Fréttablaðið - 07.07.2008, Blaðsíða 39

MÁNUDAGUR 7. júlí 2008 23
Maddid Theatre Company rekur á
fjörur landsins í lok sumars. Verk
þeirra, Maddid, eða What now
Maddid? verður sýnt á artFart.
Vala Ómarsdóttir, sem er nýút-
skrifuð úr Central School of
Speech and Drama, er ein þriggja
stofnfélaga leikhópsins.
„Verkið er um stelpu sem heitir
Maddid. Hún ber sig saman við
annað fólk og reynir að fá það til
að skilja hvað hún er að hugsa til
að hún geti skilið sjálfa sig. Hún
tjáir sig með hreyfingu, visual art
og texta, en verkið er mikið um
innri baráttu,“ sagði Vala.
Hún samdi verkið með tveim
vinkonum sínum, Bretanum Islu
Gray og Mari Rettedal frá Noregi.
Fyrsta sýning á verkinu var fyrir
ári í London en í kjölfarið fengu
þær styrk til að þróa verkið.
Ákveðið var að ferðast til heima-
landa þeirra, en um næstu helgi
ferðast Maddid að auki til Spánar
á leiklistarhátíð, kemur til Íslands
í ágúst og lendir í Noregi eftir jól.
„Núna erum við að prófa okkur
áfram með að færa verkið yfir á
íslensku. Ég er mjög spennt að sjá
hvernig það breytir karakternum
því hún er aldrei eins milli upp-
setninga. Hún er verkið sjálft og
það tekur alltaf breytingum.“
Spurð hvers vegna leikhópurinn
valdi artFart sviðslistahátíðina til
að frumsýna Maddid hér á landi
sagði Vala: „Þau leggja áherslu á
tilraunamennsku í sviðslistum og
nýsköpun og ég frétti að hátíðin
væri góð. Við vildum prófa að
setja verkið upp á nýjum stað í
nýrri menningu og það vildi svo til
að artFart var að hjálpa listamönn-
um eins og okkur á þeim tíma sem
við ætluðum að koma til lands-
ins.“
ArtFart hefst í ágúst og þegar
er útlit fyrir að hún verði sú
umfangsmesta til þessa. - kbs
Maddid á artFart
SÍFELLT AÐ BREYTAST Maddid tekur
breytingum við komu til landsins
MYND/BJARTE RETTEDAL
Hin brjóstagóða Jordan og eigin-
maður hennar unnu í vikunni mál
sem þau höfðuðu á hendur tímarit-
inu News of the World. Tímaritið
hafði birt grein þar sem Jordan og
Peter Andre voru sökuð um að vera
kærulausir foreldrar. Eftir réttar-
höldin las Jordan upp fréttatil-
kynningu frá þeim hjónum þar sem
þau segjast vera ástríkir foreldrar.
„Við elskum börnin okkar og mund-
um gera hvað sem er fyrir þau.
Allir þeir sem eiga börn geta rétt
ímyndað sér hvað það er sárt að
vera ranglega kallaður slæmt for-
eldri af fjölmiðlum,“ sagði Jordan í
tilkynningunni. Tímaritið baðst
afsökunar á skrifum sínum og var
einnig dæmt til að greiða hjónun-
um miskabætur fyrir ummælin.
Ekki slæmt foreldri
PETER OG JORDAN segjast vera góðir
foreldrar. Þau eiga þrjú börn.
Heildsöludreifing og þjónusta:
Tæknivörur, Skútuvogi 12c auk viðurkenndra söluaðila um land allt
M110 fæst hjá Vodafone og Símanum,
ÚTIVISTARSÍMINN
sem þorir og þolir
Flúðasiglingin var rosaleg,
allt rennblotnaði en síminn
virkaði.
Þekki þessi ekki
neitt, Fannst þau
bara svo ekta
þýsk eitthvað.
Skemmtilegt sjónarhorn,
Nonni skal aldrei komast
með tærnar þar sem ég
hef hælana.
Þetta var frábær ferð
og kjötið ljúffengt.
Sætt.
Blautasta Hróarskeldu-
hátíðin hingað til, að
utan sem innan.
