Fréttablaðið - 07.07.2008, Blaðsíða 37

MÁNUDAGUR 7. júlí 2008 21
Vintage-verslanir virðast vera í uppsveiflu um allan heim
enda hafa notuð föt ýmislegt til brunns að bera. Mekka
secondhand-búðanna á Íslandi er að finna á Laugaveginum.
Vinsældir vintage-fatanna gætu átt sér margvíslegar ástæður. Bæði eru
þau óneitanlega umhverfisvænni en fjöldaframleiddu bolirnir úr versl-
anakeðjunum og þar að auki höfðar það til margra að eiga einstaka flík
með sögu, frekar en kjól sem á sér mörg þúsund líka í veröldinni. Íslend-
ingar virðast ekki vera undanskildir þessari þróun, en hér á landi er
suðupunkt blómstrandi vintage-menningar að finna á Laugaveginum og
í miðborg Reykjavíkur. Fréttablaðið setti saman uppskrift að fínustu
fjársjóðsleit á Laugaveginum.
Mekka vintage-verslana er í Reykjavík
Fjölskyldan stækkar ört hjá
Naomi Watts sem á nú von á sínu
öðru barni, en leikkonan eignaðist
sitt fyrsta barn, soninn Alexand-
er, í júlí á síðasta ári með
eiginmanni sínum Liev Schreiber.
Naomi sem er 39 ára gömul,
hyggst taka sér frí frá kvik-
myndaleik á meðan hún einbeitir
sér að fjölskyldunni og ætlar ekki
að taka að sér hlutverk næsta
árið. Lengi vel óttaðist leikkonan
að hún hefði byrjað of seint á
barneignum vegna anna, en segist
nú langa til að eignast tvö til þrjú
börn í viðbót.
Aftur ólétt
FJÖLSKYLDAN STÆKKAR Naomi Watts
á von á sínu öðru barni, en það er
aðeins ár síðan hún eignaðist soninn
Alexander.
Rhys Ifans er margt til lista lagt.
Fyrir stuttu steig hann á svið með
hljómsveit
sinni The Peth,
sem er velska
og þýðir
Hluturinn, og
fékk hljóm-
sveitin glim-
randi góðar
undirtektir.
Rhys er þó
enginn nýgræð-
ingur í tónlist-
inni því hann
var um stund söngvari hljóm-
sveitarinnar Super Furry
Animals. Það er vonandi að Rhys
geti sungið sig í gegnum sam-
bandsslitin við Siennu.
Söngfuglinn
Rhys Ifans
RHYS IFANS
Spúútnik
Þeir sem eitthvað hafa stundað second hand-
búðirnar hér í borg hafa örugglega allir lagt leið
sína í Spúútnik, enda hefur hún staðið í blóma
árum saman. Bæði strákar og stelpur geta fundið
eitthvað við sitt hæfi, sama hvort um ræðir
buxur eða sundföt, nælur eða kuldaskó. Kíló-
markaðurinn sem af og til skýtur upp kollinum
hefur einnig verið vinsæll, enda aldrei leiðinlegt
að kaupa föt eftir vigt. Laugavegi 28b.
Enn meiri möguleikar
Þegar Laugaveginum lýkur er þó enn aðeins af vintage-paradísinni eftir.
Þeir sem enn eru ekki orðnir örmagna í fingrum af gramsinu geta haldið í
Garðastrætið, þar sem Hjálpræðisherinn selur notuð föt. Þó að gólfið í Fríðu
frænku bókstaflega svigni undan alls kyns stofustássi leynist oftar en ekki
slangur af kjólum, undirkjólum og töskum inn á milli, svo þar er líka hægt
að detta í lukkupottinn. Um helgar stendur Kolaportið svo alltaf fyrir sínu
og Organmarkaðurinn, sem er opinn á föstudögum og laugardögum, hefur
verið vinsæll í sumar. Þeir sem vilja halda enn lengra út fyrir mekka vintage-
búðanna í höfuðborginni geta kíkt inn í útibú Spúútnik í Kringlunni, eða
aðra verslun Rauða krossins á Strandgötu í Hafnarfirði. sunna@frettabladid.is
Rokk og rósir
Verslunin Rokk og rósir flutti sig nýlega um set og
er nú til húsa nokkurn veginn gegnt Vegamótastíg.
Þar úir og grúir af dýrindiskjólum, skyrtum, pilsum
og bróderuðum peysum auk fylgihlutanna sem allar
konur elska. Laugavegi 12b.
Foxy Gold
Sé gengið niður Laugaveginn í leit að notuðum
djásnum er rétt að hefja leikinn í Foxy Gold, sem
var opnuð um miðjan júnímánuð. Hún er til húsa
að Laugavegi 83 og selur föt á bæði konur og karla.
Stefnan er að velja vörurnar af kostgæfni og bjóða
þannig upp á fatnað af vandaðri toganum. Það ætti
því ekki að vera mikil þörf á að gramsa.
Laugavegur 83.
Glamúr
Næsta viðkoma væri aðeins neðar í götunni,
þar sem verslunin Glamúr er nú til húsa. Þar
er einungis að finna kvenfatnað, en þá nóg
af honum. Innan um kjóla, pils, töskur og skó
leynast líka antík-kímonóar og vintage skart-
gripir. Laugavegur 41.
Vintage
Þó að nafnið gefi annað
til kynna selur Vintage
bæði ný og notuð föt.
Verslunin tók fyrstu skref
sín sem uppboðssíða á
Myspace, en var opnuð
fyrir gestum og gangandi í
húsnæðinu við Lauga-
veginn í lok maí. Þar er
að finna glæsikjóla, nýjar
gallabuxur, notaða hæla-
skó og nýja strigaskó í
bland við ýmislegt annað.
Laugavegi 25, 2. hæð.
Rauða
kross-búðin
Í fataverslun Rauða
krossins kennir
ýmissa grasa. Fötin
þar eru komin
frá góðhjörtuðu
fólki sem gefur
þau frekar en að
henda og eru seld
til fjáröflunar fyrir
samtökin. Verði er
mjög stillt í hóf, en
viðskiptavinir gætu
þurft að hafa sig
aðeins í frammi við
að gramsa til að
finna gersemarnar
sem leynast oftar
en ekki í hrúgun-
um.
Laugavegi 17.