Fréttablaðið - 01.08.2008, Blaðsíða 2
2 1. ágúst 2008 FÖSTUDAGUR
Bragi, ertu ekkert hræddur um
að laginu verði nauðgað um
helgina?
„NEI.“
Gera má því skóna að lagið Þjóðhátíð ´93
með Baggalút verði mikið spilað nú um
verslunarmannahelgina, jafnvel ofspilað.
Bragi Valdimar Skúlason samdi textann
við lagið.
Grill-leikur
me› s‡r›um rjóma!
Taktu þátt í grillleik MS og þú gætir
unnið glæsilegt Weber-grill eða
vandað grillsett. Kauptu dós af sýrðum
rjóma frá MS, farðu á www.ms.is, sláðu
inn lukkunúmerið sem er í lokinu og þú
færð strax að vita
hvort þú hefur
unnið.
H
V
ÍT
A
H
Ú
S
IÐ
/S
ÍA
0
8
-1
0
2
0
ORKA Það getur verið mjög dýrt að
hækka hitastillingu á ofni eða
gleyma rafmagnstækjum í sam-
bandi, segir Eysteinn Jónsson, for-
stöðumaður sölusviðs Orkuveitunn-
ar. Þetta komi iðulega í ljós þegar
árlegt uppgjör er sent á heimilin.
Eitt sinn hafi fjölskylda fengið
reikning upp á hálfa milljón króna.
Þá hafði rafmagnsofni verið stung-
ið í samband úti í geymslu einn
vetrardaginn. Svo gleymdist að
slökkva á honum í eitt ár.
Eysteinn tekur fram að þegar
slys hendi, líkt og í tilfelli fjölskyld-
unnar að ofan, reyni starfsmenn
sölusviðs að koma til móts við við-
skiptavini.
Mörgum heitapottseigandanum
kemur uppgjörið einnig á óvart
fyrsta árið sem hann rekur pott-
inn, að sögn Eysteins. Því geti
verið gott að fá aukalestur á mæl-
ana fyrst eftir að ný tæki eru tekin
í notkun. Þá kemur breytingin fyrr
fram.
„Við sendum ellefu áætlana-
reikninga og einn uppgjörsreikn-
ing yfir árið. Það er ekki alveg
nógu sniðug aðferð. Neytandinn
sér ekki sveifluna fyrr en hann
fær höggið,“ segir hann.
Betra væri að geta mælt raun-
notkun oftar. Hins vegar sé það
afar dýrt í framkvæmd.
- kóþ
Fjölskylda fékk reikning upp á hálfa milljón út af einum ofni:
Mjög dýrt að hækka hitann
Í SÓL OG SUMARYL Nýir eigendur heitra
potta gætu minnkað áfallið af hærri
hitareikningum með því að láta lesa af
hjá sér aukalega. MYND/ÚR SAFNI
STJÓRNMÁL „Það getur svo sem
verið smekksatriði hvernig frétta-
menn bregðist við því þegar við-
mælendur svara ekki þeim spurn-
ingum sem beint er til þeirra, en
sjálfum fannst mér hrokinn felast
fyrst og fremst einmitt í því; að
svara ekki spurningunum,“ segir
Páll Magnússon útvarpsstjóri.
Ólafur F. Magnússon borgarstjóri
hefur sagt Helga Seljan frétta-
mann hafa sýnt sér hroka í Kast-
ljósinu á miðvikudag.
Ólafur segist hafa verið fenginn
í þáttinn á fölskum forsendum.
„Ég sagði Helga að ég hefði engan
áhuga á að koma í þáttinn til að
ræða smávægilegt mál eins og að
einum fulltrúa í nefnd hafi verið
skipt út; það er alvanalegt. Ég
svaraði engu að síður spurningum
um það skýrt og skilmerkilega, en
hann hélt áfram
að endurtaka
sig og reyna að
trufla mig og
ögra mér.
Við ætluðum
að ræða það
kröftuga starf
sem unnið hefur
verið í miðborg-
inni og upp-
byggingu og
skipulagsmál þar í heild. Sjálfur
nefndi Helgi að hann vildi ræða
Bitruvirkjun,“ segir Ólafur.
Hann segir Helga ekki hafa
verið á málefnalegum eða fjöl-
miðlalegum forsendum í þættin-
um, heldur pólitískum. „Mér finnst
það ótækt að vera boðaður í þátt-
inn á fölskum forsendum og mæta
þeirri framkomu fréttamannsins
sem sjónvarpsáhorfendur urðu
vitni að.
