Fréttablaðið - 14.07.2008, Blaðsíða 48

FÓTBOLTI Fylkismenn unnu nauð-
synlegan sigur á FH-ingum í
Kaplakrika í gær. Sigurmarkið
skoraði Jóhann Þórhallsson í við-
bótartíma. Leifur Garðarsson,
þjálfari Fylkis, missti sig af fögn-
uði á varamannabekknum enda
þurfti Árbæjarliðið á öllum stig-
unum að halda.
FH-ingar komust yfir með
umdeildu marki í fyrri hálfleik en
Fylkismenn sýndu mikinn karakt-
er og tryggðu sér sigurinn.
Fyrri hálfleikurinn var frekar
rólegur. Fylkismenn byrjuðu
ágætlega en eftir því sem leið á
náðu FH-ingar meiri tökum. Allan
Dyring átti fast skot strax í byrjun
en beint á Daða Lárusson. Á 27.
mínútu var Tryggvi Guðmundsson
mjög nálægt því að koma FH yfir
en þá átti hann glæsilegt viðstöðu-
laust skot í slá eftir hornspyrnu.
Fylkismenn komu knettinum í
markið í fyrri hálfleik en Kristinn
Jakobsson dæmdi réttilega auka-
spyrnu þar sem brotið var á Daða
markverði. Hinumegin átti Atli
Viðar Björnsson ágætis marktil-
raun en skot hans fór framhjá.
Þegar 45 mínútur voru komnar
á klukkuna komst FH yfir með
ansi umdeildu marki. Fjalar Þor-
geirsson markvörður var með
báðar hendur á boltanum þegar
Atli Viðar Björnsson sparkaði
boltann úr höndum hans. Atli
Guðnason sendi síðan á Arnar
Gunnlaugsson sem var ekki í
nokkrum vandræðum með að
skora. Skiljanlega voru Fylkis-
menn allt annað en sáttir við að
Kristinn Jakobsson dæmdi ekki
brot.
Fylkismenn lögðu árar ekki í
bát og eftir þriggja mínútna leik í
seinni hálfleik höfðu þeir jafnað.
Kjartan Andri Baldvinsson fékk
sendingu frá Andrési Má Jóhann-
essyni, komst einn gegn Daða og
kláraði færið ansi snyrtilega með
því að vippa boltanum lauslega í
hornið.
Ansi langþráð mark en Fylkis-
menn höfðu ekki skorað í 437 mín-
útur áður en Kjartan náði að skora
í gær en Jóhann Þórhallsson hafði
skorað síðasta mark liðsins.
Jóhann kom einmitt inn á sem
varamaður fyrir Kjartan í gær.
Kjartan Ágúst Breiðdal hefði
síðan átt að koma Fylki yfir ekki
löngu síðar en hann fékk þá dauða-
færi. Vann baráttu við Höskuld og
komst í virkilega gott færi en skot
hans framhjá. FH-ingar fengu líka
sín færi og boltinn flaug aftur í slá
Fylkismarksins eftir aukaspyrnu.
Fylkismenn áttu hættulegar
sóknir og varamaðurinn Hermann
Aðalgeirsson skaut föstu skoti rétt
framhjá. Annar varamaður,
Matthías Guðmundsson, átti fínan
sprett hjá FH en skot hans sleikti
hliðarnetið.
Allt stefndi í jafntefli þegar
Jóhann Þórhallsson fékk sendingu
frá Hermanni, fór illa með Tommy
Nielsen í vörn FH og skoraði sig-
urmarkið. Fylkismenn eru því
komnir með tólf stig og hafa skilið
Skagamenn og HK-inga eftir í enn
verri málum á botninum.
„Ég verð að viðurkenna að það
var smá hik en sem betur fer
kláraði ég það,“ sagði Jóhann við
Stöð 2 Sport um færið sem hann
skoraði úr. Leifur Garðarsson
sagðist ekki hugsa neitt um sína
stöðu hjá Fylki. „Ég held að þetta
sé hugarfarslegt. Ég held að menn
hafa ekki gírað sig upp að undan-
förnu, því miður,“ sagði Leifur.
