Fréttablaðið - 08.07.2008, Side 18

[ ]
Pistlar frá Tryggingastofnun ríkisins munu
birtast í Fréttablaðinu á næstunni undir heitinu
Þinn réttur. Þar verða veittar upplýsingar um
almannatryggingar.
„Við sem erum vef- og kynningarfulltrúar hjá
Tryggingastofnun og sjáum um heimasíðuna www.
tr.is, hleyptum af stokkunum greinaflokki á
heimasíðunni sem kallast Þinn réttur. Greinarnar
verða einnig birtar í Fréttablaðinu, einu sinni í
mánuði, og við ætlum þá að taka fyrir eitthvert
ákveðið málefni til að upplýsa fólk betur um
hugsanlegan rétt þess,“ útskýrir Heiðar Örn
Arnarson. Pistlarnir munu birtast mánaðarlega í
Allt hluta Fréttablaðsins og verða jafnframt settir
inn á heimasíðu Tryggingastofnunar ríkisins.
„Við tökum fyrir ákveðið þema í hverjum
mánuði þar sem eitt málefni er sett ofarlega á
bauginn. Nú erum við til dæmis að fjalla um
endurgreiðslur vegna mikils lækna-, lyfja- og
þjálfunarkostnaðar. Þá er á einfaldan og aðgengi-
legan hátt farið í hvaða rétt fólk hefur,“ segir
Heiðar Örn. Efnistök eru valin með það í huga að
reyna að upplýsa fólk um hluti sem það hefur
hugsanlega ekki gert sér grein fyrir að það eigi
rétt á. „Ég hef áður unnið við að taka á móti
fyrirspurnum frá fólki og það hefur oft og tíðum
ekki hugmynd um hverju það á rétt á. Við viljum
því reyna að bæta þennan þjónustuþátt og einfalda
hlutina fyrir fólki,“ segir Heiðar Örn og bendir á
að af nógu sé að taka.
„Við viljum bæta ímynd Tryggingastofnunar
sem er ekki bara eitthvert skrifræðisbákn heldur
til þess gerð að hjálpa fólki. Með pistlunum
vonumst við til að gera fólk meðvitaðra um rétt
sinn og opna betur dyr Tryggingastofnunar.“
hrefna@frettabladid.is
Fræðsla um þinn rétt
Heiðar segir að greinaflokkurinn Þinn réttur miði að því að
upplýsa fólk um möguleg réttindi sem það hefur í sambandi
við almannatryggingar. FRÉTTBLAÐIÐ/AUÐUNN
Frjókornaofnæmi veldur meðal annars nefrennsli og
hnerra. Frjókornaofnæmi eykst á frjóvgunartíma ákveðinna
plantna sem getur verið frá því á vorin og fram á haust.
DREKINN
WUSHU FÉLAG REYKJAVÍK
Skeifunni 3j · Sími 553 8282
www.heilsudrekinn.is
ÍTR námskeið
í fullum gangi.
Velkomin(n) að
skrá þig núna.