Það er pólitík að gefa í alla staði
villandi mynd, bæði af þeim ein-
staklingi sem um er að ræða og
þeim málefnum sem hann stendur
fyrir,“ segir Ólafur, sem finnst um
pólitíska misnotkun á ríkisfjölmiðli
að ræða.
Páll gefur lítið fyrir þær ásakanir.
„Ég veit eiginlega ekki fyrir hönd
hverra eða á hvaða forsendum við
ættum að vera með pólitíska mis-
notkun. Hann verður þá að tína til
dæmi þar um,“ segir Páll. Hann
segist ekki geta haft skoðun á því
tveggja manna tali sem var for-
senda komu Ólafs í þáttinn. „Hins
vegar hefði verið hægt að fara yfir
víðara svið í borgarmálum hefði
hann svarað því sem hann var
spurður um.“ kolbeinn@frettabladid.is
Útvarpsstjóri sakar
Ólaf F. um hroka
Borgarstjóri segist hafa verið fenginn á fölskum forsendum í Kastljósið og sakar
fréttamann um hroka. Útvarpsstjóri segir hrokann liggja hjá borgarstjóranum.
PÁLL MAGNÚSSON
KJARADEILA Slökkviliðsmenn á
Keflavíkurflugvelli samþykktu í
gær sáttatilboð flugmálastjórnar
Keflavíkurflugvallar. Í sáttatil-
boðinu fólst að í stað tuttugu tíma
skerðingar á vinnutíma nam
skerðingin tíu tímum.
„Það er ekkert réttlæti að tapa
öllum þessu tímum. Ég reikna
með að það séu tíu til tólf prósent
af grunnlaunum sem menn eru að
tapa,“ segir Sverrir B. Björnsson,
formaður Landssambands
slökkviliðs- og sjúkraflutninga-
manna. Samningurinn gildir til
ársloka. Í byrjun næsta árs tekur
nýr aðili, Keflavíkurflugvöllur
ohf., við rekstri flugvallarins. - ges
Kjaradeila í Keflavík:
Slökkviliðs-
menn sömdu
LÖGREGLUMÁL Mótorhjól mældist á
245 kílómetra hraða á Þingvalla-
vegi á þriðjudagskvöld. Kristján
Ó. Guðnason, yfirmaður umferðar-
deildar lögreglunnar á höfuðborg-
arsvæðinu, segist ekki muna eftir
tilviki þar sem bifhjólamaður
hefur ekið eins hratt.
Manninum var ekki veitt
eftirför en bæði hann og þeir sem
á vegi hans urðu voru í mikilli
hættu. Ekki náðist númerið á
hjólinu og litlar líkur taldar á því
að maðurinn náist. Fyrir fjórum
árum lést ungur maður þegar
hann féll af mótorhjóli sínu á Þing-
vallavegi við Skálafellsafleggjara,
á mjög svipuðum stað og hraðakst-
urinn á þriðjudag mældist. - þeb
Ofsaakstur á Þingvallavegi:
Bifhjólamaður
mældur á 245
BANDARÍKIN, AP Skógarbjörn í
Minnesota var skotinn á miðviku-
dag eftir að eftirlitsmenn höfðu í
sex daga árangurslaust reynt að
fanga hann.
Björninn hafði fest hausinn
ofan í tíu lítra plastfötu og gat
hvorki étið né drukkið, þótt hann
gæti andað. Reyna átti að hjálpa
birninum, en þegar hann álpaðist
inn í bæinn Frazee var ákveðið að
skjóta dýrið. Hátíð stóð yfir í
bænum og fjöldi manns á ferli.
Fullvíst þótti að björninn væri
illa haldinn af þorsta og hungri.
Hann sást fyrst með fötuna á
hausnum mánudaginn 21. þessa
mánaðar, og var þá í hundrað
kílómetra fjarlægð frá Frazee. - gb
Skógarbjörn í vanda:
Skotinn með
hausinn í fötu
Ekið á sex ára dreng
Ekið var á sex ára dreng á tjaldstæð-
inu á Hömrum á Akureyri klukkan
sjö í gærkvöld. Hann var fluttur á
sjúkrahús til skoðunar en meiðsl hans
voru ekki talin alvarleg.
SLYS
SAMGÖNGUR Samgönguráðherra,
Kristján L. Möller, gangsetti í
gær nýjan sendi fyrir farsíma í
Norðurárdal í Skagafirði. Með því
lauk átaki um að koma á farsíma-
sambandi allan hringveginn.
