Fréttablaðið - 14.07.2008, Blaðsíða 2

2 14. júlí 2008 MÁNUDAGUR
Er mataræðið
óreglulegt?
LGG+ er fyrirbyggjandi vörn!
Skyndibitafæði, sætindi, óreglulegar
máltíðir – allt þetta dregur úr innri
styrk, veldur þróttleysi, kemur
meltingunni úr lagi og stuðlar að
vanlíðan. Regluleg neysla LGG+
vinnur gegn þessum áhrifum og
flýtir fyrir því að jafnvægi náist
á ný. Dagleg neysla þess
tryggir fulla virkni.
H
V
Í T
A
H
Ú
S
IÐ
/
S
ÍA
FERÐAMÁL „Þetta er sumar hinna
biluðu salerna,“ segir Börkur
Hrólfsson leiðsögumaður um
ástand snyrtinga fyrir ferðamenn.
Hann segir sig og fjölda starfs-
systkina sinna langþreytt á „því
ófremdarástandi“ sem nú ríki í
þessum málum um landið.
Börkur segist ekki verða var við
nokkurn skilning hjá opinberum
aðilum þegar haft er samband við
þá vegna þessara mála. „Samt sem
áður er ferðamannaiðnaður þriðja
stærsta uppspretta gjaldeyris-
tekna í landinu,“ segir hann. Þá
bendir Börkur á að ánægja ferða-
manna sé atvinnugreininni mjög
mikilvæg en það fari oft lítið fyrir
gleði eftir að ferðamenn hafi
neyðst til að gera stykki sín í
hraungjótu sem þeir hefðu fremur
viljað dást að eftir viðkomu á
kamri.
Börkur bendir á að salerni um
allt land hafi oft á tíðum verið
lokuð í sumar vegna bilana og van-
hirðu. Sums staðar, svo sem í Eld-
gjá, sé ástandið með slíkum ólík-
indum að þau hafi verið læst árum
saman. „Hins vegar eru hólarnir í
kringum kamrana þar orðnir eins
og útikamrar þar sem þar úir og
grúir af notuðum dömubindum og
pappír milli óhreinindanna,“ segir
hann.
„Það er enginn skilningur hjá
opinberum stofnunum að halda
þessum málum í lagi,“ segir Börk-
ur en bendir á að þrír staðir á land-
inu séu til mikils sóma, það er sal-
ernisaðstaðan við Seljalandsfoss,
Skógafoss og Hraunfossa. Það
telur hann skýrast af því að einka-
aðilar sjái um aðstöðuna á þessum
stöðum.
„Það er ekki nóg að opna þjóð-
garða heldur þarf líka að tryggja
að fólk þurfi ekki að kúka og pissa
um alla móa þar,“ segir hann.
Ólöf Ýrr Atladóttir ferðamála-
stjóri segir rétt að salernisaðstaða
sé víða ófullnægjandi. „Róm var
ekki byggð á einum degi og það
verða klósettin á Íslandi ekki held-
ur,“ segir hún og útskýrir að ekki
hafi fengist nægjanlegt fjármagn
til uppbyggingar á þessum þætti
ferðaþjónustunnar.
„Þetta er ekki lítið mál en meira
fjármagn þarf í þennan mála-
flokk,“ segir Ólöf. Þá bendir hún á
að þótt Ferðamálastofa sjái um
uppbyggingu salerna sé það ekki
hennar hlutverk að sjá um rekstur
þeirra. karen@frettabladid.is
Náttúruperlur verða
salerni ferðamanna
Leiðsögumaður segir ófremdarástand ríkja á ferðalögum vegna ófullnægjandi
salernisaðstöðu um landið. Kamrar séu jafnvel lokaðir árum saman en hæðir
við þá séu útbíaðar. „Róm var ekki byggð á einum degi,“ segir ferðamálastjóri.
LOKAÐ SALERNI VIÐ DETTIFOSS Þessi mynd var tekin fyrir mánuði við salernin við
Dettifoss. Ferðamaður kemst ekki inn enda allt í lás og þarf hann að spræna fyrir
framan kamrana. FRÉTTABLAÐIÐ/BÖRKUR HRÓLFSSON
ÍSLENSK FLÓRA OG KLÓSETTPAPPÍR
Hér hefur einhver ferðamaður gengið
örna sinna og líklega horft yfir Jökulsár-
gljúfur í leiðinni. MYND/BÖRKUR HRÓLFSSON
Halldór, hversu mikið safnað-
ist?
