Fréttablaðið - 07.07.2008, Blaðsíða 40
24 7. júlí 2008 MÁNUDAGUR
sport@frettabladid.is
Sparisjóðsvöllur, áhorf.: 1.298
Keflavík FH
TÖLFRÆÐIN
Skot (á mark) 9-8 (5-2)
Varin skot Ómar 2 – Daði 3
Horn 5-7
Aukaspyrnur fengnar 12-10
Rangstöður 2-3
FH 4–3–3
Daði Lárusson 6
Guðmundur Sævars. 6
Tommy Nielsen 7
Freyr Bjarnason 6
(79., Ásgeir Gunnar -)
Hjörtur Logi Valgarðs. 5
Dennis Siim 4
Davíð Þór Viðarsson 7
Matthías Vilhjálmsson 4
(88., Jónas Grani -)
Atli Guðnason 5
Arnar Gunnlaugsson 6
Tryggvi Guðmunds. 4
(71., Bjarki Gunnl. -)
*Maður leiksins
KEFLAVÍK 4–4–2
Ómar Jóhansson 7
*Guðjón Á. Anton. 8
Kenneth Gustafsson 8
Hallgrímur Jónasson 7
Brynjar Guðmunds. 5
(63., Nicolaj Jörgens. 6)
Símun Samuelsen 6
Hólmar Örn Rúnars. 7
Einar Orri Einarsson 4
(53., Magnús Þorst.. 7)
Hörður Sveinsson 4
Patrik Redo 5
Guðmundur Steinars. 3
(63., Þórarinn Kristj. 6)
1-0 Magnús Sverrir Þorsteinsson
(90.+2.)
1-0
Jóhannes Valgeirs. (8)
STAÐAN Í LANDSBANKADEILD:
1. FH 10 7 1 2 21-10 22
2. Keflavík 10 7 1 2 23-15 22
3. KR 10 6 0 4 18-11 18
4. Valur 10 5 1 4 16-13 16
5. Fjölnir 9 5 0 4 11-9 15
6. Fram 10 5 0 5 10-9 15
7. Breiðablik 9 3 3 3 15-15 12
8. Þróttur 10 3 3 4 13-18 12
9. Grindavík 9 3 1 5 11-16 10
10. Fylkir 9 3 0 6 10-16 9
11. ÍA 9 1 4 4 7-13 7
12. HK 9 1 2 6 10-20 5
Markahæstu leikmenn deildarinnar:
1. Björgólfur Takefusa (KR) 9 mörk
2. Guðmundur Steinarsson (Keflavík) 7
3. Pálmi Rafn Pálmason (Valur) 7
4. Atli Viðar Björnsson (FH) 6
5. Prince Rajcomar (Breiðablik) 5
6. Guðjón Baldvinsson (KR) 5
> Mikilvægir heimaleikir hjá botnliðunum
HK-ingar eru á botni Landsbankadeildar karla og þurfa
nauðsynlega á sigri að halda þegar nýliðar Fjölnis koma
í heimsókn á Kópavogsvöll í kvöld en leikurinn hefst kl.
20.00. ÍA er sem stendur í fallsæti ásamt HK en gæti með
sigri gegn Grindavík komist upp að hlið Suðurnesjaliðsins
en leikurinn fer fram á Skipaskaga og hefst
kl. 19.15. Skagamennirnir Guðjón Þórðar-
son þjálfari, Bjarni Guðjónsson og Vjeko-
slav Svadumociv taka út leikbann í kvöld.
Fylkismenn eru í harðri botnbaráttu
eftir að hafa tapað fjórum leikjum
í röð en þeir geta með sigri á
Breiðabliki á Fylkisvelli komist
upp að hlið Kópavogsliðsins.
Jóhann B. Guðmundsson er að leika sitt þriðja tímabil
með GAIS í sænsku úrvalsdeildinni en hefur farið víða
á ellefu ára löngum ferli sínum sem atvinnumaður
í fótbolta. Jóhann yfirgaf herbúðir Keflvíkinga
árið 1998 og hélt á vit ævintýr-
anna hjá Watford á Englandi þar
sem hann lék meðal annars níu
leiki með liðinu í ensku úrvalsdeildinni tímabilið
1999-2000. Þaðan var förinni heitið til Lyn í Nor-
egi árið 2001 og loks til Örgryte í Svíþjóð árið 2004
áður en hann fór til GAIS árið 2006. Á dögunum var
Jóhann orðaður við endurkomu á heimaslóðir í Keflavík
en miðjumaðurinn snjalli kvað ekkert ákveðið í þeim
efnum.
„Þetta var nú bara þannig að Keflvíkingar hringdu út
og tóku stöðuna á mér en samningur minn rennur út eftir
yfirstandandi tímabil. Ég er satt best að segja ekkert enn búinn
að ákveða hvað verður næsta skref hjá mér. Það er áhugi fyrir
hendi hjá GAIS að ég framlengi samning minn við félagið en
það er ekkert í hendi með það að gera. Ég hef hins vegar lent í leið-
inlegum meiðslum á þessari leiktíð og hef ekki fengið að spila jafn
mikið og ég var að vonast eftir og það kitlar því vissulega að koma
heim og fá að spila,“ sagði Jóhann sem kvað málið þó vera talsvert
flóknara en það að hann myndi hoppa upp í vél og klæða
sig í leiktreyju Keflavíkur.