30 mínútum áður
en sá stóri tók.
Nenni þessu varla aftur,
en það var gaman
meðan á því stóð.
Á skíðum
skemmti ég
mér...
Högg,- ryk- og rakavarinn (IP54) • VGA myndavél • Bluetooth
Vasaljós • Stereo FM-útvarp • Innbyggður hátalari
Konungurinn af Berlín, Helgi
Björns, hefur lagst í það virðing-
arverða ætlunarverk að taka upp
fjórtán íslenskar hesta- og sveita-
vísur og klæða sem blúsi skotið
kántrí.
Platan er hvalreki hestamanna
og þeirra sem kunna að meta allt
frá Pöpum til Geirmundar Valtýs-
sonar. Við hin verðum, því miður,
að láta ákveðna hluti fara í taug-
arnar á okkur.
Ríðum sem fjandinn, svo
skemmti sér landinn, er að mörgu
leyti ágætlega vel gerður gripur.
Sérstaklega er gítarleikurinn fínn.
Helgi kann að skemmta sér og
öðrum og er í essinu sínu í flestum
og-allir-með!-lögunum.
En ekki þegar hann syngur
alvöruþrunginn eða rómantískan
texta. Þá heyrist ákveðin kántrí-
vankunnátta, og rokkleti.
Það virkar til dæmis illa í laginu
Blakkur, sem hefði getað orðið
frábært lag, að teygja atkvæðin
endalaust. Þar er „dvelst mér hja-
á-á“ látið ríma við „norðurfrá“.
Líkt unglingum í músíktilraunum.
Stóðhesturinn, sem Jóhann Sig-
urðarson syngur, skýrir þetta
óþægilega vel.
Músíktilrauna er reyndar sárt
saknað. Þannig er full ástæða til
að skamma Helga Björns fyrir að
taka með í pakkann poppkanónur,
eins og Ég sé um hestinn og Veg-
búann, án þess að breyta þeim
nokkuð að ráði. Síðarnefnda lagið
er einn langur geispi. Enginn
greiði gerður KK.
Góðar kántríraddir þurfa að
ljúga því að söngvarinn hafi reynt
eitthvað, svo við nennum að hlusta
á söguna. Hann gæti verið graður
og grimmur eða bara þunnur og
dapur lúði, einn á sléttunni. En
Helgi nær því ekki alveg að vera
kúreki á þessari plötu. Hann er
áhugamaður um hestarækt.
Börnin góð, hér vantar alla inn-
lifun og ævintýramennsku; höfuð-
synd kúreka. Annars bara alltílæ.
Klemens Ólafur Þrastarson
Hestaáhugamaðurinn
TÓNLIST
Ríðum sem fjandinn
Helgi Björns og reiðmenn vind-
anna
★★
Styrkleiki plötunnar er hugmynd-
in og hljóðfæraleikurinn. Tónlistin
hljómar vel. En Helgi sjálfur er ekki
nógu sannfærandi. Kannski vantaði
leikstjóra í hljóðverið. Sum lögin, til
dæmis Tígulás, er erfitt að hlusta á til
enda. Helgi er samt sjarmerandi og
sleppur því oft fyrir horn. Hársbreidd
frá þriðju stjörnunni.
HELGI BJÖRNS Rokkarinn ástsæli á
misjafna spretti á nýju plötunni.
FRÉTTABLAÐIÐ/ARNÞÓR
Mugison spilaði á Hróarskelduhátíðinni á
föstudag. Hann var ánægður með tónleika
sína þegar Kolbrún Björt Sigfúsdóttir náði
tali af honum.
„2005 var miklu meira eins og fyrsti kossinn, það
var meiri upplifun fyrir mig persónulega. Það var
meira eins og að fá adrenalínsprautu. Mér fannst
vera tvö móment í dag þar sem ég kúkaði aðeins á
mig en annars var restin bara drullufín,“ segir
Mugison, Örn Elías Guðmundsson, eftir tónleika
sína á Hróarskeldu. Blaðamaður gat ekki séð að
hann hefði klúðrað neinu, en þrusugóð stemning var
á tónleikunum.
