Fréttablaðið - 05.07.2008, Blaðsíða 50

28 5. júlí 2008 LAUGARDAGUR
Hátíð hestamanna
Landsmót hestamanna á Gaddastaðaflötum við Hellu stendur nú sem hæst.
Ekki var annað að sjá en jafnt hestamenn sem þingmenn og ráðherrar
skemmtu sér konunglega við setningu mótsins. Til að byrja með var veðrið
að vísu ekki upp á marga fiska en veðurguðirnir sáu aumur á hestamönnum
og í gær var sólin tekin að skína á ný. Mikill fjöldi gesta er á mótsstað og
búast má við að enn fleiri leggi leið sína þangað um helgina þegar fjörið
stendur sem hæst.
GOBBEDDÍGOBB Það eru fleiri leiðir til að njóta hestamennsku en að fara á bak, að
minnsta kosti svona fyrst um sinn. Ljósmyndari Fréttablaðsins rakst á þennan tilvon-
andi knapa á svæðinu FRÉTTABLAÐIÐ/VALGARÐUR
ÞEYST AF STAÐ MEÐ ÍSLENSKA FÁNAN Glæsilegustu hestar landsins eru saman komnir á landsmóti ásamt bestu knöpunum.
Hverjir verða hlutskarpastir í sínum flokkum ræðst um helgina. FRÉTTABLAÐIÐ/VILHELM
SÓLIN SKÍN Á MÓTSSTAÐINN Mikill fjöldi hefur fylgst með keppni á landsmótinu og oft er brekkan þéttsetin. Í dag verður meðal annars keppt til úrslita í A-flokki gæðinga auk þess sem verðlaun verða afhent fyrir
hryssur og stóðhesta. FRÉTTABLAÐIÐ/VILHELM
RÁÐHERRA Á HESTAMANNAMÓTI Þorgerður Katrín Gunnarsdóttir var hvergi hrædd
og virtist afar hrifin af þessum hvíta reiðskjóta FRÉTTABLAÐIÐ/VILHELM
MEÐ VIÐHÖFN Á LANDSMÓT Rósa Birna
Þorvaldsdóttir var fánaberi fyrir hesta-
mannafélagið Sörla og fangaði athygli
ljósmyndara. FRÉTTABLAÐIÐ/VILHEM
Í HRINGIÐU GLEÐINNAR Geir H. Haarde var sallarólegur þegar hann reið inn á
Gaddastaðaflatir við setningu mótsins á fimmtudag. FRÉTTABLAÐIÐ/VILHELM