„Það var mannsöfnuður mikill.“
Íslenski safnadagurinn var haldinn hátíð-
legur í gær. Ókeypis var inn á flest söfn
á landinu og fjölbreytt dagskrá í boði.
Halldór Björn Runólfsson er safnstjóri
Listasafns Íslands.
FRAKKLAND, AP Leiðtogar 43 ríkja
mættu í gær á fund hjá Nicolas
Sarkozy Frakklandsforseta í
París til að stofna nýtt bandalag
Miðjarðarhafsríkja. Eitt fyrsta
verk þeirra á fundinum var að
samþykkja að svæðið í kringum
Miðjarðarhafið verði gereyðing-
arvopnalaust um ókomna tíð.
Sarkozy Frakklandsforseti
hefur unnið hart að því að stofn-
að verði bandalag Miðjarðarhafs-
ríkja, sem tryggja á friðinn á
þessu svæði með svipuðum hætti
og Evrópusambandið.
„Draumar Evrópu og Miðjarð-
arhafsríkja eru óaðskiljanlegir,“
sagði Sarkozy í ræðu sinni.
„Saman munum við ná árangri og
saman munum við falla,“ bætti
hann við.
Á fundinn voru mættir leið-
togar Evrópusambandsríkjanna
auk Miðjarðarhafsríkja sem
mörg hver hafa átt í harðvítugum
deilum áratugum saman. Meðal
fundargesta var Bashar Assad,
forseti Sýrlands, en hann yfirgaf
salinn áður en Ehud Olmert, for-
sætisráðherra Ísraels, flutti ræðu
sína.
Það var Hosni Mubarak, for-
seti Egyptalands, sem stýrði
fundinum ásamt Sarkozy. Mubar-
ak, sem lengi vel var tregur til
þátttöku, sagðist telja að nýja
bandalagið eigi meiri framtíð
fyrir sér en samstarfsvettvangur
sá, sem stofnað var til í Barce-
lona árið 1995. - gb
Nicolas Sarkozy tekur á móti leiðtogum á fund Miðjarðarhafsríkja:
Gereyðingarvopnalaust svæði
NEYTENDAMÁL „Við finnum mjög
greinilega fyrir auknum greiðslu-
erfiðleikum hjá fólki.“ segir Anna
Sigríður Jóhannsdóttir, sviðsstjóri
greiðendaþjónustunnar Intrum.
Þá útskýrir Anna að samfara
vaxandi erfiðleikum við að greiða
niður skuldir bætist ofan á kröf-
urnar þar sem málin þurfi að fara
lengra í kerfinu. Það sé sárt að
horfa upp á slíkt ferli en við því sé
fátt að gera annað en að reyna
greiða reikninga eins fljótt og
auðið er.
Guðmundur H. Sigurðsson, sem
nýlega fékk innheimtubréf frá
Intrum, furðar sig þó ekki á því að
fólk geti fljótlega lent í vítahring
skulda. „Ég skilaði tveimur mynd-
um á vídeóleigu of seint á síðasta
ári,“ segir hann. Höfuðstóll skuld-
ar hans vegna þess hve dróst að
skila spólunum er 1.300 krónur en
innheimtukrafan nú hljóðar upp á
10.282 krónur sem er um 700 pró-
sentum hærri upphæð. Hann seg-
ist ekki hafa vitað af skuldinni
fyrr en hann fékk senda kröfu í
byrjun mánaðarins. „Ég trúi því
ekki að fólk geti gert svona og
ætla ekki að greiða þennan reikn-
ing,“ segir Guðmundur sem þegar
segist hafa hringt í eiganda vídeó-
leigunnar og beðið um að málið
yrði leyst á annan hátt. Þar hafi
hann þó aðeins fengið þau svör að
hann væri glæpamaðurinn í mál-
inu. Þegar hann hafði samband við
innheimtufyrirtækið og bað um að
fá samband við lögfræðinginn
sem hefði málið á sinni könnu
hefði hann þó fengið þau svör að
engum hefði enn verið úthlutað
málinu.
Þau svör fengust hjá starfs-
manni Neytendasamtakanna að
mun svæsnari dæmi hefðu komið
þar á borð. Þessir starfshættir
væru ekki ólöglegir en vonast sé
til þess að ný innheimtulög sem
taka eigi gildi síðar á þessu ári
geri stöðu skuldara og skuldu-
nauta skýrari. Skuld Guðmundar
gæti orðið mjög há ef hann aðhefst
ekkert í málinu. - kdk
Neitar að greiða innheimtu sem er 700 prósentum hærri en höfuðstóllinn:
Vaxandi þrengingar skuldara
GUÐMUNDUR H. SIGURÐSSON Höfuð-
stóll skuldar hans er 1.300 krónur,
dráttarvextir eru 246 krónur, kostnaður
kröfuhafa 400 krónur og innheimtu-
þóknun 8.336 krónur.
