Fréttablaðið - 07.07.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Við tifandi læk í Hafnarfirði speglast hvítir
logar úr töfrandi arni.
„Ég er alltaf svolítið kulvís, með hálfgerðan hroll,
og veit ekkert notalegra en að kveikja upp í arnin-
um og horfa á róandi og fallegan eldinn, hvort sem
það er um hábjart sumarið eða á köldum vetrum,“
segir Telma Róbertsdóttir, eigandi fasteignasölunn-
ar Húsin í borginni.
„Í uppvextinum var arinn heima og þegar við eig-
inmaðurinn, Sigurður Jóelsson, leituðum okkur að
framtíðarheimili réði arinninn mestu í mínum huga,
en að hafa eldstæði í húsi finnst mér í senn heimil-
islegt og sameinandi fyrir heimilisfólkið. Sigurður
er með eindæmum handlaginn, útfærir hlutina á
heimilinu og við höfum breytt ansi miklu. Ásýnd
arinsins í dag er því alfarið hans smíð og hugarfóst-
ur,“ segir Telma, stolt af sínum manni.
„Við erum ofsalega dugleg að kveikja upp í arnin-
um, sögum niður jólatréð og brennum annan eldivið
sem til fellur. Þarna njótum við fjölskyldan þess að
spjalla saman og vera til; sjónvarpið er þarna líka
og hentugt að líta undan í eldinn ef eitthvað ljótt er
á skjánum,“ segir Telma og hlær dátt.
„Ég er óskaplega hrifin af gömlum hlutum frá
langömmu og nýt þess að gera þá upp. Heimilið er
stílhreint, bjart og hlýlegt, með nýju og gömlu í
bland. Í bílskúrnum mála ég abstrakt, til að gera
eitthvað skapandi eftir langar setur við tölvuna, og
hengi upp um alla veggi. Ég er að mestu sjálfmennt-
uð í listinni en hélt sýningu þegar ég opnaði fast-
eignasöluna og þá fóru nokkrar til nýrra heim-
kynna.
Það er þó enn ekki svo rólegt á íslenskum fast-
eignamarkaði að ég fari með trönurnar í vinnuna,“
bætir hún við hláturmild. thordis@frettabladid.is
Notalegt snark í eldinum
Telma Róbertsdóttir fasteignasali er alin upp við snark í arni og lét drauminn um eigið heimili með arni rætast. FRÉTTABLAÐIÐ/ARNÞÓR
Rispur í glösum, þótt
smáar séu, geta sett
leiðinlegan svip á ann-
ars fallegan borðbúnað.
Gott ráð til þess að
fjarlægja smáu rispurnar
í glervörunum á heim-
ilinu er að smyrja örlitlu
af tannkremi yfir þær.
Tannkremið mýkir hrjúft
yfirborðið og virkar örlítið
eins og slípiefni fyrir það.
Blómavasar setja
líflegan svip á heimilið
yfir sumarið. Gaman
er að skreyta heimilið
með nýtíndum blóm-
um sem finna má villt
í garðinum. Það er um
að gera að finna vasa
í fjörlegum litum. Litrík
blóm og líflegir blóma-
vasar gleðja augað og setja
sumar legan blæ á heimilið.
Sumarhreingerningar
geta verið sniðugar á þeim
tímum þegar ský dregur fyrir
sólu. Í rigningarúða er tilvalið
að drífa sig inn og hreinsa hús-
gögn heimilisins. Gott húsráð
við hreinsun húsgagna er að
þrífa þau með klúti sem dýft
hefur verið í blöndu af sterku
tei því þá mun skína af þeim.
Þjónustustjóri í fyrirtækjainnheimtu
365 miðlar leita að starfsmanni í fullt starf í fyrirtækjainnheimtu.
Helstu verkefni felast í úthringingum og samskiptum við
viðskiptamenn. Viðkomandi þarf að búa yfir ríkri þjónustulund,
vera jákvæður og samviskusamur.
Umsóknarfrestur er til 13. júlí en sótt er um á vef 365 miðla -
http://www.365midlar.is/Um-365/Storf-hja-365.
Nánari upplýsingar um starfið veitir Margrét Lára Pétursdóttir á
margretl@365.is.