Hvernig er það að fá fólk í þetta mikið stuð? „Það
er svipað kannski og á áramótunum. Þegar eru börn
og pabbinn kaupir fullt af rakettum og þú færð að
kveikja í þeim og finnst þú vera orðinn fullorðinn.
Þú ert búinn að fá allt of mikið af kóki og kökum og
svona. Maður fer á yfirsnúning. Það er sú tilfinning
sem gott „crowd“ gefur mér, maður verður bara
ruglaður.“
Samskipti á sviðinu milli hljómsveitarmeðlima
voru áberandi. Er mikið ákveðið á staðnum? „Oft
leyfi ég þeim ekki að vita hvaða röð við tökum lögin
í og oft veit ég það ekki sjálfur. Við gerðum það
reyndar ekki í dag. En það er oft skemmtilegast
þegar maður fokkar í þeim. Þegar maður öskrar á þá
að taka eitthvert lag sem þeir bjuggust ekki við og
að ég vilji háan gítar í millikaflanum. Soldið djass
eða þannig. Það heldur okkur á einhverju greddu-
leveli.“
Hvaðan kemur greddan? „Þetta er náttúrlega
fáránlegur hópur sem er í bandinu. Addi stjórnar
þessu svolítið með tungunni á sér. Hann er örugglega
með tuttugu metra skinku í kjaftinum. Það kveikir í
okkur hinum. Bassa- og trommuleikarinn eru með allt
voða neglt og það stuðar okkur hina. Svo kemur
Davíð úr djassheiminum með eitthvert maurasýru-
element og öskur og drasl sem annaðhvort hræðir
mann eða gerir mann bara graðan. Pétur er eins og
ljósvíkingur, hann er engill sem lætur allt verða gott.
Þetta er svolítið eins og Heroes-þættirnir, það eru
allir með einhverja galdra.“
Hljómsveitin hefur verið á tónleikaferðalagi lengi.
Hvernig er að vera án fjölskyldunnar? „Þetta er bara
eins og að vera á sjó. Ég á annars fáránlega góða
konu og fjölskyldu sem styður mig í þessu. Skype-ið
hjálpar helling. En ég á eins og hálfs árs strák sem er
að gera alls konar nýja hluti og ég missi af því. Það er
bömmer en ég vil ekkert vera að væla, þetta er
fáránlegasta djobb í heimi, að halda á gítar og lemja
strengi og fá fólk til að öskra á sig. Þetta er skemmti-
leg vinna og ég er mjög heppinn maður.“
Tónleikar Mugison hafa tekið stakkaskiptum, frá
því að Örn var einn með fullt af græjum og nú, þegar
„rokkbandið ógurlega“ spilar með honum. Hvað
veldur þessum hamskiptum? „Það sem lætur mig
langa til að gera tónlist er tímaleysið þegar maður er
að gera hana. Maður dettur í svona svarthol, gleymir
algjörlega stund og stað. Og maður verður æstur í að
gera það sem manni finnst spennandi. Þegar mér
finnst ég vera að endurtaka mig þá verð ég alveg
rosalega fúll. Þú getur örugglega fengið þrjú bindi af
leiðindasögum frá konunni minni um þegar það
gerist. Ástæðan fyrir því að ég er í þessu er þetta
svarthol sem maður getur hoppað í.“
Hvaða ham tekur Mugison næst? „Ég er að vinna
mjög mikið í elektrónískri tónlist núna. Er að vinna
svoleiðis plötu til hliðar og er rosalega æstur í því
eitthvað. Svo er fullt af öðrum hugmyndum, ég veit
ekkert hvað ég geri næst. En ég verð að ögra sjálfum
mér, halda mér góðum. Ef ég ætla að fá að vinna við
þetta áfram þá verð ég að gera það af heilindum,
fyrir sjálfan mig.“ Það er augljóst að Mugison er
þreyttur, enda engin lygi að þeir spila frá sér lungu
og lifur, og meira en það.
kolbruns@frettabladid.is
Fáránlegasta djobb í heimi
ROKKAÐ Á HRÓARSKELDU Mugison og hans menn stóðu fyrir
sínu á föstudaginn. FRÉTTABLAÐIÐ/KOLBRÚN