- egm
Fjölnisvöllur, áhorf.: 1.226
Fjölnir ÍA
TÖLFRÆÐIN
Skot (á mark) 13–11 (7–5)
Varin skot Þórður 4 – Esben 5
Horn 8–5
Aukaspyrnur fengnar 10–9
Rangstöður 6–1
ÍA 5–3–2
Esben Madsen 5
Heimir Einarsson 4
Dario Cingel 5
Árni Thor Guðmunds. 4
(83. Aron Pétursson -)
Guðjón H. Sveinss. 4
(57. Jón V. Ákason 5)
Andri Júlíusson 3
Helgi Pétur Magnúss. 4
Bjarni Guðjónsson 5
Stefán Þórðarson 3
Vjekoslav Svadumovic 3
Atli Guðjónsson 5
*Maður leiksins
FJÖLNIR 4–5–1
Þórður Ingason 7
Magnús I. Einarsson 6
(90 Kolbeinn Krist. -)
Óli S. Flóventsson 7
Kristján Hauksson 7
Gunnar V. Gunnarss. 5
Ólafur P. Snorrason 7
Ásgeir A. Ásgeirsson 7
Ágúst Gylfason 6
(90. Andri V. Ívarss. -)
Tómas Leifsson 6
(73. Ólafur Johnson -)
Pétur Georg Markan 7
*Gunnar M. Guðm. 7
1-0 Pétur Georg Markan (30.)
2-0 Gunnar Már Guðmundsson (72.)
2-0
Magnús Þórisson (5)
24 14. júlí 2008 MÁNUDAGUR
sport@frettabladid.is
FH 1-2 FYLKIR
1-0 Arnar Gunnlaugsson (45.+1)
1-1 Kjartan Andri Baldvinsson (49.)
1-2 Jóhann Þórhallsson (90.+2)
Kaplakrikavöllur, áhorf.: 837
Kristinn Jakobsson (5)
TÖLFRÆÐIN
Skot (á mark) 6-7 (2–4)
Varin skot Daði x – Fjalar x
Horn 1–2
Aukaspyrnur fengnar 19–12
Rangstöður 6-5
FH 4–3–3 Daði Lárusson 5, Höskuldur Eiríkssson
7, Tommy Nielsen 3, Ásgeir Gunnar Ásgeirsson 5,
Hjörtur Logi Valgarðsson 6, Davíð Þór Viðarsson 5
(61. Bjarki Gunnlaugsson 5), Dennis Siim 6, Arnar
Gunnlaugsson 6 (77. Jónas Grani Garðarsson -), Atli
Guðnason 3, Tryggvi Guðmundsson 4 (77. Matthías
Guðmundsson -), Atli Viðar Björnsson 5.
Fylkir 4–3–3 Fjalar Þorgeirsson 6, Þórir Hannes-
son 6, Kristján Valdimarsson 6, *Ólafur Stígsson 7,
Víðir Leifsson 7, Ian Jeffs 6, Peter Gravesen 6, Allan
Dyring 5 (77. Hermann Aðalgeirsson -), Kjartan
Ágúst Breiðdal 6, Andrés Már Jóhannsson 6, Kjartan
Andri Baldvinsson 7 (72. Jóhann Þórhallsson -).
STAÐAN Í LANDSBANKADEILD:
1. FH 11 7 1 3 21-12 22
2. Keflavík 10 7 1 2 23-15 22
3. Fjölnir 11 7 0 4 19-10 21
4. KR 10 6 0 4 18-11 18
5. Valur 10 5 1 4 16-13 16
6. Breiðablik 10 4 3 3 17-15 15
7. Fram 10 5 0 5 10-9 15
8. Grindavík 10 4 1 5 13-17 13
9. Þróttur 10 3 3 4 13-18 12
10. Fylkir 11 4 0 7 12-19 12
11. ÍA 11 1 4 6 8-17 7
12. HK 10 1 2 7 11-26 5
FÓTBOLTI Kristján Guðmundsson
sat í fimm mínútur í ísbaði eftir
sigurleikinn gegn FH eftir
áskorun strákanna í Keflavíkur-
liðinu. Ísböð eru greinilega komin
í tísku. „Þetta er hluti af því að
vera með í þessum góða móral.
Maður fær áskoranir og ég legg
áskoranir á þá,“ sagði Kristján
sem skorar á liðið sitt að vinna.