SARKOZY OG MUBARAK Stjórnuðu í
sameiningu leiðtogafundinum í París.
NORDICPHOTOS/AFP
Kviknaði í bíl á ferð
Eldur kviknaði í pallbíl sem var á ferð
yfir Höfðabakkabrú um hádegisbil
í gær. Einn var í bílnum og komst
hann út af sjálfsdáðum áður en
slökkvilið og lögregla komu á staðinn.
Maðurinn slapp ómeiddur en bíllinn
er talinn ónýtur.
LÖGREGLUMÁL
SPÁNN, AP Næstsíðasti dagurinn í
hinu árlega nautahlaupi í
Pamplona á Spáni fór fram í gær
og í hlaupinu slösuðust sjö manns.
Í þessu hlaupi voru sex stór
naut en þau eru 600 til 700 kíló.
Hlaupið sem er 850 metrar var
sumum erfitt í gær og urðu alls
sjö manns að leita til spítalans í
Pamplona með áverka eftir
hlaupið. Alls hafa fjórtán látist í
hlaupunum frá árinu 1924 og
síðast lést ungur Bandaríkja-
maður árið 1995. Síðasta hlaupið í
ár fer fram á morgun og er búist
við að fleiri taki þátt í hlaupinu
sem þýðir fleiri heimsóknir á
spítalann. - mmr
Pamplona á Spáni:
Sjö slasast í
nautahlaupi
Á HARÐA SPRETTI Nautahlaup í Pamp-
lona hafa dregið marga til dauða.
FRAKKLAND, AP Ehud Olmert,
forsætisráðherra Ísrael, segir að
Ísraelar og Palestínumenn hafi
aldrei áður komist jafn nálægt
því að semja um frið.
Þetta sagði hann í Frakklandi í
gær, þar sem hann hitti Mahmoud
Abbas, forseta Palestínustjórnar,
í forsetahöllinni í París. Þeir voru
þangað komnir á fund Miðjarðar-
hafsríkja, sem Nicolas Sarkozy
Frakklandsforseti boðaði til.
Olmert á þó í vök að verjast
heima fyrir. Rannsóknir á
spillingarmálum hans verða æ
víðtækari og þrýstingur á hann að
segja af sér vex að sama skapi.
Abbas á sömuleiðis undir högg
að sækja á sínum heimavelli og
óvíst hvort hann hafi raunhæft
umboð til samninga frekar en
Olmert. - gb
Olmert og Abbas hittust:
Aldrei jafn stutt
í friðarsamning
Í FAÐMI FRAKKLANDSFORSETA
Abbas og Olmert ásamt Nicolas Sarkozy.
NORDICPHOTOS/AFP
LONDON, AP Eini opinberlega
samkynhneigði biskup ensku
biskupakirkjunnar, V. Gene
Robinson, segir það mistök að
meina honum aðgang að Lamb-
eth-ráðstefnunni.
Robinson var ekki boðinn á
ráðstefnuna, fund biskupa
kirkjunnar, á þriðjudaginn. Hann
var vígður biskup í New Hamp-
shire árið 2003 af bandarísku
biskupakirkjunni, kristilegum
íhaldsmönnum til mikils ama. - hþj
Fordómar biskupakirkjunnar:
Hommi ekki
boðinn á fund
ÍSRAEL, AP Stjórnvöld í Ísrael
segja að skipti á föngum við
Hisbollah-samtökin verði á
miðvikudaginn. Ísraelska
fangaþjónustan ætlar að skila
fimm líbönskum föngum í stað
tveggja ísraelskra hermanna sem
samtökin handsömuðu fyrir
tveimur árum. Hermennirnir eru
taldir af.
Ísraelsk stjórnvöld samþykktu
lausn fanganna í síðasta mánuði.
Samkvæmt samkomulagi ætla
Ísraelar að frelsa Líbanann Samir
Kantar. Hann hefur setið inni í
ísraelsku fangelsi í þrjátíu ár
fyrir að myrða þrjá Ísraelsmenn í
landamæraátökum. - hþj
Fangaskipti Ísraela og Líbana:
Skipt verður á
miðvikudaginn
SPURNING DAGSINS