Fréttablaðið - 07.07.2008, Blaðsíða 16

16 7. júlí 2008 MÁNUDAGUR
timamot@frettabladid.is
Þegar Alþingi var sett 7. júlí 1915 höfðu
konur mikinn viðbúnað. Kvenfélög
í bænum, undir forystu Kvenrétt-
indafélags Íslands, tóku höndum
saman og héldu hátíð í tilefni
kosningaréttar kvenna. Hátíð-
in fór fram með virktum í fögru
sumarveðri. Konur á öllum aldri
söfnuðust saman í Barnaskóla-
portinu, gengu fylktu liði um
miðbæinn og staðnæmdust á
Austurvelli. Fyrir hópnum gengu
200 ljósklæddar ungar stúlk-
ur með þrílita fánann, sem einn-
ig var löggiltur þennan dag, sér
við hönd. Við Austurvöll reis vegleg
fánaborg og nefnd fimm kvenna gekk
í Alþingishúsið. Í nefndinni voru: Ingi-
björg H. Bjarnason, Bríet Bjarnhéðinsdóttir,
Elín Stephensen, Kristín V. Jacobson og
Þórunn Jónassen. Ingibjörg hafði orð
fyrir þeim og flutti ávarp þar sem
hún tjáði þingheimi gleði og þakk-
læti kvenna fyrir nýfengin réttindi.
Þingmenn tóku heimsókninni
vel og Alþingi bárust þakkar-
skeyti frá konum víðs vegar að
af landinu. Konungi og drottn-
ingu voru einnig sendar þakk-
arkveðjur. Eftir athöfnina var
haldinn útifundur á Austurvelli
þar sem Bríet flutti ræðu, rakti
sögu íslenskrar kvenréttindabar-
áttu og flutti einstökum mönn-
um þakkir fyrir þeirra hlut. Sjaldan
hafði þvílíkur mannfjöldi sést saman
kominn í Reykjavík og aldrei svo marg-
ar og prúðbúnar konur.
ÞETTA GERÐIST: 7. JÚLÍ 1915
Konur halda hátíðarfund
MERKISATBURÐIR
1922 Lúðrafélögin Harpa og
Gígja eru sameinuð í
Lúðrasveit Reykjavík-
ur. Hún er elsta starfandi
lúðrasveit á Íslandi.
1922 Kvenskátafélag Íslands er
stofnað, en það var fyrsta
félag sinnar tegundar á Ís-
landi.
1932 Átök eru þegar verkafólk
safnast saman við Góð-
templarahúsið í Reykjavík
þar sem bæjarstjórn hélt
fund um atvinnubóta-
vinnu.
1966 Aðalritari Sameinuðu
þjóðanna, U Thant, kemur
til Íslands í tveggja daga
heimsókn.
1983 Ray Charles, konung-
ur sóltónlistarinnar,
skemmtir á Broadway
ásamt hljómsveit.
RINGO STARR TÓNLISTARMAÐUR
ER 68 ÁRA Í DAG.
„Konur skipta mig miklu
máli. Ég veit ekki af hverju,
en þær gera mig brjálaðan.“
Tónlistarmaðurinn, söngvarinn
og lagahöfundurinn Ringo Starr
fæddist í Liverpool á Englandi
árið 1940. Hann var meðlimur
í hinni margrómuðu hljómsveit
Bítlunum.
Hjónin Gunnur Hafsteinsdóttir og Stef-
án Jónsson opnuðu nýlega fyrsta gisti-
heimilið í Þorlákshöfn, sem ber nafnið
Bergskáli.
„Ég fékk þessa hugmynd einn morg-
uninn þegar ég vaknaði. Það hefur
aldrei verið gistihús hérna svo ég ákvað
bara að prófa þetta,“ segir Stefán og
Gunnur bætir við að þau hafi viljað
auka þjónustu í Þorlákshöfn og kanna
hvernig gistihús mynda ganga. „Ég tók
bara einn hring í þorpinu og fann hús
sem ég taldi henta og keypti það,“ upp-
lýsir Stefán.
Hjónin segjast ekki hafa komið ná-
lægt rekstri gistiheimilis áður. „Ég er
nú lærður atvinnukafari og hef unnið
við það í 24 ár. Svo er ég með vélsmiðju
líka. Ég ákvað bara að prófa þetta og
bæta því í sarpinn,“ segir þúsundþjala-
smiðurinn Stefán. Hann kveður þau
hjónin hafa rennt alveg blint í sjóinn
með því að opna gistihúsið á staðnum,
þar sem engin fordæmi séu fyrir slík-
um rekstri á svæðinu. „Þegar eitthvað
hefur aldrei verið gert áður, er erfitt
að segja hver markaðurinn er fyrir það
þegar á reynir,“ segir Stefán íhugull.
Að sögn Gunnar tók töluverðan tíma
að innrétta Bergskála. „Það var svaka-
leg vinna að koma þessu í gang.“ Stef-
án bætir við: „Sú vinna er þó alveg að
verða búin. Það er bara verið að ganga
frá seinustu endunum.“ Hann segir að
þau hafi nú þegar fengið nokkra nætur-
gesti sem hafi látið mjög vel af dvöl-
inni.