Áskoranir strákanna eru af
öðrum toga, en fyrir ísbaðið
þurfti Kristján að sporðrenna
kókosbollum og kóki ef sigur
ynnist í Grindavík. Sú varð
raunin og ísbað var næst.
„Þeir trúðu því ekki að ég gæti
þetta. Þeir sáu það núna að
þjálfarinn er keppnismaður. En
ég viðurkenni að það var beygur í
mér fyrir ísbaðið,“ sagði Kristján
sem vissi ekkert upp á hverju
tekið yrði næst. - hþh
Þjálfaranum hent í ísbað:
Hluti af góðum
móral í Keflavík
KALDUR Kristján viðurkennir að honum
hafi ekkert litist á blikuna en hann entist
samt í fimm mínútur. FRÉTTABLAÐIÐ/JÓN ÖRVAR
>Kópavogsslagur í kvöld
Þrír leikir fara fram í Landsbankadeild karla í kvöld. Í
Kópavoginum mætast Breiðablik og HK á sameiginlegum
heimavelli sínum. Rúnar Páll Sigmundsson mun stýra liði
HK sem enn hefur ekki fundið nýjan þjálfara. Blikar sigla
lygnan sjó um miðja deild en staða
HK er slæm á botninum. Athyglis-
vert verður að sjá hvaða áhrif brott-
rekstur Gunnars Guðmundsson-
ar og ströng þjálfaraleit hafa
á leikmenn liðsins. Leikurinn
hefst klukkan 20. Þá tekur
Fram á móti Keflvík og
Þróttarar halda suður með sjó
til Grindavíkur. Báðir leikirnir
hefjast klukkan 19.15.
Íslenska landsliðið í körfubolta er statt í Litháen um þessar
mundir. Liðið leikur tvo æfingaleiki gegn einu besta landsliði
heims en sá fyrri tapaðist í gær, 115-62.
„Það voru góðir kaflar í þessu og menn geta verið sæmilega
sáttir. Við höfum ekki spilað saman í marga mánuði og erum
að slípa okkur saman. Við töpuðum fyrir vægast sagt góðu liði,“
sagði Sigurður Ingimundarson þjálfari.
„Við spiluðum vörnina þó nokkuð vel á köflum sérstak-
lega í seinni hálfleik. Sóknarleikurinn var fínn og við
komum okkur í fín færi en við nýttum þau alls ekki
nógu vel. Það var nánast enginn sem nýtti opnu
skotin sem við fengum. Það gengur ekki gegn
liði sem er með algjöra yfirburði í teignum, við
þurftum að nýta opnu skotin fyrir utan,“ sagði
þjálfarinn.
„Það skrifast á að við erum að koma okkur af
stað en við erum að verða hættulegri. Ég er pott-
þéttur á að við spilum betur í næsta leik gegn
þeim,“ sagði Sigurður en sá leikur er á morgun.
Strákunum líður vel í Litháen þar sem liðið æfir við frá-
bærar aðstæður. „Við erum nánast í mekka körfuboltans
og hér er frábært að vera. Liðin eru bæði að nota þetta
sem æfingu og leikirnir bera keim af því. En ef maður getur
tekið eitthvað jákvætt út úr leikjunum græðum við heilmik-
ið á þessu,“ sagði Sigurður.
Landslið Litháa er númer fimm í heiminum og það varð í
þriðja sæti á Evrópumótinu á síðasta ári. Í því eru nokkrir leik-
menn sem spila í NBA-deildinni. „Þeir stefna á Ólympíugullið.
Þeir gera sér raunhæfar vonir um að vinna Bandaríkin,“ sagði
Sigurður um styrkleika Litháa.
Helgi Magnússon var stigahæstur með fjórtán stig, Jakob
Sigurðarson skoraði tíu stig og tók sex fráköst, Hreggviður
Magnússon átta og þeir Hlynur Bæringsson og Sigurður Þor-
valdsson skoruðu sex. Litháar tóku 52 fráköst en Íslendingar
36 og stoðsendingar heimamanna voru 27 gegn aðeins sjö
sendingum Íslendinga. Þá var skotnýting Litháa í teignum
62% gegn 38% nýtingu Íslendinga samkvæmt heimasíðu
KKÍ.