Fjarskiptasjóður og Síminn
sömdu um átakið í fyrra, en
nokkrir kaflar á hringveginum
höfðu verið án sambands. Úr því
var bætt og einnig á fimm
fjallvegum: Fróðárheiði, Stein-
grímsfjarðarheiði, Þverárfjalli,
Fagradal og Fjarðarheiði. Þá var
settur upp sendir í Flatey í
Breiðafirði sem nær einnig til
svæða á Barðaströnd sem voru
áður sambandslaus. - kóp
Farsímasamband bætt:
Farsímar nást
allan hringinn
MÓTMÆLI Norðurál hefur ekki
ákveðið hvort fyrirtækið muni
leggja fram kæru á hendur
liðsmönnum samtakanna Saving
Iceland, sem stöðvuðu vinnu á lóð
fyrirhugaðs álvers í Helguvík
laugardaginn 19. júlí síðastliðinn.
Þetta segir Ágúst F. Hafberg,
talsmaður Norðuráls. Lögregla
handtók einn mótmælendanna á
svæðinu.
Orkuveita Reykjavíkur og
Klæðning ehf. fóru strax fram á
hálfa milljón króna í skaðabætur
frá liðsmönnum Saving Iceland
sem stöðvuðu vinnu við stækkun
Hellisheiðar virkjunar á mánudag.
- sh
Norðurál hefur ekki kært:
Mótmælendur
ekki kærðir enn
Götum í miðborginni lokað
Göturnar Kirkjutorg, Templarasund
og Kirkjustræti verða lokaðar fyrir
umferð í dag vegna innsetningar í
embætti forseta Íslands, sem fer fram
í Dómkirkjunni og Alþingishúsinu.
Göturnar verða lokaðar frá hádegi og
til hálfsex í dag.
LÖGREGLUFRÉTT
BORGARSTJÓRI Ólafur F. Magnússon
segist hafa verið fenginn í Kastljósið á
fölskum forsendum.
FR
ÉT
TA
B
LA
Ð
IÐ
/S
TE
FÁ
N
UMHVERFISMÁL Samkvæmt úrskurði umhverfisráð-
herra skal meta heildstætt framkvæmdir tengdar
álverinu á Bakka, Þeistareykjavirkjun Kröfluvirkjun
II og háspennulínu frá Kröflu og Þeistareykjum til
Húsavíkur. Í úrskurðinum segir brýna þörf á að
umhvefisáhrif allra framkvæmdanna „liggi fyrir í
heild sinni áður en leyfi fyrir einstökum framkvæmd-
um er veitt“.
Ingólfur Freysson, sem situr í stjórn kjördæmisráðs
í NA-kjördæmi, er mjög ósáttur. Hann segir mismun-
andi viðhorf hjá umhverfisráðherra til álvers á Bakka
og í Helguvík. „Ég lít á þetta sem mjög alvarlegt
áhlaup á landsbyggðina. Samfylkingin á eftir að þurfa
að súpa seyðið af þessum úrskurði.“
Ingólfur Ásgeir Jóhannsson, formaður Samtaka um
náttúruvernd á Noðurlandi, segir eðlilegt að meta
heildstæð áhrif. „Álver án orku er tilgangslítið og
rafmagnið kemur úr virkjununum, ekki raflínunum.
þess vegna er eðlilegt að meta heildaráhrif allra
framkvæmdanna, ekki einstaka hluta hennar.“
Ólafur Ísleifsson, hagfræðingur við viðskiptadeild
Háskólans í Reykjavík, segist ekki hafa kynnt sér
úrskurðinn til hlítar. „Við ríkjandi aðstæður í efna-
hagsmálum er nauðsynlegt að efla verðmætasköpun í
þjóðarbúinu og nýta þau tækifæri til tekjuöflunar sem
hátt orkuverð um þessar mundir býður upp á. Vona
verður að þessi úrskurður verði ekki til þess að tefja
nauðsynlega viðleitni í þá átt,” segir Ólafur. - kóp
Afar misjöfn viðbrögð við úrskurði umhverfisráðherra:
Alvarlegt áhlaup á landsbyggðina
BAKKI Í NORÐURÞINGI Heimamenn eru ekki allir sáttir við
úrskurð umhverfisráðherra. FRÉTTABLAÐIÐ/VILHELM
SPURNING DAGSINS