„Ef Keflvíkingar myndu vilja fá mig strax þá geri ég ráð
fyrir því að GAIS hafi eitthvað um það að segja þar sem ég er samn-
ingsbundinn þeim. Ég er líka með fjölskylduna í Gautaborg og okkur
líður mjög vel þar og strákurinn minn er til að mynda að fara
að byrja í skóla fljótlega, þannig að það eru ýmsir hlutir sem
þarf að huga að,“ sagði Jóhann sem kvað Keflavík vitanlega
vera efst á óskalistanum ef hann myndi ákveða að snúa
heim á leið.
„Keflavík er náttúrlega mitt lið og það virðist vera skemmtileg
stemning yfir liðinu núna og leikmannahópurinn er sterkur. En það
er of snemmt að vera að tala um heimferð strax, en þetta kemur allt
í ljós,“ sagði Jóhann að lokum.
JÓHANN B. GUÐMUNDSSON: LÍKAR LÍFIÐ Í GAUTABORG EN VIÐURKENNIR AÐ HUGURINN REIKI HEIM Á KLAKANN
Enn ekkert búið að ákveða með framhaldið
FÓTBOLTI Magnús Þorsteinsson var
hetja Keflavíkur sem komst upp
að hlið FH á toppi Landsbanka-
deildarinnar með 1-0 sigri í gær í
stórleik umferðarinnar. Magnús
kom inn sem varamaður og skor-
aði eina mark leiksins á 92. mínútu
með glæsilegu skoti.
Þessi tvö lið mættust í síðustu
viku í bikarnum á sama stað og
Keflvíkingar unnu þá 3-1 sigur.
Kristján Guðmundsson gerði eina
breytingu á sínu byrjunarliði frá
þeim leik en hjá FH komu Arnar
Gunnlaugsson og Tryggvi Guð-
mundsson í byrjunarliðið. Atli
Viðar Björnsson á við smávægileg
meiðsli að stríða og var ekki með í
gær.
Leikurinn byrjaði nokkuð fjör-
lega og átti Simun Samuelsen
ágætis skot strax á fyrstu mínútu
leiksins en í varnarmann fór bolt-
inn. Bestu tilþrif fyrri hálfleiksins
átti bakvörðurinn Guðjón Árni
Antoníusson sem tók á sprett,
prjónaði sig í gegnum vörn FH en
missti síðan knöttinn of langt frá
sér. Engu að síður virkilega vel
gert hjá bakverðinum trausta.
Bæði lið áttu álitlegar sóknir í
fyrri hálfleiknum og jafnræði var
með liðunum. Ansi margar send-
ingar voru misheppnaðar og komu
í veg fyrir það að opin færi sköp-
uðust. Heimamenn voru þó ívið
hættulegri upp við markið.
Guðjón Árni átti annan góðan
sprett snemma í seinni hálfleik og
Freyr Bjarnason braut á honum.
Guðmundur Steinarsson tók auka-
spyrnuna sem var rétt fyrir utan
teiginn en Daði Lárusson varði
vel. FH-ingar náðu meiri tökum á
leiknum í seinni hálfleik og náðu
völdum á miðsvæðinu. Matthías
Vilhjálmsson fékk gott færi til að
brjóta ísinn en skot hans fór yfir
markið. Markaskórnir voru fjar-
verandi hjá sóknarmönnum FH í
gær og gekk þeim erfiðlega að
brjóta trausta vörn Keflavíkur á
bak aftur.
Þá var Ómar Jóhannsson örygg-
ið uppmálað í rammanum. Á 84.
mínútu voru heimamenn óheppnir
að ná ekki að skora þegar Kenneth
Gustafsson átti skalla í slá eftir
aukaspyrnu frá Hólmari Erni Rún-
arssyni. Í kjölfarið bjargaði Denn-
is Siim síðan á marklínu.
Allt stefndi í markalaust jafn-
tefli þegar Magnús, sem kom inn
sem varamaður, náði að skora
glæsilegt sigurmark með við-
stöðulausu skoti í uppbótartíma
eftir fyrirgjöf frá Hólmari Erni
Rúnarssyni. Svo sannarlega sætur
sigur Keflvíkinga sem fögnuðu
innilega þegar Jóhannes Valgeirs-
son, góður dómari leiksins, flaut-
aði af. Það var helst öflugur varn-
arleikur Keflavíkur sem gerði
gæfumuninn í leiknum í gær. Það
er ljóst að þessi úrslit hleypa enn
meira lífi í deildina og spennan á
bara eftir að aukast. - egm
Magnús var hetja Keflvíkinga
Keflvíkingar eru komnir upp að hlið FH á toppi Landsbankadeildarinnar eftir dramatískan sigur á Spari-
sjóðsvellinum í Keflavík í gærkvöld. Magnús Sverrir Þorsteinsson skoraði sigurmarkið í uppbótartíma.
BARÁTTA Hólmar Örn Rúnarsson var öflugur í liði Keflavíkur að vanda og hér er hann að búa sig undir að skjóta að marki FH-inga
en Matthías Vilhjálmsson og Dennis Siim fylgjast með honum. Keflavík komst með sigri sínum í gær upp að hlið Hafnarfjarðar-
liðsins. VÍKURFRÉTTIR