Herbergin í Bergskála eru fimm tals-
ins. Þau eru tveggja manna, svipuð að
stærð, og öll með sérbaðherbergi. „Her-
bergin eru einföld. Við lögðum þó svo-
lítið í þetta. Þetta er alveg 21. aldar
gistiheimili,“ segir Stefán. Gunnur
bendir jafnframt á að fyrir neðan gisti-
heimilið sé starfrækt veitingahúsið
Svarti sauðurinn. „Já, veitingahúsið og
gistiheimilið hjálpa hvort öðru myndi
ég segja,“ segir Stefán og upplýsir að
stefnan sé að hafa Bergskála opinn allt
árið um kring.
„Það hafa verið ágætis undirtektir
við opnun Bergskála,“ segir Stefán og
bætir við að aðsóknin hafi verið furðu
mikil í ljósi þess að þau hjónin hafi ekk-
ert auglýst. „Þetta hefur bara farið
manna á meðal. Það er mesta furða
hvað þetta röltir.“ martaf@frettabladid.is
BERGSKÁLI: FYRSTA GISTIHEIMLIÐ OPNAÐ Í ÞORLÁKSHÖFN
Ótrúlega góðar undirtektir
FRUMKVÖÐLAR Hjónin Gunnur og Stefán opnuðu nýlega fyrsta gistihúsið í Þorlákshöfn.
MYND/EGILL BJARNASON
AFMÆLI
MARGRÉT
GUÐNADÓTTIR
prófessor er
79 ára.
PATREKUR
JÓHANNES-
SON
handknatt-
leiksmaður er
36 ára.
LILJA GUÐRÚN
ÞORVALDS-
DÓTTIR
leikkona er 58
ára.
JÓN VIÐAR
JÓNSSON
gagnrýnandi
er 53 ára.
Nafn: Hlíf Sveinbjörnsdóttir.
Staður sem borið er út á: Ég hef borið út Frétta-
blaðið í Sandgerði í nokkur ár.
Önnur störf: Ég rek fyrirtæki með manninum
mínum.
Ertu ein að bera út eða ertu með aðstoðarmenn?
Ég ber blaðið ein út á morgnana.
Hvað finnst þér skemmtilegast við starfið? Að
hlusta á fuglasönginn á vorin.
Hver voru viðbrögð þín þegar þér var tilkynnt um
vinninginn? Það kom mér skemmtilega á óvart og
ég var svo sannarlega ánægð með að fá gjafabréf í
Kringluna.
Áhugamál: Mér og fjölskyldunni þykir skemmtileg-
ast að ferðast um landið á húsbílnum okkar og síð-
asta sumar ferðuðumst við um hálendið í yndis-
legu veðri.
Pósthúsið óskar Hlíf til hamingju með titilinn
Blaðberi mánaðarins í maí og þakkar fyrir ánægju-
legt samstarf í gegnum árin.
BLAÐBERI MAÍMÁNAÐAR: HLÍF SVEINBJÖRNSDÓTTIR
Kom skemmtilega á óvart
Hægt verður að skoða
byggðasafnið í Njarðvík
alla daga í sumar. Húsið
Njarðvík og kirkjan í Innri-
Njarðvík verða opin dag-
lega frá klukkan 13 til 17.
Jórunn Jónsdóttir var síð-
asti ábúandi í húsinu Njarð-
vík og er þar nánast um-
horfs eins og hún skildi við
það. Gamlir húsmunir inn-
anstokks, fjölskyldumyndir
á veggjunum og „andi liðins
tíma svífur yfir“.
Njarðvíkurkirkja er fal-
leg steinkirkja og ein fárra
sinnar tegundar á landinu.
Bæði húsin standa í gamla
hluta Innri-Njarðvíkur í
samspili sögu og náttúru.
Meðal þeirra sem taka á
móti gestum í Njarðvík og
kirkjunni eru Einar G. Ól-
afsson og Helga Ingimund-
ardóttir.
Frá þessu er greint á
fréttavef Víkurfrétta 1. júlí
síðastliðinn.
Andi liðins tíma
Njarðvíkurkirkja er falleg bygging.
Til greina kemur að stofna
nýjan framhaldsskóla í
Rangárþingi. Nefnd skip-
uð af menntamálaráðherra,
Þorgerði Katrínu Gunn-
arsdóttur, með fulltrúum
Menntamálaráðuneytis og
sveitarfélögum í Rangár-
þing, fjallar um málið og
ber að skila umsögn til ráð-
herra.
Unnur Brá Konráðsdóttir,
sveitarstjóri Rangárþings
eystra, segir hugmyndina
hafa kviknað á forvarnar-
fundi í sýslunni. „Við héld-
um fund þar sem foreldr-
ar töldu eina forvörnina
fólgna í því að stofna skóla
til að halda ungmennum
lengur heima. Eins og sakir
standa ferðast sum þeirra
langt til að sækja menntun
og finnst í mörgum tilvik-
um hagkvæmara að flytja
að heiman. Byggju þau
lengur í foreldrahúsum eru
einnig auknar líkur á að þau
settust að í byggðinni.“
Framhaldsskólinn er
samstarfsverkefni Rang-
árþing eystra, ytra og Ása-
hreppur. Í tillögunni var að-
allega horft til framhalds-
skólans á Grundarfirði en
þar er íbúafjöldi svipaður
og á upptökusvæði fram-
haldsskólans.
Framhaldsskóli
í Rangárþingi
MENNTUN Hvolsvöllur er stærsti bærinn innan Rangárþings eystra
sem telur um 1.700 íbúa.