ÍSLENSKA LANDSLIÐIÐ Í KÖRFUBOLTA: TAPAÐI MEÐ 50 STIGA MUN FYRIR EINU BESTA LIÐI HEIMS
Litháar alltof stór biti fyrir Íslendinga
FÓTBOLTI Ekkert varð úr því að
Guðjón Þórðarson ynni hundrað-
asta leikinn sinn í efstu deild karla.
Skagamenn biðu lægri hlut gegn
Fjölni í gær, 2-0.
Leikurinn fór rólega af stað en
Fjölnismenn voru þó grimmara
liðið. Þeir höfðu öll völd á miðjunni
og náðu oft ágætis spili. Skaga-
menn, sem höfðu fjölgað varnar-
mönnum sínum eftir síðasta leik,
voru í vandræðum og ógnuðu lítið.
Fjölnismenn komust verðskuldað
yfir þegar Pétur Georg Markan
skoraði gott mark eftir sendingu
Tómasar Leifssonar. Staðan í hálf-
leik var 1-0.
Í síðari hálfleik hófu Fjölnis-
menn leikinn af álíka krafti og þeir
höfðu spilað í fyrri hálfleik. Þeir
voru mun sterkari aðilinn og þrátt
fyrir að Skagamenn hafi aðeins
komist inn í leikinn um miðjan
hálfleikinn var það síður en svo
ósanngjarnt þegar Gunnar Már
Guðmundsson skoraði annað mark
Fjölnis og kom þeim í 2-0.
Lítið gerðist það sem eftir lifði
leiks og fögnuðu Fjölnismenn
góðum og sanngjörnum sigri á ÍA
og laumuðu sér þar með í þriðja
sæti deildarinnar. Skagamenn sitja
hins vegar sem fastast við botninn.
Þeir hafa ekki unnið í átta leikjum í
röð í deildinni og ljóst að þeir þurfa
að fara að spila mun betur ef ekki á
illa að fara.
Guðjón Þórðarson var svekktur í
leikslok. „Við höfum verið að reyna
að nálgast það sem vantar upp á og
ég held við höfum snert á nær
öllum flötum hvað þjálfun liðsins
varðar. Við náum ekki að skora og
ef við skorum ekki þá vinnum við
ekki fótboltaleiki. Ég hef varla séð
það svartara og þetta er eiginlega
alveg ný áskorun. En það er bara
eitthvað til að takast á við.“
Þegar blaðamaður spurði Guð-
jón hvort hann hefði eitthvað íhug-
að sína stöðu sagði Guðjón: ,,Hefur
þú íhugað þína stöðu sem blaða-
maður, hvernig hún er? Mín staða
er fín og mér líður ágætlega. Þó að
maður snerti á mörgum flötum í
þjálfuninni er ekki endilega víst að
það gangi upp,” sagði Guðjón.
Ásmundur Arnarsson, þjálfari
Fjölnis, var aftur á móti sáttari
með sína menn. „Ég er mjög ánægð-
ur með stigin þrjú og liðið í heild
sinni. Menn lögðu mikið í þetta og
uppskáru eftir því, sanngjarn
sigur. Skagamenn börðust en ég
vissi að ef við næðum fram okkar
leik þá ættum við að geta klárað
þetta,“ sagði Ásmundur. ,,Markmið
okkar voru skýr, að halda sér í
deildinni og við erum á góðri leið
með að klára það. Það gæti svo
styst í það að við förum að skoða
hlutina í öðru samhengi,“ sagði
kampakátur þjálfari Fjölnis að leik
loknum. - sjj
Enn syrtir í álinn hjá Skagamönnum sem hafa ekki unnið í átta síðustu leikjum:
Frískir Fjölnismenn komnir í fluggírinn
FAGNAÐ Fjölnismenn fagna marki Péturs í fyrri hálfleik. FRÉTTABLAÐIÐ/AUÐUNN
Lífsnauðsynlegur sigur Fylkismanna
Jóhann Þórhallsson létti pressunni af Fylki með sigurmarki í uppbótartíma gegn FH í gær. Fylkir hafði
ekki skorað í 437 mínútur áður en félagið jafnaði eftir að hafa lent undir. FH tapaði öðrum leiknum í röð.
VÖKUL AUGU Leifur Garðarsson fylgist með leiknum af hliðarlínunni. Loksis gat hann
fagnað sigri, og það á sínum gamla heimavelli. FRÉTTABLAÐIÐ/AUÐUNN