húss-
ins, sem er vitaskuld eldhúsið,
en sýningin fer fram á báðum
hæðum og öllum vistar verum
heimilisins, auk þess sem bak-
garðurinn er nýttur undir sýn-
inguna.
Listakonurnar fara ólíkar
slóðir í að kanna og velta fyrir
sér hugtakinu „heima“ og nota
margvíslega tækni og efnis-
notkun við gerð þeirra.
Sýningin, sem hófst á Lista-
hátíð, verður í áframhaldandi
þróun fyrir opnum tjöldum til
1. ágúst næstkomandi. - þlg
Heima í hjarta hússins
● Sýningin Heima stendur nú yfir í Start Art lista-
mannahúsi á Laugavegi 12b.
Home Rubricks eftir Ragnhildi
Stefánsdóttur. Nafnið tengist hómó-
patíu og eru nöfn allra hugtaka
sem eiga við „heima“ skrifuð á tréð.
Líkami og sál eru tengd, en líkaminn
heftir gjarnan manneskjuna, svo
upp úr höfðinu getur hugurinn
orðið frjáls. FRÉTTABLAÐIÐ/AUÐUNN
● KISUMÁLTÍÐ Í KÓNGASKÁL Þeir sem eiga gæludýr vita
best að falleg skepna getur verið fegursta stofustáss í sjálfu sér.
Hins vegar eru ýmsir hlutir til heimabrúks gæludýra oft púkalegir
og skera í augu á lekkerum heimilum. Þessi svala kisueyrna-
skál er hins vegar hrein viðbót við hönnunar-
gripi híbýla. Hún er ítölsk hönnun
í hæsta klassa, framleidd úr
ryðfríu stáli, handpússuð,
auðveld í þrifum og renn-
ur ekki til á gólfi. Ósvikin
ánægja fyrir kisulórur að
lepja úr og kisueigendur að
annast. Skálin kallast Ear Shot
og fæst hjá www.petego.com.
„Ég legg upp úr því að halda
í einfaldleikann enda gæti ég
þess að hafa ekki of mikið af
hlutum,“ segir myndlistarkonan
Brynhildur Guðmundsdóttir, sem
býr í Vesturbænum með manni
sínum Ivica Gregoric og börnun-
um þeirra tveimur, Gabrielu, sjö
ára, og Hrafnkeli Ivan, fimm ára.
„Ég vil líka hafa heimilislegt
umhverfi og þess vegna höfð-
uðu svörtu útskornu stólarnir til
mín,“ segir hún og víkur þannig
talinu að svefnherberginu. „Þeir
lýsa vel hugmyndum mínum um
heimilið; Þeir eru gamaldags en
samt sem áður með nýtískulegu
ívafi.“
Hún er líka ánægð með fata-
herbergi inni í svefnherberg-
inu enda lítið fyrir að hafa hlut-
ina dreifða. Fyrir ofan rúmið er
svo mynd eftir listakonuna. „Ég
læt myndlistina á veggjunum um
fjölbreytnina hvað varðar litaval
hér,“ segir Brynhildur, sem hikar
ekki við að skipta út myndverk-
um til að breyta til.
Brynhildur segir að upphaf-
lega hafi sams konar rúm verið
keypt fyrir dótturina. „Hún er svo
ánægð með rúmið að hún neitar
að gista annars staðar. Það varð á
að foreldrarnir öpuðu síðan eftir
dótturinni og fengu sér alveg eins
rúm.“ - vg
Listin skipar veigamikinn sess
● Brynhildur Guðmundsdóttir myndlistarkona leggur mikið upp úr því að hafa hlýlegt og
listrænt í kringum sig, eins og hjóna- og barnaherbergin á heimilinu bera skýr merki um.
hönnun
● LEIKUR MEÐ LJÓS OG SKUGGA Þetta ljós, sem kallast Al-
legro Ritmico, beinir birtu sinni niður á við, sem endurspeglast svo í
loftinu. Stangirnar eru gerðar úr áli en ljós, skuggar og hljóð myndast í
gegnum þær. Hinir lamparnir eru ekki síður framúrstefnulegir, en þeir
eru allir framleiddir af ítalska fyrirtækinu Foscarini, sem er þekkt fyrir
framsækna ljósahönnun bæði hvað efnisvali og lögun viðkemur.
Foscarini var sett á laggirnar í
Feneyjum árið 1981 en hönnuðir þess
hófu snemma að kanna möguleika
Murano-glersins í hönnun sinni.
Síðan þá hefur fyrirtækið prófað síg
áfram með hin ýmsu efni og unnið
bæði með ungum og upprennandi
hönnuðum og stórum nöfnunum í bransan-
um. Lykilorð Foscarini eru tilraunir með form
og efni og hefur það skilað sér í skemmti-
legri og oft og tíðum óvanalegri
ljósahönnun, þar sem brugðið er
á leik með lýsingu og stundum
hljóð.
Allegro Ritmico.
Lumiere.
Caboche borð-
lampi.
5. JÚLÍ 2008 LAUGARDAGUR6